ଟୁଇଟରର ସାହାଯ୍ୟ ନେଇ ରାସ୍ତା କଡ଼ର ଅଳିଆ ଗଦାରେ ପଡ଼ିଥିବା ଶିଶୁକନ୍ୟାକୁ ଆପଣାଇଲେ ଭାରତୀୟ ସାମ୍ବାଦିକ ଦମ୍ପତ୍ତି
ନୂଆଦିଲ୍ଲୀ: ଅଳିଆ ଗଦାରେ ପଡ଼ିଥିବା ଏକ ଶିଶୁକନ୍ୟାକୁ ନୂଆ ଜୀବନ ଦେଇଛନ୍ତି ଏକ ଭାରତୀୟ ସାମ୍ବାଦିକ ଦମ୍ପତ୍ତି । ସାକ୍ଷୀ ଯୋଶୀ ଏବଂ ବିନୋଦ କାପ୍ରୀ ନାମକ ଦମ୍ପତ୍ତି ରାଜସ୍ଥାନର ରାସ୍ତା କଡ଼ରେ ପଡ଼ିଥିବା ଶିଶୁକୁ ନିଜ ନାଁ ଦେଇଛନ୍ତି । ଏ ପୂରା କାହାଣୀ ଏକ ଭାଇରାଲ ଭିଡିଓରୁ ଆରମ୍ଭ ହୋଇଥିଲା । ବିନୋଦ ଏକ ଭାଇରାଲ ଭିଡିଓ ଦେଖିବାକୁ ପାଇଥିଲେ, ଯେଉଁଥିରେ ଏକ ନବଜାତ ଅଳିଆ ଗଦାରେ ପଡ଼ି କାନ୍ଦୁଥିବା ନଜର ଆସିଥିଲା । ଏହା ପରେ ସେ ଭିଡିଓକୁ ନେଇ ସାକ୍ଷୀଙ୍କୁ ଦେଖାଇଥିଲେ ।
Sambad is now on WhatsApp
Join and get latest news updates delivered to you via WhatsApp
कल तक इस परी के नाम के आगे “ अज्ञात “ लिखा था। और आज इसके पास नाम है : “पीहू “. Till yesterday she was UNKNOWN in hospital records , but now she has a name : PIHU. #HappyFathersDay . @sakshijoshii pic.twitter.com/tZBx4gF682
— Vinod Kapri (@vinodkapri) June 16, 2019
ଭିଡିଓ ଦେଖି ସାକ୍ଷୀ ତୁରନ୍ତ ଶିଶୁର ସନ୍ଧାନରେ ଲାଗି ପଡ଼ିଥିଲେ । ଟୁଇଟରରେ ଭିଡିଓ ସେୟାର କରି ଶିଶୁ ବିଷୟରେ ଯଦି କେହି ଅଧିକ ସୂଚନା ପାଏ, ତେବେ ଜଣାଇବ ବୋଲି ଲେଖିଥିଲେ । ସେୟାର କରିବାର କିଛି ସମୟ ପରେ ଶିଶୁଟି ନାଗପୁରର ଜେଏଲଏନ୍ ଡ଼ାକ୍ତରଖାନାରେ ଚିକିତ୍ସିତ ହେଉଥିବା ସୂଚନା ମିଳିଥିଲା । ସୂଚନା ପାଇ ବିନୋଦ ଏବଂ ସାକ୍ଷୀ ୫୦୦କିଲୋମିଟର ଯାତ୍ରା କରି ନୋଏଡାରୁ ନାଗପୁରରେ ପହଞ୍ଚିଥିଲେ । ସେଠାରେ ପହଞ୍ଚି ଶିଶୁ ହାତରେ ଅଜଣା ଟ୍ୟାଗ୍ ଲଗାଥିବା ଦେଖି ସାକ୍ଷୀ ଯୋଶୀ ଏବଂ ବିନୋଦ କାପ୍ରୀ ଶିଶୁକୁ ଆପଣାଇବାକୁ ନିଷ୍ପତ୍ତି ନେଇଥିଲେ । ଏହା ସହ ସଙ୍ଗେ ସଙ୍ଗେ ଶିଶୁଟିର ନାଁ ପିହୁ ବୋଲି ଦେଇଥିଲେ । ପରେ ନାଗପୁରର ଜିଲ୍ଲାପାଳଙ୍କୁ ଭେଟି ଦୁହେଁ ଶିଶୁକୁ ଆପଣାଇବା ପାଇଁ କାଗଜପତ୍ର କାମ ଆରମ୍ଭ କରିଥିଲେ । ଏହା ପରେ ଦୁହିଁଙ୍କୁ ଶିଶୁକୁ ଆପଣାଇବା ପାଇଁ ଅନୁମତି ମିଳିଥିଲା ।
Hey friends , YOUR baby is doing well. Recovering. Keep praying for her. We are going to meet her soon. Thanks a billion to Doctors of JLN Hospital , Nagaur , Rajasthan. This is latest video. pic.twitter.com/qOyZbQn1eI
— Vinod Kapri (@vinodkapri) June 14, 2019