ସଂସ୍କୃତ ପ୍ରେମୀ ଓକିଲ: ଯିଏ ସଂସ୍କୃତ ଭାଷାରେ କୋର୍ଟରେ ମାମଲା ଲଢ଼ନ୍ତି

ବାରଣାସୀ: ପରିବର୍ତ୍ତିତ ପରିବେଶରେ ଦିନକୁ ଦିନ ସଂସ୍କୃତ ଭାଷାର ପରିଚୟ ହ୍ରାସ ପାଇବାରେ ଲାଗିଛି | ସମ୍ବିଧାନର ଅଷ୍ଟମ ସୂଚୀରେ ରେକର୍ଡ ହୋଇଥିବା ୨୨ ଟି ଭାଷା ମଧ୍ୟରେ ଏହା ବର୍ତ୍ତମାନ ସର୍ବନିମ୍ନ କଥିତ ଭାଷା ଭାବରେ ମାନ୍ୟତା ପାଇଛି | ତେବେ ସଂସ୍କୃତ ଭାଷାକୁ ସ୍ୱତନ୍ତ୍ର ପରିଚୟ ଦେବାକୁ ବାରଣାସୀର ଜଣେ ଓକିଲ ଗତ ୪୨ ବର୍ଷ ଧରି ଏକ ନିଆରା ଅଭିଯାନ ଚଳାଇଛନ୍ତି। ବାରାଣାସୀର ଆଚାର୍ଯ୍ୟ ଶ୍ୟାମ ଉପାଧ୍ୟାୟ ଦେଶର ପ୍ରଥମ ଓକିଲ ଯିଏ କୋର୍ଟର ସମସ୍ତ କାର୍ଯ୍ୟରେ ସଂସ୍କୃତ ଭାଷାକୁ ହିଁ ବ୍ୟବହାର କରନ୍ତି |

୧୯୭୮ରୁ ଶ୍ୟାମ ଉପାଧ୍ୟାୟ ଚିଠି ଲେଖିବା ଠାରୁ ଆରମ୍ଭ କରି କୋର୍ଟରେ ବିଚାରପତିଙ୍କ ଆଗରେ ଯୁକ୍ତିତର୍କ କରିବା ପର୍ଯ୍ୟନ୍ତ ସଂସ୍କୃତ ଭାଷାର ବ୍ୟବହାର କରିଆସୁଛନ୍ତି। ଶ୍ୟାମ କୁହନ୍ତି ଯେ ପିଲାଦିନେ ମୁଁ ମୋ ବାପାଙ୍କଠାରୁ ଶୁଣିଥିଲି ଯେ କୋର୍ଟରେ ସମସ୍ତ କାର୍ଯ୍ୟ ହିନ୍ଦୀ, ଇଂରାଜୀ ଏବଂ ଉର୍ଦ୍ଦୁ ଭାଷାରେ କରାଯାଇଥାଏ, ସଂସ୍କୃତ ବ୍ୟବହାର କରାଯାଏ ନାହିଁ। ତା’ପରେ ମୁଁ ମନସ୍ଥ କରିଥିଲି ଯେ 'ଜଣେ ଓକିଲ ହେବି ଏବଂ ଏହି ଭାଷାରେ କୋର୍ଟର ସମସ୍ତ କାର୍ଯ୍ୟ କରିବି |

୧୯୭୮ ପରଠାରୁ, ମୁଁ ସଂସ୍କୃତ ଭାଷାରେ ହଜାର ହଜାର ମାମଲା ଲଢ଼ିଛି ଏବଂ ସଫଳତା ହାସଲ କରିଛି | ଆଚାର୍ଯ୍ୟ ଶ୍ୟାମ ଉପାଧ୍ୟାୟ କହିଛନ୍ତି ଯେ ଯେତେବେଳେ ସେ ଦଲିଲକୁ ସଂସ୍କୃତରେ ଲେଖି ବିଚାରପତିଙ୍କ ଆଗରେ ରଖନ୍ତି ସେତେବେଳେ ବିଚାରପତି ମଧ୍ୟ ଆଶ୍ଚର୍ଯ୍ୟ ହୋଇଯାଇଥିଲେ। ଯେତେବେଳେ ସେ କୋର୍ଟରେ ସଂସ୍କୃତ ଭାଷାର ବ୍ୟବହାର କରନ୍ତି, ସେତେବେଳେ ଅନୁବାଦକଙ୍କ ସାହାଯ୍ୟରେ କୋର୍ଟରେ ଦିଆଯାଇଥିବା ନିବେଦନକୁ ବିଚାରପତି ଶୁଣନ୍ତି।