କଳି ଯୁଗର ଶାସନକର୍ତ୍ତା ‘କଳିପୁରୁଷ’ର ଚେହେରା କେମିତି ଜାଣନ୍ତି ? ଦେଖିଲେ ଭୟରେ ଶିହରି ଉଠିବେ
ଆମେ ଏବେ କଳିଯୁଗରେ ବାସ କରୁଛେ। କଳିପୁରୁଷ ଏହି ଯୁଗର ଶାସନକର୍ତ୍ତା। ସେ ଯେଉଁ ରୂପରେ ଆବିର୍ଭାବ ହୋଇଛି, ତାହାର ଉଲ୍ଲେଖ ବିଭିନ୍ନ ସୂତ୍ରରୁ ମିଳେ। କଳିପୁରୁଷର ଶରୀର କୃଷ୍ଣବର୍ଣ୍ଣ। ତାର ସାରା ଦେହ ତୈଳାକ୍ତ ଏବ˚ ଶରୀର ଦୁର୍ଗନ୍ଧଯୁକ୍ତ। ତାର ପେଟ କାଉ ପକ୍ଷୀର ପେଟ ଭଳି। ମୁହଁ ଅତ୍ୟନ୍ତ ଭୟଙ୍କର ଏବ˚ ଜିହ୍ବା ବାହାରକୁ ବାହାରି ଲହ ଲହ ହେଉଥାଏ। ସ୍ବହସ୍ତରେ ସେ ନିଜର ପୁରୁଷାଙ୍ଗକୁ ଧାରଣ କରିଥାଏ। ଏଭଳି ଏକ ଭୟଙ୍କର ପୁରୁଷ ଦ୍ବାରା ପୃଥିବୀ ଏବେ ଶାସିତ ହେଉଛି। କଳିପୁରୁଷର ମୁଖ୍ୟ ବାସସ୍ଥାନ ହେଉଛି- ଜୁଆ ଆଡ଼୍ଡ଼ା, ମଦ୍ୟଶାଳା, ବେଶ୍ୟାଳୟ ଓ ସ୍ବର୍ଣ୍ଣ କାରବାର ସ୍ଥଳ। ପ୍ରକାରାନ୍ତରେ ଏଭଳି ଏକ ଚରିତ୍ର ଆମର ପରିବେଶ ଓ ସାମାଜିକ ସ୍ଥିତିକୁ ପ୍ରତୀକାତ୍ମକ ଭାବରେ ଇଙ୍ଗିତ କରୁଛି।
Sambad is now on WhatsApp
Join and get latest news updates delivered to you via WhatsApp
କଳିପୁରୁଷର ତୈଳାକ୍ତ ଓ କୃଷ୍ଣବର୍ଣ୍ଣ ରୂପ ମନୁଷ୍ୟ ସମାଜର ଏକ ଅନ୍ଧକାର ଯୁଗର ପ୍ରତୀକ। ଏହା ମନୁଷ୍ୟର ଅଶୁଚି ଓ ନୀତିନିୟମର ଛଦ୍ମାବରଣକୁ ବୁଝାଉଛି। କାଉପକ୍ଷୀ ଭଳି ପେଟ ଫାଷ୍ଟଫୁଡ଼୍ ଆଦିି ଅଖାଦ୍ୟ ପ୍ରତି ଆମର ରୁଚି ଏବ˚ ଲହଲହ ଜିହ୍ବା ଖଳ ଓ ହି˚ସୁକ ପ୍ରକୃତିକୁ ପ୍ରତିପାଦନ କରୁଛି। ସ୍ବହସ୍ତରେ ପୁରୁଷାଙ୍ଗ ଧାରଣ, ବର୍ତ୍ତମାନର ସମାଜରେ ଚାଲିଥିବା ଯୌନ ବ୍ୟଭିଚାରକୁ ଇଙ୍ଗିତ କରୁଛି। ତାହାର ଶରୀରର ଦୁର୍ଗନ୍ଧ ସାରା ବିଶ୍ବରେ ଜଳ, ସ୍ଥଳ ଓ ବାୟୁର ପ୍ରଦୂଷଣକୁ ପ୍ରତୀକ ଭାବରେ ଉପସ୍ଥାପନା କରୁଛି।
ଆଜି ମଦ୍ୟପାନର ପ୍ରସାର, ବେଶ୍ୟାବୃତ୍ତିର ବ୍ୟାପକତା ଓ ସୁନା ପ୍ରତି ଅତ୍ୟଧିକ ଆସକ୍ତି ସାଙ୍ଗକୁ ସେୟାର ମାର୍କେଟ ଓ ମ୍ୟାଚ୍ ଫିକ୍ସି˚ ଆଦି ଜୁଆଖେଳର ବିକଳ୍ପ ଭାବରେ ଉଭା ହୋଇଛି। ଫଳରେ କଳିପୁରୁଷ ଦିନକୁ ଦିନ ତାର କାୟା ବିସ୍ତାର କରିଚାଲିଛି। ଏ ଦିଗରେ ଆମେ ସମସ୍ତେ ସଚେତନ ହେବାର ବେଳ ଏବେ ଆସିଛି।
-ଡକ୍ଟର ସଚ୍ଚିଦାନନ୍ଦ ପାଢ଼ୀ