ନୂଆଦିଲ୍ଲୀ: ହୋଲିର ରଙ୍ଗରେ ଦୁନିଆ ରଙ୍ଗିନ । ସବୁଠି ଫଗୁ ଅବିରର ଖେଳ । ଗାଁରୁ ସହର ଉତ୍ସାହର ଉତ୍ସବ । ପିଲାଠୁ ବୃଦ୍ଧ, ସାଧାରଣ ଲୋକଙ୍କ ଠାରୁ ରାଜନେତା ସମସ୍ତେ ହୋଲି ଖେଳି ଖୁସି ମନାଉଛନ୍ତି । ଗତକାଲି ଭାରଚର ଅନେକ ସ୍ଥାନରେ ହୋଲି ଉତ୍ସବ ପାଳନ ହୋଇଥିବା ବେଳେ ଆଜି ମଧ୍ଯ ଭାରତର ବିଭିନ୍ନ ସ୍ଥାନରେ ରଙ୍ଗର ପର୍ବକୁ ମନଭରି ପାଳୁଛନ୍ତି ଲୋକେ ।

Advertisment

ଏକତାର ରଙ୍ଗରେ ବାନ୍ଧି ରଖେ ହୋଲି । ଚଳିତ ବର୍ଷ ସାରା ଦେଶରେ ବେଶ ଧୁମଧାମରେ ପାଳିତ ହେଉଛି ହୋଲି ପର୍ବ । ପଲ୍ଲୀରୁ ଦିଲ୍ଲୀ ସବୁଠି ଚାଲିଛି ଜୋରଦାର ସେଲିବ୍ରେସନ । ଯେଉଁଥିରେ ପିଲା ହେଉ କି ବୃଦ୍ଧ, ନେତା ହୁଅନ୍ତୁ କି ଅଭିନେତା ସଭିଏଁ ହୋଇଛନ୍ତି ମସଗୁଲ୍ । 

ଛତିଶଗଡରେ ପୋଲି କର୍ମୀ ରଙ୍ଗ ଖେଳି ଖୁସି ମନାଇଛନ୍ତି । ଉତ୍ତରପ୍ରଦେଶ ପ୍ରୟାଗରାଜରେ ଏକାଠି ହୋଇ ଲୋକେ ନାଚଗୀତରେ ମସଗୁଲ ଅଛନ୍ତି । ମଥୁରାରେ ବି ଲୋକେ ପରସ୍ପର ଦେହରେ ରଙ୍ଗ ଅବିର ମାରି ଖୁସି ବାଣ୍ଟିଛନ୍ତି । 

ଭାରତୀୟ ସେନାର ଯବାନମାନେ ସୀମାରେ ପାଳିଛନ୍ତି ହୋଲି ପର୍ବ । ପରସ୍ପରଙ୍କୁ ରଙ୍ଗ ବୋଳିବା ସହ ଏହି ପବିତ୍ର ପର୍ବର ଶୁଭେଚ୍ଛା ଦେଶବାସୀଙ୍କୁ ଜଣାଇଛନ୍ତି ଭାରତୀୟ ସେନାର ଯବାନମାନେ । ପୁରୀ ଆସି ଶ୍ରୀକ୍ଷେତ୍ରରେ ହୋଲି ପାଳିଛନ୍ତି ବିଜେପି ସାଂସଦ ହେମାମାଳିନୀ । 

ପଲ୍ଲୀରୁ ଦିଲ୍ଲୀ ସବୁଠି ବେଶ ଜାକଜମକରେ ଜାରି ରହିଛି ରଙ୍ଗର ପର୍ବ ହୋଲିର ସେଲିବ୍ରେସନ । ନେତା, ଜନତା ସବୁ ଏକାଠି ରାସ୍ତାକୁ ଓହ୍ଲାଇ ପାଳିଛନ୍ତି ହୋଲି ପର୍ବ । ଯାହା ଦେଶରେ ଭାଇଚାରା ଓ ଏକତାର ବାର୍ତ୍ତା ଦେଉଛି ।