ଏହି ୧୦ଟି ଆଇନ ବିଷୟରେ ଆପଣ ଜାଣନ୍ତି କି? ଅସୁବିଧାରେ ଏହା କାମରେ ଲାଗିବ

ପ୍ରାୟ ସମସ୍ତେ ଭାରତୀୟ ସମ୍ବିଧାନର ୬ଟି ମୌଳିକ ଅଧିକାର ବିଷୟରେ ଜାଣନ୍ତି, କିନ୍ତୁ ଅନେକ ନାଗରିକ ଭାବରେ ସେମାନଙ୍କ ଅଧିକାର ବିଷୟରେ ସଚେତନ ନୁହନ୍ତି । ଦେଶରେ ୩୫,୦୦୦ରୁ ଊର୍ଦ୍ଧ୍ୱ ଆଇନ ରହିଛି, ଯାହା ସମସ୍ତଙ୍କ ପକ୍ଷେ ମନେ ରଖିବା ସମ୍ଭବ ନୁହେଁ। କିନ୍ତୁ ସେଗୁଡ଼ିକ ମଧ୍ୟରୁ ଏହି ୧୦ଟି ଆଇନକୁ ସମସ୍ତ ଭାରତୀୟ ଜାଣିବା ଉଚିତ୍‌।

ଆପଣ ମଦ ପିଇ ଗାଡ଼ି ଚଳାଉଥିବା ସମୟରେ ଯଦି ପୋଲିସ୍‌ ହାତରେ ଧରା ପଡ଼ୁଛନ୍ତି ଓ ଆପଣଙ୍କ ୧୦୦ ଏମ୍‌ଏଲ୍‌ ରକ୍ତରୁ ଯଦି ୩୦ ଏମ୍‌ଜି ଆଲ୍‌କହଲ୍‌ ମିଳେ, ତା’ହେଲେ ପୋଲିସ୍‌ ଆପଣଙ୍କୁ କୌଣସି ଓ୍ଵାରେଣ୍ଟ୍‌ ବିନା ଗିରଫ କରିପାରିବ।

ଯଦି କୌଣସି ପୋଲିସ୍‌ ଅଫିସର ଆପଣଙ୍କ କମ୍ପ୍ଲେନ୍‌ ଲେଖୁ ନାହାନ୍ତି ତା’ହେଲେ ତାଙ୍କୁ ୨ ବର୍ଷ ପର୍ଯନ୍ତ ଜେଲ୍‌ ହୋଇପାରେ।

ଆପଣ ଯେକୌଣସି ରେଷ୍ଟୁରାଣ୍ଟ୍‌ରେ ମାଗଣାରେ ପାଣି ପିଇ ପାରିବେ ଓ ଟଏଲେଟ୍‌ ବ୍ୟବହାର କରିପାରିବେ।

ଯଦି କେହି ବିବାହିତ ବ୍ୟକ୍ତି କୌଣସି ଅବିବାହିତା ଯୁବତୀ କିମ୍ବା ବିଧବାଙ୍କ ସହ ସମ୍ପର୍କ ରଖନ୍ତି ତା’ହେଲେ ଏହାକୁ ଅପରାଧ ମନାଯିବ ନାହିଁ।

ଯୁବକ-ଯୁବତୀ ଲିଭ-ଇନ୍‌ ରିଲାସନ୍‌ସିପ୍‌ରେ ନିଜ ଇଚ୍ଛା ଅନୁସାରେ ରହିଲେ ତାହା ଅପରାଧ ନୁହେଁ।

ଯଦି ପୋଲିସ୍‌ଙ୍କ ଡ୍ୟୁଟି ନ ଥିବ କିମ୍ବା ସେ ୟୁନିଫର୍ମ୍‌ ପିନ୍ଧି ନଥିବା ସମୟରେ ମଧ୍ୟ ପୀଡ଼ିତାଙ୍କୁ ସାହାଯ୍ୟ କରିବାକୁ ବାଧ୍ୟ ଅଟନ୍ତି।

କୌଣସି କମ୍ପାନି ଗର୍ଭବତୀ ମହିଳାଙ୍କୁ ଚାକିରିରୁ ଛଟେଇ କରିପାରିବେ ନାହିଁ।

ଟ୍ରାଫିକ୍‌ ପୋଲିସ୍‌ ଗୋଟିଏ ଦିନରେ ସମାନ ଜିନିଷ ପାଇଁ ଆପଣଙ୍କୁ ଦୁଇଥର ଚାଲାଣ କାଟିପାରିବେ ନାହିଁ।

ଯଦି ଆପଣଙ୍କ ଅଫିସ୍‌ ଆପଣଙ୍କୁ ଦରମା ଦେଉନି ତା’ହେଲେ ଆପଣ ସେହି ଅଫିସ୍‌ ବିରୋଧରେ ପୋଲିସ୍‌ କମ୍ଲେଣ୍ଟ୍‌ କରିପାରିବେ।

ଯଦି ଜନଗହଳି ସ୍ଥାନରେ ଆପଣ କୌଣସି ଅଶ୍ଳୀଳ କାର୍ଯ୍ୟକଳାପ କରୁଛନ୍ତି ତା’ହେଲେ ଆପଣଙ୍କୁ ୩ ବର୍ଷ ପାଇଁ ଜେଲ୍‌ ହୋଇପାରେ।