ଗୋଟିଏ ଟ୍ରାକରୁ ଅନ୍ୟ ଟ୍ରାକକୁ କିପରି ଯାଏ ଟ୍ରେନ୍? କିଏ କରେ ଏହାକୁ ନିୟନ୍ତ୍ରଣ ? ଜାଣନ୍ତୁ ପୂରା ପ୍ରକ୍ରିୟା
ନୂଆଦିଲ୍ଲୀ: ଆମ ଜୀବନରେ ପ୍ରତିଦିନ କିଛି ନା କିଛି ଘଟଣା ଘଟିଥାଏ। କିନ୍ତୁ ଆମେ ସେସବୁକୁ ଧ୍ୟାନ ଦେଇ ନଥାଉ । ତଥାପି, ବେଳେବେଳେ ହଠାତ୍ ଏମିତି କିଛି ପ୍ରଶ୍ନ ଆମ ମନକୁ ଆସିଥାଏ । ସେହିପରି ଗୋଟିଏ ପ୍ରଶ୍ନ ହେଉଛି, କିପରି ଗୋଟିଏ ଚଳନ୍ତା ଟ୍ରେନ୍ ହଠାତ୍ ଟ୍ରାକ୍ ବଦଳାଇ ଅନ୍ୟ ଟ୍ରାକକୁ ଚାଲିଯାଏ ? ଏହା ପଛରେ ଥିବା ସମ୍ପୂର୍ଣ୍ଣ ତଥ୍ୟ ବିଷୟରେ ଆମେ ଆପଣଙ୍କୁ ଜଣାଇବାକୁ ଯାଉଛୁ ।
ବାସ୍ତବରେ, ଟ୍ରେନ୍ ଚଳାଉଥିବା ଲୋକୋ ପାଇଲଟ୍ (ଡ୍ରାଇଭର୍) ନୁହେଁ, ରେଳ ଷ୍ଟେସନର କଣ୍ଟ୍ରୋଲ ରୁମରୁ ଟ୍ରାକ ବଦଳାଇବା ପାଇଁ ନିର୍ଦ୍ଦେଶ ଦିଆଯାଇଥାଏ । ଟ୍ରେନ୍ କେବେ ଏବଂ କେଉଁ ଟ୍ରାକକୁ ଯିବ ? ଟ୍ରେନକୁ କେଉଁ ଟ୍ରାକକୁ ପଠାଯିବ ? ଏହି ସମସ୍ତ କାର୍ୟ୍ୟ କଣ୍ଟ୍ରୋଲ ରୁମରୁ ନିୟନ୍ତ୍ରଣ କରାଯାଇଥାଏ ।
ଦୁଇଟି ଟ୍ରାକ୍ ମଧ୍ୟରେ ଏକ ସୁଇଚ୍ ଥାଏ, ଯାହା ସାହାଯ୍ୟରେ ଦୁଇଟି ଟ୍ରାକ୍ ପରସ୍ପର ସହିତ ଯୋଡ଼ି ହୁଅନ୍ତି ବା ଅଲଗା ହୁଅନ୍ତି । ଯେତେବେଳେ ଟ୍ରେନକୁ ଦିଗ ପରିବର୍ତ୍ତନ କରିବାକୁ ପଡ଼ିଥାଏ, ସେତେବେଳେ କଣ୍ଟ୍ରୋଲ ରୁମରେ ବସିଥିବା ଲୋକୋ ପାଇଲଟ୍ ସେଠାରୁ କାର୍ଯ୍ୟ କରିଥାନ୍ତି । ସେଠାରୁ କମାଣ୍ଡ ପାଇବା ପରେ, ଟ୍ରାକରେ ଲାଗିଥିବା ଉଭୟ ସୁଇଚ୍ ଟ୍ରେନର ଗତିକୁ ଡାହାଣ ଏବଂ ବାମ ଆଡ଼କୁ ବଦଳାଇବା ଦ୍ୱାରା ଟ୍ରାକଗୁଡି଼କ ମାର୍ଗ ପରିବର୍ତ୍ତନ କରିଥାନ୍ତି ।
ଅଧିକାଂଶ ରେଳଟ୍ରାକ୍ କେବଳ ରେଳଷ୍ଟେସନ ନିକଟରେ ପରିବର୍ତ୍ତନ କରାଯାଇଥାଏ । ଯେଉଁଠାରେ ଟ୍ରେନର ଟ୍ରାଫିକ୍ ଅଧିକ ରହିଥାଏ । କେବଳ ଟ୍ରେନ୍ ପାସ୍ କରିବା ପାଇଁ କିମ୍ବା ବିଭିନ୍ନ ପ୍ଲାଟଫର୍ମରେ ଟ୍ରେନ୍ ଅଟକାଇବା ପାଇଁ ଟ୍ରାକ୍ ପରିବର୍ତ୍ତନ କରାଯାଇଥାଏ । ଟ୍ରେନର ଲାଇନ ବଦଳାଇବା ପରେ, ଲୋକୋ ପାଇଲଟ୍ ଦ୍ୱାରା କଣ୍ଟ୍ରୋଲ୍ ରୁମରୁ ଏକ ସଙ୍କେତ ଦିଆଯାଏ, କେବଳ ସେତେବେଳେ ଟ୍ରେନକୁ ଷ୍ଟେସନରେ ପ୍ରବେଶ କରିବାକୁ ଅନୁମତି ଦିଆଯାଏ । ସିଗନାଲ ପାଇବା ପରେ ହିଁ, ଟ୍ରେନ ଡ୍ରାଇଭର ଟ୍ରାକ ବଦଳାଇବା ପରେ ବୁଝିଥାଆନ୍ତି ଯେ କେଉଁ ପ୍ଲାଟଫର୍ମରେ ଟ୍ରେନକୁ ଅଟକାଇବାକୁ ପଡ଼ିବ ।
