ନଡ଼ିଆରୁ କତା ଛଡ଼ାଇବା ମେସିନ ତିଆରି କରି ପାଇଲେ ୨୫ ଲକ୍ଷ ଟଙ୍କାର ଅନୁଦାନ
ଥ୍ରୀସୁର: ନଡ଼ିଆରୁ କତା ସହଜରେ ଛଡ଼ାଇବା ପାଇଁ ମେସିନ ତିଆରି କଲେ, ଆଉ ୨୫ ଲକ୍ଷ ଟଙ୍କାର ପ୍ରୋତ୍ସାହନମୂଳକ ଅନୁଦାନ ପାଇଲେ | ଆଜି ଆମେ ଏମିତି ଜଣେ ଉଦ୍ଭାବକଙ୍କ କାହାଣୀ କହିବୁ ଯିଏ କି ନିଜ ସ୍ୱଳ୍ପ ବୁଦ୍ଧିରୁ ଏମିତି ଯନ୍ତ୍ରଟିଏ ନିର୍ମାଣ କରିଛନ୍ତି, ଯାହାକୁ ସମସ୍ତେ ପ୍ରଶଂସା କରୁଛନ୍ତି | କେରଳ ଥ୍ରୀସୁରର କଂଜନୀ ଗାଁରେ ରୁହନ୍ତି କେ.ସି ସିଜୋୟ | ସିଜୋୟ ଟୁଲ ଆଣ୍ଡ ଡ଼ାଈ ମେକିଙ୍ଗ କୋର୍ସ କରି ସାଉଦି ଆରବ ଚାଲିଯାଇଥିଲେ | ସେଠାରେ କିଛି ବର୍ଷ କାମ କରିବା ପରେ ସେ ୨୦୦୫ରେ ଭାରତ ଫେରିଆସିଥିଲେ | ଆଉ ଏହି ସମୟରେ ସେ ପଇଡରୁ କତା ଛଡ଼ାଇବାରେ ଅସୁବିଧା ହେଉଥିବାର ଦେଖିବାକୁ ପାଇଥିଲେ |
Sambad is now on WhatsApp
Join and get latest news updates delivered to you via WhatsApp
ପାରମ୍ପରିକ ପଦ୍ଧତିରେ ଲୋକମାନେ ପଇଡରୁ କତା ଛଡ଼ାଇବା ଦେଖି ସେ ଭାବିଥିଲେ ଯେ ଏହା ଦ୍ୱାରା ଅଧିକ ସମୟ ନଷ୍ଟ ହେଉଛି ଓ ଜଣେ ନଡ଼ିଆ ଚାଷୀ କାମ ଲାଭ ପାଉଛନ୍ତି | ଏହା ପରେ ସିଜୋୟ ପାଖାପାଖି ୧୦ ବର୍ଷ ଧରି ଗବେଷଣା କରିଥିଲେ | ଆଉ ଏହା ପରେ ଏକ ମେସିନ ନିର୍ମାଣ କରିଥିଲେ | ଯାହାକି ମାତ୍ର ୪୦ ସେକେଣ୍ଡରେ ପଇଡ଼ରୁ କତା ଛଡ଼ାଇବାକୁ ସକ୍ଷମ ହେଲା |
୨୦୧୭ ମସିହାରେ ସିଜୋୟ ଏହି ମେସିନର ବ୍ରାଣ୍ଡିଙ୍ଗ କରାଇଥିଲେ | କୁକୋସ ଇଣ୍ଡଷ୍ଟ୍ରିଜ ନାମରେ ନିଜ ମେସିନର ବ୍ରାଣ୍ଡିଙ୍ଗ କରାଇବା ପରେ ତାଙ୍କୁ ଯୁବ ବିଜ୍ଞାନୀ ଭାବରେ କେରଳ କୃଷି ବିଶ୍ୱବିଦ୍ୟାଳୟ ପକ୍ଷରୁ ସହାୟତା ମିଳିଥିଲା | ୨୦୨୧ ରେ ସିଜୋୟଙ୍କ କମ୍ପାନୀକୁ ଭାରତର ପ୍ରମୁଖ ତିନିଟି ଉଦ୍ୟମି କମ୍ପାନୀ ଭାବରେ ମନୋନୀତ କରାଯାଇଥିଲା | ଆଉ ଭାରତ ସରକାରଙ୍କ ପକ୍ଷରୁ ୨୫ ଲକ୍ଷ ଟଙ୍କାର ସହାୟତା ମିଳିଛି |