କାହିଁକି ରାଜା ସହସ୍ରାଂଶୁଙ୍କ ମୃତ୍ୟୁର କାରଣ ହୋଇଥିଲେ କାମଧେନୁ  ?

ହିନ୍ଦୁ ଧର୍ମରେ   ଗାଈକୁ ଗୋମାତା ଭାବରେ ପୂଜା କରାଯାଏ । ଭାରତୀୟ ସଂସ୍କୃତିରେ ଯୁଗ ଯୁଗରୁ ଗୋମାତାଙ୍କୁ ପୂଜନୀୟା ବୋଳି  ବିବେଚନା କରାଯାଏ ।   କୁହାଯାଏ  କି କାମଧେନୁ ଗାଈ ପାଖରେ ଦୈବୀ ଶକ୍ତି   ଥିଲା, ଯାହା  ଦ୍ୱାରା ସେ ଭକ୍ତର ମନସ୍କାମନା ପୂରଣ କରୁଥିଲେ ।

କାମଧେନୁ  ଯାହା ପାଖରେ ଥିଲା, ତାକୁ ସବୁ ପ୍ରକାରର ଚମତ୍କାରିତା ଲାଭ ହେଉଥିଲା  ।    କାମଧେନୁ     ଗାଈର କ୍ଷୀର ମଧ୍ୟ    ଅମୃତତୁଲ୍ୟ ଥିଲା   ଏବଂ   ଚମତ୍କାରୀ  ଶକ୍ତିରେ ଭରପୂର ଥିଲା । ଏକ ପୌରାଣିକ କଥା ଅନୁସାରେ   ସମୁଦ୍ର ମନ୍ଥନ    ସମୟରେ ଦେବତା ଓ ଦୈତ୍ୟଙ୍କୁ    ସମୁଦ୍ରରୁ   ବହୁ   ଦ୍ରବ୍ୟ ପ୍ରାପ୍ତ ହୋଇଥିଲା ।   ସେଥିମଧ୍ୟରୁ କ୍ଷୀର ସାଗରରୁ    କାମଧେନୁଙ୍କର ଉତ୍ପତ୍ତି    ହୋଇଥିଲା । ପୁରାଣରେ  କାମଧେନୁ  ଗାଈକୁ ନନ୍ଦା, ସୁନନ୍ଦା, ସୁରଭୀ, ସୁଶୀଳା ଓ ସୁମନ   କୁହାଯାଉଥିଲା ।  କାମଧେନୁଙ୍କ   ସହିତ  ଏକ ପୌରାଣିକ କାହାଣୀ ଜଡ଼ିତ ଅଛି। କାହାଣୀ ଅନୁସାରେ   ଥରେ ରାଜା   ସହସ୍ରାର୍ଜୁନ ନିଜର   ସେନାମାନଙ୍କ ସହିତ   ଜଙ୍ଗଲ   ଅତିକ୍ରମ   କରୁଥିବା ସମୟରେ ମହର୍ଷି ଜମଦଗ୍ନି ( ଭଗବାନ    ପରଶୁରାମଙ୍କ ପିତା)ଙ୍କ ଆଶ୍ରମକୁ ବିଶ୍ରାମ    କରିବାକୁ ଗଲେ ।   ମହର୍ଷି ମଧ୍ୟ ଅତିଥି ହିସାବରେ ତାଙ୍କୁ ଆଶ୍ରୟ   ଦେଇଥିଲେ ।  ଏହା ସେହି ସମୟର କଥା।     ଋଷି   ଜମଦଗ୍ନିଙ୍କ ପାଖରେ ଦେବରାଜ ଇନ୍ଦ୍ରଙ୍କଠାରୁ  ପ୍ରାପ୍ତ କାମଧେନୁ ଗାଈ   ଥିଲା  ।   ରାଜା ସହସ୍ରାର୍ଜୁନ    କିନ୍ତୁ ଏହି ବିଷୟରେ ଜାଣି ନଥିଲେ ।   କିଛି ସମୟ ପରେ ଯେତେବେଳେ ସେ କାମଧେନୁଙ୍କ   ଚମତ୍କାର ଦେଖିଲେ, ଆଶ୍ଚର୍ଯ୍ୟ   ହୋଇଗଲେ ।    ମହର୍ଷି କାମଧେନୁଙ୍କଠାରୁ ପ୍ରାପ୍ତ ଦ୍ରବ୍ୟାଦିରେ ରାଜ ଏବଂ ତାଙ୍କ ସୈନିକଙ୍କ ପାଇଁ   ଭୋଜନର ବ୍ୟବସ୍ଥା କରାଇଥିଲେ ।     ଏହା ଦେଖି ସହସ୍ରାର୍ଜୁନଙ୍କ ମନରେ   ମହର୍ଷିଙ୍କ ପ୍ରତି   ଇର୍ଷା     ଉତ୍ପନ୍ନ    ହେଲା   ଏବଂ କାମଧେନୁଙ୍କୁ ନେବା ପାଇଁ ମଧ୍ୟ   ଚେଷ୍ଟା କଲେ ।

photo-- patrika.com

ରାଜା ମହର୍ଷିଙ୍କୁ   କାମଧେନୁଙ୍କୁ   ମାଗିଲେ ,କିନ୍ତୁ   ଋଷି କହିଲେ କି ଏହି ଗାଈ ଜରିଆରେ ସେ     ଭରଣ ପୋଷଣ କରୁଛନ୍ତି ।   ଫଳରେ  ରାଜା କ୍ରୋଧିତ ହୋଇ   ଋଷିଙ୍କ   ଆଶ୍ରମ ଭାଙ୍ଗି ଦେଲେ  ଏବଂ କାମଧେନୁଙ୍କୁ ବଳପୂର୍ବକ ନେବା ପାଇଁ ଗଲେ । କାମଧେନୁ   ତାଙ୍କ ହାତରୁ ଖସି ସ୍ୱର୍ଗକୁ   ଚାଲିଗଲେ ।    ମହର୍ଷି ଜମଦଗ୍ନ କାମଧେନୁଙ୍କୁ ହରାଇଲେ ଏବଂ ତାଙ୍କ ଆଶ୍ରମ ବି ନଷ୍ଟ ହେଲା । କିଛି ସମୟ ପରେ ତାଙ୍କ ପୁତ୍ର ଭଗବାନ ପର୍ଶୁରାମ   ଆଶ୍ରମକୁ ଆସିଲେ  ଏବଂ ଘଟଣା ସଂପର୍କରେ ଜାଣି ଆଶ୍ଚର୍ଯ୍ୟ ହୋଇଗଲେ ।  ପର୍ଶୁରାମଙ୍କ ମାତା ତାଙ୍କୁ ସବୁ କଥା   କହିଲେ।   ଏହା ଶୁଣି ପର୍ଶୁରାମ କ୍ରୋଧିତ ହୋଇ ରାଜାଏବଂ ତାଙ୍କ ସେନାଙ୍କୁ ଧ୍ୱଂସ କରିବାକୁ    ମହିଷ୍ମତିପୁରି   ପହଞ୍ଚିଲେ  ।   ଉଭୟଙ୍କ ଭିତରେ ଯୁଦ୍ଧ ହେଲା  ।    ସେ   ରାଜାଙ୍କୁ ବଧ କଲେ ।      ତା’ପରେ ପିତାଙ୍କ ନିର୍ଦ୍ଦେଶ ଅନୁସାରେ ପର୍ଶୁରାମ   ତୀର୍ଥ   କରିବାକୁ ଗଲେ ।