ନୂଆଦିଲ୍ଲୀ: ଆପଣ କେବେ ମାଛକୁ ବିୟର ପିଉଥିବାର ଦେଖିଛନ୍ତି? ହୁଏତ ଏହା ଦେଖି ନଥିବେ, କିନ୍ତୁ କିଛିଦିନ ହେବ ସୋସିଆଲ ମିଡିଆରେ ଏକ ଭିଡିଓ ବହୁତ ଭାଇରାଲ ହେବାରେ ଲାଗିଛି, ଯେଉଁଥିରେ ଆପଣ ଦେଖିପାରିବେ ମାଛ ବିୟର ପିଉଛି । ଏହି ଭିଡିଓକୁ ଭାରତୀୟ ବନ ଅଧିକାରୀ ସୁଶାନ୍ତ ନନ୍ଦ ସେୟାର କରିଛନ୍ତି। ଭିଡିଓ ସେୟାର କରି ସେ କ୍ୟାପସନରେ ଲେଖିଛନ୍ତି, ମାଛ ପରି ବିୟର ପିଅନ୍ତୁ । ଦେଖନ୍ତୁ ଏହି ମାଛ କେତେ ଭାଗ୍ୟଶାଳୀ ଏବଂ ଏହି ଗରମ ପାଗରେ ଥଣ୍ଡା ବିୟର ଉପଭୋଗ କରୁଛି।

Advertisment

ଏହି ଭାଇରାଲ୍‌ ଭିଡିଓରେ, ଆପଣ ଦେଖି ପାରୁଥିବେ ଯେ ଡଙ୍ଗା ପାର୍ଶ୍ୱକୁ ଏକ ମାଛ ଆସି ଜଣେ ବ୍ୟକ୍ତିଙ୍କ ହାତରୁ ବିୟର ପିଉଛି, ଯିଏ ଏହି ଭିଡିଓ ଦେଖୁଛନ୍ତି ସେ ଆଶ୍ଚର୍ଯ୍ୟ ହୋଇଯାଉଛନ୍ତି। ଲୋକମାନେ ମାଛ ବିୟର ପିଇବାର ଏହି ଭିଡିଓକୁ ବହୁତ ପସନ୍ଦ ବି କରୁଛନ୍ତି। ଏହି ଭିଡିଓକୁ ଅନେକ ଲାଇକ୍‌ ଏବଂ ରିଟୁଇଟ ମଧ୍ୟ ମିଳିଛି ।

Viral Video: Fish Drink Beer In Boat - Sakshi

ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଜଣେ ମନ୍ତବ୍ୟ ଦେଇଛନ୍ତି କି, ମାଛ ବିୟର ପିଉଥିବା ଦେଖି ମୋର ବି ବିୟର ପଇବାକୁ ଇଚ୍ଛ ହେଉଛି। ଏଥି ସହିତ ଆଉ ଜଣେ ସୋସିଆଲ ମିଡିଆ ବ୍ୟବହାରକାରୀ କହିଛନ୍ତି, ‘ ଏଭଳି ଘଟଣା ମୁଁ ପ୍ରଥମ ଥର ଦେଖୁଛି।’

ଏହି ଭିଡିଓରେ ଏକ ଧଳା ରଙ୍ଗର ଡଙ୍ଗା ଦେଖିବାକୁ ମିଳୁଛି । ଡଙ୍ଗାଟି କୂଳରେ ପହଞ୍ଚିବା ପରେ ମାଛମାନେ ଥଣ୍ଡା ବିୟର ଉପଭୋଗ କରୁଛନ୍ତି । ଭିଡିଓକୁ ଦେଖି ଲାଗୁଛି କି, ଡଙ୍ଗାରେ ବସିଥିବା ବ୍ୟକ୍ତି ଜଣକ ମାଛ ଧରିବାକୁ ଯାଇଛନ୍ତି। ଆଉ ଏହି ସମୟ ସେ ମାଛ ଆଡକୁ ଏକ ବିୟର କ୍ୟାନ୍‌ ବଢ଼ାଇ ଦେଉଛନ୍ତି। ଆଉ ମାଛ ବି ଏହି କ୍ୟାନ୍‌ରେ ମୁହଁ ଲଗାଇ ବିୟର ପିଉଛି।