ଭାରତୀୟ ବୈଜ୍ଞାନିକଙ୍କ ନୂଆ ଆବିଷ୍କାର : ଅଳିଆ ଆବର୍ଜନାରୁୁ ସୃଷ୍ଟିି କଲେ ବିଜୁଳି!
ଅଳିଆ ଆବର୍ଜନାରୁ ସୃଷ୍ଟି ହେବ ବିଜୁଳି। ଏପରି ଏକ କଳ୍ପନାକୁ ଏବେ ସତ କରି ଦେଖାଇଛନ୍ତି ଆଇଆଇଟି ବମ୍ବେର ଶକ୍ତି ବିଭାଗର ପ୍ରଫେସର ପ୍ରକାଶ ଘୋଷ ଓ ତାଙ୍କର ଟିମ୍ । ପ୍ରକାଶ ଓ ତାଙ୍କ ଟିମ୍ ଏମିତି ଏକ ମାଇକ୍ରୋବିଆଲ ଇନ୍ଧନ ସେଲ ତିଆରି କରିଛନ୍ତି, ଯେଉଁଥିରେ ଆବର୍ଜନାରୁ ବାହାରୁଥିବା କ୍ଷତିକାରକ ତରଳ ପଦାର୍ଥରୁ ବିଜୁଳି ସୃଷ୍ଟି କରାଯାଇପାରିବ । ଏହା ବିଶ୍ୱ ବିଜ୍ଞାନରେ ଭାରତୀୟଙ୍କ ସବୁଠାରୁ ମହତ୍ୱପୂର୍ଣ୍ଣ ଆବିଷ୍କାର।
Sambad is now on WhatsApp
Join and get latest news updates delivered to you via WhatsApp
ଅଧିକାଂଶ ସମୟରେ ଆବର୍ଜନା ଜମା କରାଯାଉଥିବା ଡଂପିଙ୍ଗ ଗ୍ରାଉଣ୍ଡରେ ଏକ କଳା ରଙ୍ଗର ତରଳ ପଦାର୍ଥ ବାହାରୁଥିବା ଦେଖାଦିଏ, ଯାହାକୁ ଲିଚେଟ୍ କୁହାଯାଏ । ଏହି ଲିଚେଟ୍ ଭୂଇଁ ଓ ଭୂଇଁ ତଳେ ଥିବା ପାଣି ପାଇଁ ବିଷ ଠାରୁ କମ୍ ନୁହଁ । କିନ୍ତୁ କ୍ଷତିକାରକ ହେବା ସହ ଲିଚେଟରେ ଅନେକ ଜୈବିକ ଓ ଅକାର୍ବନିକ୍ ତତ୍ୱ ମଧ୍ୟ ଥାଏ । ଯାହା ଶକ୍ତି ଉତ୍ପାଦନରେ ସହାୟକ ହୋଇଥାଏ । ଏହା ବ୍ୟତୀତ ଏ ପ୍ରକାରର ଲିଚେଟରେ ଅନେକ ବ୍ୟାକ୍ଟେରିଆ ଥାଆନ୍ତି । କେବଳ ମାଇକ୍ରୋବିଆଲ ଫୁଏଲ ସେଲ୍ ସୂକ୍ଷ୍ମଜୀବ ଦ୍ୱାରା ଅର୍ଗାନିକ୍ ମ୍ୟାଟେରିଆଲରୁ ଅକ୍ସିଡେସନ୍ ସିଦ୍ଧାନ୍ତରେ କାମ କରେ ।
ଏକ ପାଇପ୍ ଜରିଆରେ ନାଳର ପାଣି କିମ୍ବା ଲିଚେଟକୁ ମାଇକ୍ରୋବିଆଲ ଫୁଏଲ ସେଲରେ ପକାଯାଏ । ଏହାପରେ ଲିଚେଟରେ ଥିବା ବ୍ୟାକ୍ଟେରିଆ ଜୈବିକ ତତ୍ୱକୁ ନିଜେ ନିଜେ ଖାଇବାକୁ ଲାଗେ । ଏହି ସମୟରେ ନେଗେଟିଭ୍ ଓ ପଜିଟିଭ୍ କଣିକା ସୃଷ୍ଟି ହୁଏ ଯାହା ଇଲେକ୍ଟ୍ରୋଡରେ ଏକତ୍ରିତ ହେବାକୁ ଲାଗେ । ଏହି ଦୁଇଟି ପାର୍ଟିକଲ୍ସ ନିଜ ବିପରୀତ ଦିଗକୁ ବଢ଼ନ୍ତି ଓ ଏଥିରୁ ଉର୍ଜ୍ଜା ଅର୍ଥାତ୍ ଇଲେକ୍ଟ୍ରୋସିଟି ସୃଷ୍ଟି ହୁଏ । ଏହା ଦୁନିଆ ପାଇଁ ଭାରତୀୟ ବୈଜ୍ଞାନିକଙ୍କ ତରଫରୁ ଏକ ନୂଆ ଉପହାର ଏବଂ ବିଶ୍ୱ ବିଜ୍ଞାନରେ ଭାରତୀୟ ଲୋକଙ୍କ ସବୁଠାରୁ ମହତ୍ୱପୂର୍ଣ୍ଣ ଆବିଷ୍କାର ।