ନୂଆଦିଲ୍ଲୀ: କ’ଣ ଆପଣ ଜାଣିଛନ୍ତି ରିଲାଏନ୍ସ ଜିଓ, ଏୟାରଟେଲ୍ ଏବଂ ଭୋଡାଫୋନ୍-ଆଇଡିଆ ବା ଭିଆଇର ମାସିକ ପ୍ରିପେଡ୍ ପ୍ଲାନର ଭାଲିଡିଟି ୩୦ଦିନ ବଦଳରେ ୨୮ ଦିନ କାହିଁକି? ଯଦି ଆପଣ ଏହାକୁ ହିସାବ କରିବେ ତେବେ ବର୍ଷକରେ ୧୨ ମାସ ବଦଳରେ ଗ୍ରାହକଙ୍କୁ ୧୩ମାସ ରିଚାର୍ଜ କରିବାକୁ ପଡୁଛି । ଦେଶରେ ବର୍ତ୍ତମାନ ଗ୍ରାହକ ଜିଓ, ଏୟାରଟେଲ୍, ଭିଆଇକୁ ଅଧିକ ବ୍ୟବହାର କରୁଛନ୍ତି । ଏହି ତିନୋଟି ଟେଲିକମ୍ ସୁବିଧା ମଧ୍ୟରୁ ଜିଓ ବେଶି ଲୋକପ୍ରିୟ ହୋଇଥିବା ବେଳେ ହଠାତ୍ ପ୍ଲାନର ଦର ବୃଦ୍ଧି କିଛି ମାତ୍ରାରେ ଗ୍ରାହକଙ୍କୁ ଅସନ୍ତୋଷ କରିଛି । ଆଉ ଏହାରି ମଧ୍ୟରେ ଏକ ବଡ ଖୁଲାସା ହୋଇଛି । ଯଦି ଆମେ ଏହି ଟେଲିକମ୍ କମ୍ପାନି, ଗ୍ରାହକଙ୍କୁ ଦେଉଥିବା ସୁବିଧା ବାବଦରେ କହିବା ତେବେ ମାସିକିଆ ପ୍ଲାନ୍ ମାଧ୍ୟମରେ ଗ୍ରାହକ ଠକାମିର ଶିକାର ହେଉଛନ୍ତି ବୋଲି ଜଣାପଡିଛି ।
Sambad is now on WhatsApp
Join and get latest news updates delivered to you via WhatsApp
ଯଦି ଆମେ ପ୍ରକୃତରେ ହିସାବ କରିବା ତେବେ ଏହି ଟେଲିକମ୍ କମ୍ପାନିଗୁଡିକ ମାସିକିଆ ପ୍ଲାନ୍ ଭାଲିଡିଟିରୁ ୨ଦିନ କାଟି ପୁଳା ପୁଳା ଟଙ୍କା ରୋଜଗାର କରୁଛନ୍ତି । ଆସନ୍ତୁ ଜାଣିବା କେମିତି। ଯଦି ଆମେ ୧୨ ମାସକୁ ୨୮ ଦିନରେ ଗୁଣିବା ତାହେଲେ ୩୩୬ଦିନ ହେଉଛି । ଅର୍ଥାତ୍ ବର୍ଷକ ୧୨ ମାସ ୩୬୫ ଦିନ ହୋଇଥିବା ବେଲେ ଏହି ମାସିକିଆ ପ୍ଲାନରେ ୨୯ଦିନ କମ୍ ଭ୍ୟାଲିଡିଟି ମିଳୁଛି । ୧୨ ମାସ ବଦଳରେ ଗ୍ରାହକଙ୍କୁ ୧୩ମାସ ରିଚାର୍ଜ କରିବାକୁ ପଡୁଛି । ୧୩ ମାସର ରିଚାର୍ଜ କରିବା ପରେ ବି ଏହା ୩୬୪ଦିନ ହେଉଛି, ଆଉ ଗୋଟିଏ ଦିନ ବଳିପଡୁଛି ।
ଆଶ୍ଚର୍ଯ୍ୟର କଥା ହେଉଛି, ଏହି ଦୁଇ ଦୁଇ ଦିନର ଭାଲିଡିଟିକୁ କମ୍ କରି କୋଟି କୋଟି ଟଙ୍କା ଆୟ କରୁଛନ୍ତି ଟେଲିକମ୍ କମ୍ପାନି । ଏୟାରଟେଲ୍ ୫୪୧୫ କୋଟି ଟଙ୍କା ଗ୍ରାହକଙ୍କଠୁ ନେଇଯାଉଥିବା ବେଲେ ଜିଓ ୬୧୬୮ କୋଟି ଏବଂ ଭିଆଇ ୨୯୩୪କୋଟି ରୋଜଗାର କରୁଛି । ଏହିପରି ରିଚାର୍ଜ ପ୍ଲାନ୍ ୩ମାସିଆ ରିଚାର୍ଜ ପ୍ଲାନରେ ବି ଲାଗୁ ହେଉଛନ୍ତି । ୩ମାସିଆ ରିଚାର୍ଜ ପ୍ଲାନର ଭ୍ୟାଲିଡିଟି ୯୦ଦିନ ବଦଳରେ ୮୪ଦିନ ରହୁଛି । ଯଦି ଏହାକୁ ହିସାବ କରାଯାଏ ତେବେ ଗ୍ରାହକ ଟେଲିକମ୍ କମ୍ପାନିମାନଙ୍କୁ ଏକମାସ ଅଧିକ ଟଙ୍କା ଦେଉଛନ୍ତି ବୋଲି କୁହାଯାଇପାରିବ ।