ବୟସ୍କ ବ୍ୟକ୍ତିଙ୍କ ସହ ମିଶି ଗୁଡ଼ି ଉଡ଼ାଇ ମକର ସଂକ୍ରାନ୍ତିର ମଜା ନେଲେ ଆଇଏଏସ୍‌ ଟିନା ଡାବି

ଜୈସଲେମର୍‌: ରାଜସ୍ଥାନର ଜୈସଲେମର୍‌ର କଲେକ୍ଟର ଟିନା ଡାବି କିଛି ନା କିଛି କଥାକୁ ନେଇ ଚର୍ଚ୍ଚାରେ ରହିଥାନ୍ତି। ଆଜି ମକର ସଂକ୍ରାନ୍ତି ଅବସରରେ ସେ ଜଣେ ବୟସ୍କ ବ୍ୟକ୍ତିଙ୍କ ସହ ଗୁଡ଼ି ଉଡ଼ାଇ ମଜା ନେଉଥିବାର ଏକ ଦୃଶ୍ୟ ଦେଖିବାକୁ ମିଳିଛି। ତାଙ୍କର ସବୁ ଫଟୋ ଓ ଭିଡିଓ ସୋସିଆଲ୍‌ ମିଡିଆରେ ଭାଇରାଲ୍‌ ହେଉଥିବା ବେଳେ ଏହି ଭିଡିଓଟି ବି ଏବେ ଭାଇରାଲ୍‌ ହେବାରେ ଲାଗିଛି।

ଟିନା ତାଙ୍କର ଏହି ଭିଡିଓଟିକୁ ତାଙ୍କ ଇନ୍‌ଷ୍ଟାଗ୍ରାମ୍‌ ଆକାଉଣ୍ଟ୍‌ରେ ସେୟାର କରିଛନ୍ତି। ତାଙ୍କର ଏହି ଭିଡିଓଟି ପୋଷ୍ଟ୍‌ ହେବା ପରେ ଭିୟୁ ବଢ଼ି ବଢ଼ି ଚାଲିଛି। ଆପଣ ତ ଜାଣନ୍ତି ଯେ ଟିନାଙ୍କ ଫଟୋ ଓ ଭିଡିଓକୁ ପ୍ରଶଂସକମାନେ ଖୁବ୍‌ ପସନ୍ଦ କରିଥାନ୍ତି। ଏହି ଭିଡିଓଟିକୁ ବି ସମସ୍ତେ ବେଶ୍‌ ପସନ୍ଦ କରିଛନ୍ତି।

ନିକଟରେ ଆଇଏଏସ୍ ଟିନା ଡାବି ଏବଂ ପ୍ରଦୀପ ଗୱାଣ୍ଡେଙ୍କ ବିବାହ ଚର୍ଚ୍ଚାରେ ଥିଲା। ତେବେ ଉଭୟଙ୍କ ଏହି କାହାଣୀ କିପରି ଏବଂ କେଉଁଠାରୁ ଆରମ୍ଭ ହୋଇଥିଲା ତାହା ସମସ୍ତେ ଜାଣିବାକୁ ଚାହିଁଥିଲେ। ଏବେ ଟିନା ଡାବିଙ୍କର ତାଙ୍କ ଦ୍ବିତୀୟ ସ୍ବାମୀ ପ୍ରଦୀପଙ୍କ ସହ ରୋମାଣ୍ଟିକ୍‌ ମୁହୂର୍ତ୍ତର ଏକ ଫଟୋ ଭାଇରାଲ୍‌ ହୋଇଛି।

ଟିନା ଏହି ଫଟୋଟିକୁ ତାଙ୍କ ଇନ୍‌ଷ୍ଟା ଆକାଉଣ୍ଟ୍‌ରେ ପୋଷ୍ଟ୍‌ କରିଛନ୍ତି। ଫଟୋରେ ସେ ତାଙ୍କ ସ୍ବାମୀଙ୍କ ଆଡ଼େ ବେଶ୍‌ ରୋମାଣ୍ଟିକ୍‌ ଅନ୍ଦାଜରେ ଚାହିଁ ରହିଛନ୍ତି, ଯାହାକୁ ଟିନାଙ୍କ ପ୍ରଶଂସକମ‌ାନେ ଖୁବ୍‌ ପସନ୍ଦ କରିଛନ୍ତି। ତାଙ୍କ ଫଟୋରେ ଖୁବ୍ ଭଲ ଭଲ କମେଣ୍ଟ୍‌  ମିଳିବାରେ ଲାଗିଛି।