ଋଷରେ ଏମିତି ଏକ ସହର ରହିଛି ଯେଉଁଠି ବର୍ଷର ୨୭୦ଦିନ ବରଫ ଜମି ରହିବା ସହ ୨ ମାସ ଧରି ଜାରି ରହେ ରାତି !
ନୂଆଦିଲ୍ଲୀ : ରୁଷ୍ର ସାଇବେରିଆରେ ଥିବା ନରିଲିସ୍କ ସହରକୁ ଦୁନିଆର ସବୁଠାରୁ ଥଣ୍ଡା ସହର ବୋଲି କୁହାଯାଇଥାଏ । ଏଠାରେ ରହୁଥିବା ଲୋକେ ଦୁଇ ମାସ ପର୍ଯ୍ୟନ୍ତ ସୂର୍ଯ୍ୟୋଦୟ ଦେଖି ପାରନ୍ତି ନାହାଁ ବର୍ଷର ୩୬୫ଦିନରୁ ୨୭୦ଦିନ ପର୍ଯ୍ୟନ୍ତ ଏଠାରେ ବରଫ ଜମି ରହିଥାଏ । ଏକ ଲକ୍ଷ ୭୫ହଜାର ଲୋକ ଏହି ସହରରେ ରହୁଥିବା ବେଳେ ଦିନ ସମୟରେ ଏହି ସହରର ତାପମାତ୍ରା -୬୧ଡ଼ିଗ୍ରି ସେଲ୍ସିୟସ ରହିଥାଏ ।
Sambad is now on WhatsApp
Join and get latest news updates delivered to you via WhatsApp
ପ୍ରତି ୩ଦିନରେ ଥରେ ଏଠାରେ ଲୋକମାନଙ୍କୁ ବରଫ ଝଡ଼ର ସାମ୍ନା କରିବାକୁ ପଡ଼ିଥାଏ । ରୁଷ୍ର ରାଜଧାନୀ ମସ୍କୋଠାରୁ ନରିଲିସ୍କ ୨୯୦୦କିଲୋମିଟର ଦୂରରେ ରହଥିବା ବେଳେ ଏହି ସହରକୁ ଯିବା ପାଇଁ ସଡ଼କ ପଥ ନଥିବା ଜଣାପଡ଼ିଛି । ଏଠାକୁ ଯିବା ପାଇଁ ହେଲେ ଲୋକମାନଙ୍କୁ ବିମାନ କିମ୍ବା ଡ଼ଙ୍ଗାର ସାହାଯ୍ୟ ନେବା ପାଇଁ ପଡ଼ିଥାଏ । ଏଠାକୁ ଯିବାର ସୁବିଧା ନଥିଲେ ମଧ୍ୟ ଲୋକମାନଙ୍କ ମନୋରଞ୍ଜନ ପାଇଁ ସବୁ ଜିନିଷ ରହିଛି । ଏହି ସହରକୁ ନିକେଲ ଏବଂ ପ୍ଲାଟିନିୟମର ଭଣ୍ଡାର ବୋଲି କୁହାଯାଏ ।