ମୁମ୍ବାଇ:୨୦୧୯ ଡିସେମ୍ବର ଥିଲା ନାଟାଲୀ କ୍ଲଜ ପାଇଁ ବହୁତ ଖରାପ ସମୟ। କାରଣ, ତାଙ୍କର ନଗ୍ନ ଫଟୋ ପ୍ରାୟ ୧୦୦ ଜଣଙ୍କୁ ପଠାଯାଇଥିଲା ଯେଉଁମାନେ ତାଙ୍କୁ ଜାଣିଥିଲେ । ସୂଚନା ଅନୁଯାୟୀ, କ୍ଲଜଙ୍କ ନଗ୍ନ ଫଟୋ ତାଙ୍କ ନିଜ ସ୍ନାପଚାଟର ବନ୍ଧୁ, ସମ୍ପର୍କୀୟ ଭାଇ, ପୂର୍ବତନ ପ୍ରେମିକଙ୍କ ପରି ଲୋକଙ୍କୁ ପଠାଯାଇଥିଲା । କିନ୍ତୁ କ୍ଲଜଙ୍କ ଜଣେ ବନ୍ଧୁ ତୁରନ୍ତ ଜାଣିପାରିଲେ ଯେ, ଏହା ଏକ ‘ଅନଲାଇନ୍ ଆଟାକ୍’ ଦ୍ୱାରା ପ୍ରସାର ହେଉଥିବା ଭାଇରାଲ ଫଟୋ । ଏହାର ମୁକାବିଲା କିପରି କରାଯିବ ତାହା ସେ ଜାଣିଥିଲେ ।
Sambad is now on WhatsApp
Join and get latest news updates delivered to you via WhatsApp
କ୍ଲଜଙ୍କ ନ୍ୟୁୟର୍କର ଜଣେ କଲେଜର ବନ୍ଧୁ କେଟି ୟେଟସ୍ କିଛି ମାସ ପୂର୍ବେ ଏହିଭଳି ‘ଅନଲାଇନ୍ ସେକ୍ସୁଆଲ୍ ଆଟାକ୍’ ବା ଅନଲାଇନ୍ ଯୌନ ଆକ୍ରମଣର ଶିକାର ହୋଇଥିଲେ । କେହି କେହି ତାଙ୍କୁ ସୋସିଆଲ ମିଡିଆରେ ଅଶ୍ଳୀଳ ବାର୍ତ୍ତା ପଠାଇବା ଆରମ୍ଭ କରିଦେଇଥିଲେ । ଯେତେବେଳେ ୟେଟସ୍ ଅନୁଭବ କଲେ ଯେ, ତାଙ୍କୁ କଲେଜରୁ କୌଣସି ସାହାଯ୍ୟ ମିଳୁନାହିଁ, ସେତେବେଳେ ସେ ତାଙ୍କର ଦୁର୍ବ୍ୟବହାରକାରୀଙ୍କୁ ଚିହ୍ନଟ କରିବାର ଉପାୟ ଇଣ୍ଟରନେଟରୁ ଖୋଜିବାକୁ ଲାଗିଲେ ।
ଏହା “ସେକ୍ସଟୋର୍ସନ୍” (Sextortion)ର ଏକ ମାମଲା ଥିଲା । ଏଥିରେ ଆକ୍ରମଣକାରୀ ବ୍ଲାକମେଲ୍ ପାଇଁ ବ୍ୟକ୍ତିଗତ ସାମଗ୍ରୀ ବ୍ୟବହାର କରନ୍ତି । ଗତ ବର୍ଷ ନିଖୋଜ ଶିଶୁମାନଙ୍କ ପାଇଁ ଥିବା ଆମେରିକାର ଜାତୀୟ କେନ୍ଦ୍ର ୪୪,୦୦୦ ଅନଲାଇନ୍ ଅପବ୍ୟବହାର ଖବର ପାଇଥିଲା । ଏଥିରେ ସେକ୍ସଟୋର୍ସନ୍ ମଧ୍ୟ ଅନ୍ତର୍ଭୁକ୍ତ ଥିଲା । ହଜାର ହଜାର ଲୋକ “ସେକ୍ସଟୋର୍ସନ୍”ର ଶିକାର ହେଉଛନ୍ତି । ୨୦୨୧ରେ ଏଫବିଆଇ ୧୮,୦୦୦ ଅଭିଯୋଗ ଗ୍ରହଣ କରିଥିଲା । ଯେଉଁଥିରେ ପୀଡିତାମାନେ ଆକ୍ରମଣକାରୀଙ୍କୁ ୧୩.୬ ମିଲିୟନ ଡଲାର ଅର୍ଥ ଦେଇଥିଲେ । ସେପ୍ଟେମ୍ବର ଅଧାରୁ ଅଧିକ ଅଭିଯୋଗ ଗ୍ରହଣ କରାଯାଇଥିଲା ଯେଉଁଥିରେ ପୀଡିତା ୨୦ରୁ ୩୯ ବର୍ଷ ବୟସରେ ଥିଲେ ।
ୟେଟସ୍ ଏବଂ କ୍ଲଜଙ୍କ ଯୋଜନା:
ୟେଟସଙ୍କ ସାହାଯ୍ୟରେ କ୍ଲଜ୍ ଏକ ଯୋଜନା ପ୍ରସ୍ତୁତ କଲେ । ୟେଟସ୍ ତାଙ୍କ ପ୍ରୋଫାଇଲକୁ କ୍ଲଜଙ୍କ ଆକାଉଣ୍ଟ ସହିତ ସଂଯୋଗ କରିଥିଲେ । ସେ ଏକ ଲିଙ୍କ୍ ପଠାଇ କହିଥିଲେ ଯେ, ଏଥିରେ ତାଙ୍କର ନଗ୍ନ ଫଟୋ ଅଛି । ଯଦି ହ୍ୟାକର୍ ଏକ ଭର୍ଚୁଆଲ୍ ପ୍ରାଇଭେଟ ନେଟୱାର୍କ ବ୍ୟବହାର କରିଥାନ୍ତା ତେବେ ଏହି ଯୋଜନା କାମ କରିନଥାନ୍ତା, କିନ୍ତୁ ସେ ତାହା କରି ନଥିଲା । ଏହାକୁ ହାକର ରେସପଣ୍ଡ କଲା। ଫଳରେ ତାର ଆଇପି ଆଡ୍ରେସ୍ ଚିହ୍ନଟ ହୋଇଗଲା। ସେ ଏକ ଆଇଫୋନ୍ ବ୍ୟବହାର କରି ଏପରି ଅପରାଧ ଚଳାଇଥିଲା।
ସଂଗ୍ରହ କରାଯାଇଥିବା ତଥ୍ୟ ଏଫବିଆଇକୁ ଦିଆଯିବା ପରେ ହ୍ୟାକର ଡେଭିଡ ମୋଣ୍ଡୋର(David Mondore)କୁ ଗିରଫ କରାଯାଇଥିଲା । ସେ ଜଣେ ୨୯ ବର୍ଷ ବୟସ୍କ ରୋଷେୟା ଓ ହାର୍ଲମରେ ରହୁଥିଲା । ସେ ୩୦୦ ସ୍ନାପଚାଟ ଆକାଉଣ୍ଟ ହ୍ୟାକ୍ କରିଥିବା ସ୍ୱୀକାର କରିଛି । ମାମଲାର ବିଚାର ପରେ ଡେଭିଡ ମୋଣ୍ଡୋରକୁ ୬ମାସ ଜେଲ ମଧ୍ୟ ହୋଇଥିଲା ।