ନୂଆଦିଲ୍ଲୀ : ଦକ୍ଷିଣ ଆଫ୍ରିକାର କେପ୍ଟାଉନ୍ ସହରରେ ଘଟିଛି ଏକ ଆଶ୍ଚର୍ଯ୍ୟ କଲା ଭଳି ଘଟଣା । ଏଠାରେ ରହୁଥିବା ୨୪ବର୍ଷୀୟ ଶନ୍ େଓ୍ଵନ୍ଙ୍କ ସାଇକେଲ ଚୋରି କରିବା ପାଇଁ ଦୁଇ ଜଣ ଯୁବକ ତାଙ୍କ ଘରେ ପହଞ୍ଚିଥିଲେ । ଏ ବିଷୟରେ ଜାଣି ଶନ୍ ଦୁହିଁଙ୍କୁ ଏପରି କରିବାକୁ ବିରୋଧ କରିବା ପରେ ଦୁଇ ଅଭିଯୁକ୍ତ ଶନ୍ଙ୍କ ମୁଣ୍ଡରେ ଛୁରୀ ଭୂଷି ଦେଇଥିଲେ । ଅଧିକ ରକ୍ତସ୍ରାବ ହେଉଥିବା ଦେଖି ଦୁଇ ଅଭିଯୁକ୍ତ ସେଠାରୁ ଫେରାର ହୋଇଯିବା ପରେ ନିଜ ସାଇକେଲ ଯୋଗେ ଡ଼ାକ୍ତରଖାନାରେ ପହଞ୍ଚିଥିଲେ ଶନ୍ । ଡାକ୍ତରଖାନାରେ ପହଞ୍ଚିବା ପରେ ଶନ୍ଙ୍କ ଅବସ୍ଥା ଦେଖି ଉପସ୍ଥିତ ଥିବା ଡାକ୍ତର ଏବଂ ନର୍ସ ହତବାକ୍ ହୋଇ ଯାଇଥିଲେ । ଡ଼ାକ୍ତର ଅଛନ୍ତି କି ନାହିଁ ପଚାରିବା ପରେ ତୁରନ୍ତ ଡ଼ାକ୍ତର େଓ୍ଵଣ୍ଟର ଆସି ଶନ୍ଙ୍କ ଚିକିତ୍ସା ଆରମ୍ଭ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଚିକିତ୍ସା କରୁଥିବା ଡ଼ାକ୍ତର େଓ୍ଵଣ୍ଟରଙ୍କ କହିବା ଅନୁଯାୟୀ,ଶନ୍ଙ୍କ ଖପୁରୀରେ ୬ ଇଞ୍ଚ ଗଭୀର ଯାଏଁ ଛୁରୀ ପଶିଥିଲା । କିନ୍ତୁ ସେ ଗୋଟେ କିଲୋମିଟର ସାଇକେଲ ଚଳାଇ ଡ଼ାକ୍ତରଖାନାରେ ପହଞ୍ଚି ନିଜର ଚିକିତ୍ସା କରାଇଥିଲେ । ଯାହା ସହଜରେ ବିଶ୍ୱାସ କରିବା କଷ୍ଟ । ଡ଼ାକ୍ତରଖାନାରେ କିଛି ଲୋକ ଶନ୍ଙ୍କ ଫଟୋ ଉଠାଇ ସୋସିଆଲ ମିଡ଼ିଆରେ ଛାଡ଼ିବା ପରେ ଶନ୍ଙ୍କ ସାହାସକୁ ସମସ୍ତେ ପ୍ରଶଂସା କରିଛନ୍ତି ।