ମାନବିକତା ମରିନାହିଁ : ଭୋକ ବିକଳରେ ମନ୍ଦିରରୁ ୨୦ଟଙ୍କା ଚୋରି କରିଥିବା ଯୁବକକୁ ୫୦୦ ଟଙ୍କା ଦେଇ ଛାଡ଼ିଲେ ପୁଲିସ
କୋଚି : ଗତ ମାସରେ ଏକ ଖବର ପଢ଼ିବାକୁ ମିଳିଥିଲା, ମଧୁ ନାମକ ଜଣେ ଆଦିବାସୀ ଯୁବକ ଖାଦ୍ୟ ଚୋରି କରିଥିବାରୁ ସ୍ଥାନୀୟ ଲୋକେ ତାକୁ ପିଟି ପିଟି ମାରି ଦେଇଥିଲେ । କେରଳରେ ଘଟିଥିବା ଏହି ଘଟଣା ସମସ୍ତଙ୍କୁ ଆନ୍ଦୋଳିତ କରିଥିଲା । ଏହି ଘଟଣାଟି କେରଳର ଅଟ୍ଟାପଦ୍ଦିରେ ଘଟିଥିବା ବେଳେ ଏଭଳି ଘଟଣା ଯେପରି ଆଗକୁ କାହା ସହ ନ ହେଉ ତାହା ଲୋକମାନେ କାମନା କରିଥିଲେ । ଏହି ଘଟଣା ଦେଶର ଅସଲ ଚେହେରାକୁ ପଦାରେ ପକାଇଥିଲା ।
ଏହା ସହ ସମାନ୍ୟ ଖାଦ୍ୟ ଚୋରି କରିବାରୁ ଜଣକୁ ଏତେ ନିର୍ମମ ଭାବରେ ହତ୍ୟା କରିବା ପରେ ସାରା ଦେଶରେ ଏହାକୁ ନେଇ ତୀବ୍ର ନିନ୍ଦା କରାଯିବା ସହ ମାନବିକତାକୁ ନେଇ ପ୍ରଶ୍ନ ଉଠିଥିଲା । ତେବେ କିଛି ଦିନ ତଳେ କୋଚିରୁ ୬୦କିମି ଦୂରରେ ଥିବା ଥୋଡ଼ୁପୁଝାରେ ଘଟିଥିବା ଘଟଣା ସମସ୍ତଙ୍କ ମନକୁ ପରିବର୍ତ୍ତନ କରାଇ ପାରିଛି ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କିଛି ଦିନ ତଳେ ଜଣେ ଲୋକ ମନ୍ଦିରରୁ ଖାଇବା ପାଇଁ ୨୦ ଟଙ୍କା ଚୋରି କରିବାରୁ ସ୍ଥାନୀୟ ଲୋକେ ତାକୁ ଧରି ମାରିବା ପରିବର୍ତ୍ତେ ଥାନାକୁ ନେଇଥିଲେ । ପୁଲିସ କର୍ମଚାରୀ କିଛି ପଦକ୍ଷପ ନେବା ପୂର୍ବରୁ ଏହାର କାରଣ ଜାଣିବାକୁ ଚାହିଁଥିଲେ । ଚାକିରି କରିବାକୁ ଆସି ସେ ଏ ଅବସ୍ଥାରେ ପହଞ୍ଚିଛି ବୋଲି ଯୁବକ ଜଣଙ୍କ ପୁଲିସକୁ ଜଣାଇଥିଲା । ଚୋରି ପଛର କାରଣ ଜାଣିବା ପରେ ଥାନାର ପୁଲିସ କର୍ମଚାରୀ ତାଙ୍କ ଅବସ୍ଥା ବୁଝିବା ସହ ତାଙ୍କୁ ୫୦୦ ଟଙ୍କା ଦେଇଥିଲେ । ଖବର ପ୍ରସାର ହେବାପରେ ପୁଲିସ କର୍ମଚାରୀଙ୍କ ଏହି କାମକୁ ସମସ୍ତେ ପ୍ରଶଂସା କରିବା ସହ ଆଜି ବି ମାନବିକତା ବଞ୍ଚି ରହିଛି ବୋଲି କହିଛନ୍ତି ।