ଭୁବନେଶ୍ୱର: ଉତ୍ତର-ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ହେତୁ ବୁଧବାର ରାଜ୍ୟର ବାଲେଶ୍ୱର, ମୟୂରଭଞ୍ଜ, କେନ୍ଦୂଝର, ଢେଙ୍କାନାଳ, ଯାଜପୁର, ଭଦ୍ରକ, କେନ୍ଦ୍ରାପଡ଼ା, ଜଗତ୍ସିଂହପୁର, ପୁରୀ, ଖୋର୍ଦ୍ଧା, କଟକ, ଗଞ୍ଜାମ, ଗଜପତି ,ଝାରସୁଗୁଡ଼ା, ସମ୍ବଲପୁର, ସୁନ୍ଦରଗଡ଼, ଦେଓଗଡ଼, କନ୍ଧମାଳ ଆଦି ୧୮ଟି ଜିଲ୍ଲାରେ ପ୍ରବଳ ଘଡ଼ଘଡ଼ି ସହ ବର୍ଷା ହେବ ବୋଲି ଆଞ୍ଚଳିକ ପାଣିପାଗ ବିଭାଗ ପୂର୍ବାନୁମାନ କରିଛି। ଆଗାମୀ ୨୪ ଘଣ୍ଟା ମଧ୍ୟରେ ଏହି ଝଡ଼-ବର୍ଷା ହୋଇପାରେ ବୋଲି ସୂଚନା ରହିଛି। ଏହି ଝଡ଼ ସମୁଦ୍ରସ୍ଥଳରୁ ୭.୬ କିଲୋମିଟର ପର୍ଯ୍ୟନ୍ତ ହୋଇପାରେ ବୋଲି ଜାଣିବାକୁ ମିଳିଛି। ଉତ୍ତର ଓଡ଼ିଶାର ଅଧିକାଂସ୍ଥ ସ୍ଥାନରେ ଘଡ଼ଘଡ଼ି ସହ ବର୍ଷା ହେବା ବେଳେ ଦକ୍ଷିଣ ଓଡ଼ିଶାର କିଛି ଅଞ୍ଚଳ ପ୍ରଭାବିତ ହୋଇପାରେ ବୋଲି ଅନୁମାନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରବଳ ବର୍ଷା ସହ ଘଡ଼ଘଡ଼ି ସମ୍ବାବନା ରହିଥିବାରୁ ବିଶେଷ କରି କେନ୍ଦ୍ରାପଡ଼ା, ଭଦ୍ରକ, ଯାଜପୁର, ଜଗତ୍ସିଂହପୁର, କଟକ, ଢେଙ୍କାନାଳ ନୟାଗଡ଼ ଆଦି ଅଞ୍ଚଳର ଚାଷୀମାନଙ୍କୁ ଚାଷ ଜମିକୁ ଯାଇ କାମ କରିବାକୁ ବାରଣ କରାଯାଇଛି। ଏହି ସମୟରେ ତାପମାତ୍ରା ସର୍ବନିମ୍ନ ୨୫ ଡିଗ୍ରି ସେଲ୍ସିୟସ୍ରୁ ସର୍ବାଦ୍ଧିକ ୩୦ ଡିଗ୍ରି ସେଲ୍ସିୟସ୍ ରହିପାରେ। ମତ୍ସ୍ୟଜୀବମାନଙ୍କୁ ଆଗାମୀ ୫ ଦିନ ପର୍ଯ୍ୟନ୍ତ ସମୁଦ୍ର ଭିତରକୁ ଯିବାକୁ ମନା। ଆଜିର ସର୍ବାଧିକ ତାପମାତ୍ରା ପୁରୀଠାରେ ୩୩.୬ ଡିଗ୍ରି ସେଲ୍ସିୟସ୍ ରେକର୍ଡ କରାଯାଇଥିବା ବେଳେ ହୀରାକୁଦଠାରେ ସର୍ବନିମ୍ନ ତାପମାତ୍ରା ୨୧.୪ ଡିଗ୍ରି ସେଲ୍ସିୟସ୍ ରେକର୍ଡ କରାଯାଇଛି।