ଓକିଲ ବିବାହ ନିୟମ ସହ ସମ୍ବିଧାନର ଧାରା ଲେଖି ଛାପିଲେ ନିଜ ବିବାହ କାର୍ଡ
ନୂଆଦିଲ୍ଲୀ: ସମସ୍ତେ ନିଜ ବିବାହକୁ ସ୍ୱତନ୍ତ୍ର ଏବଂ ସ୍ମରଣୀୟ କରିବାକୁ ଚାହାଁନ୍ତି । ଏଥିପାଇଁ ସେମାନେ ବିଭିନ୍ନ ପ୍ରକାରର ଉପାୟ ଆପଣାଇ ଥାଆନ୍ତି। ତେବେ ଅନେକ ଲୋକ ଏମିତି ଅଛନ୍ତି ଯେଉଁମାନେ ନିଜ ବିବାହ କାର୍ଡ ଦ୍ବାରା ଲୋକଙ୍କୁ ସଚେତନତା ବର୍ତ୍ତା ବି ଦେଇଥାଆନ୍ତି। । ନିକଟରେ ଜଣେ ଓକିଲଙ୍କ ବିବାହ କାର୍ଡକୁ ନେଇ ଚର୍ଚ୍ଚା ଜୋର ଧରିଛି।
Sambad is now on WhatsApp
Join and get latest news updates delivered to you via WhatsApp
ଆସାମର ଗୌହାଟିର ଜଣେ ଓକିଲଙ୍କ ବିବାହ କାର୍ଡକୁ ସମ୍ବିଧାନ-ଥିମରେ ମୁଦ୍ରଣ କରାଯାଇଛି । ଏହି ବିବାହ ନିମନ୍ତ୍ରଣରେ ଭାରତୀୟ ବିବାହର ନିୟମ ଏବଂ ଅଧିକାର ବିଷୟରେ ମଧ୍ୟ ଉଲ୍ଲେଖ କରାଯାଇଛି । କାର୍ଡରେ ଲେଖାଅଛି, “ବିବାହର ଅଧିକାର ହେଉଛି ଭାରତୀୟ ସମ୍ବିଧାନର ଧାରା ୨୧ ଅନୁଯାୟୀ ଜୀବନ ଧାରଣ କରିବାର ଏକ ଉପାଦାନ ।
ତେଣୁ ମୋର ଏହି ମୌଳିକ ଅଧିକାରକୁ ରବିବାର, ୨୮ ନଭେମ୍ବର ୨୦୨୧ ରେ ବ୍ୟବହାର କରିବାର ସମୟ ଆସିଛି ।”
ନିମନ୍ତ୍ରଣରେ ଆହୁରି ମଧ୍ୟ କୁହାଯାଇଛି ଯେ ଯେତେବେଳେ ଆଇନଜୀବୀମାନେ ବିବାହ କରନ୍ତି, ସେମାନେ ‘ହଁ’ କୁହନ୍ତି ନାହିଁ, ସେମାନେ କହନ୍ତି – ‘ଆମେ ସର୍ତ୍ତାବଳୀ ଗ୍ରହଣ କରୁ’। ସମ୍ବିଧାନ ଉପରେ ଆଧାରିତ ବିବାହ କାର୍ଡ ସୋସିଆଲ ମିଡିଆ ପ୍ଲାଟଫର୍ମରେ ଭାଇରାଲ ହୋଇଛି ।