ଓଠର ଆକୃତିରୁ ଜାଣନ୍ତୁ ବ୍ୟକ୍ତିଙ୍କର ସ୍ୱଭାବ
ଆମ ସମାଜରେ ବିଭିନ୍ନ ଧରଣର ମଣିଷ ଅଛନ୍ତି । ଅଧିକାଂଶ ଲୋକଙ୍କର ଶାରୀରିକ ଗଠନ ବି ଭିନ୍ନ ଭିନ୍ନ । କାହାର ଆଖି ବଡ଼ ତ ପୁଣି କାହାର ନାକ ଛୋଟ ପୁଣି କାହାର ଓଠ ପତଳା ତ ପୁଣି କାହାର ମୋଟା। ଆସନ୍ତୁ ଜାଣିବା ଓଠର ଆକୃତି କିଭଳି ହୋଇଥିଲେ ଉକ୍ତ ବ୍ୟକ୍ତିଙ୍କର ସ୍ୱଭାବ କିପରି ହୋଇଥାଏ…
Sambad is now on WhatsApp
Join and get latest news updates delivered to you via WhatsApp
ଯେଉଁମାନଙ୍କର ଓଠର ଆକୃତି ବଡ଼, ସେମାନେ ଚୁପ୍ ରହି ପାରନ୍ତି ନାହିଁ । ସେମାନେ ସବୁବେଳେ କଥା କହିବାକୁ ଚାହାଁନ୍ତି । ସେହି ବ୍ୟକ୍ତି କୌଣସି ଗ୍ରୁପ୍ରେ ଥିଲେ ଭଲ ସହଯାତ୍ରୀ ବା ସହଯୋଗୀ ହୋଇପାରନ୍ତି । ତେବେ ଯଦି ଆପଣ ଜଣେ ଭଲ ଶ୍ରୋତା ହୋଇ ନଥିବେ, ତେବେ ସେହି ବ୍ୟକ୍ତି ବିରକ୍ତ ହୁଅନ୍ତି ଏବଂ କଥା କହିବା ବନ୍ଦ କରି ଦିଅନ୍ତି । ଏମାନଙ୍କର କୌଣସି କଥା ପେଟରେ ରହେ ନାହିଁ ।
ଯେଉଁ ପୁରୁଷ ବା ମହିଳାଙ୍କର ଓଠର ଆକୃତି ଛୋଟ, ସେ ଅପେକ୍ଷାକୃତ କମ୍ କଥା କହିବାକୁ ପସନ୍ଦ କରନ୍ତି । ସେ ନିଜର ବ୍ୟକ୍ତିଗତ ଜୀବନକୁ ଅନ୍ୟମାନଙ୍କ ସହ ସେଆର୍ କରନ୍ତି ନାହିଁ । ଏପରିକି ନିଜର ମନୋଭାବ ଓ ସମ୍ବେଦନାକୁ ବି ନିଜ ଭିତରେ ଚାପି ଧରନ୍ତି । ଏମାନେ ଗୋପନୀୟତାକୁ ବର୍ଷ ବର୍ଷ ଧରି ରଖିପାରନ୍ତି । ପତଳା ଓଠ ଥିବା ଲୋକେ ଖୁବ୍ ସତର୍କ ଓ ସେମାନେ ଆଦୌ ରିସ୍କ ଉଠାଇବାକୁ ଚାହାଁନ୍ତି ନାହିଁ ।
ଯେଉଁମାନଙ୍କ ଓଠର ଉପର ଓ ତଳ ଭାଗ ସମାନ ଥାଏ, ସେମାନଙ୍କୁ ସନ୍ତୁଳିତ ଓଠ ଥିବା ବ୍ୟକ୍ତି ବୋଲି କୁହାଯାଇଥାଏ । ଏମାନେ ସହଜରେ ଅନ୍ୟ ଲୋକଙ୍କ ସହିତ ମିଶି ଯାଆନ୍ତି, ମାତ୍ର ସନ୍ତୁଳନ ରକ୍ଷା କରିବାରେ ଧୁରନ୍ଧର । ଏମାନେ ଆଶାବାଦୀ । ଯେଉଁମାନଙ୍କର ଓଠର ଲିପ୍ ଲାଇନ୍ ନିମ୍ନଗାମୀ, ସେମାନେ ଜୀବନରେ ସହଜରେ ଆଗକୁ ବଢିପାରନ୍ତି ନାହିଁ, ମାତ୍ର ଯେଉଁମାନଙ୍କ ଲିପ୍ ଲାଇନ୍ ଉପରକୁ ଥାଏ, ସେମାନେ ଏହାର ବିପରୀତ ଧର୍ମୀ ହୋଇଥାଆନ୍ତି ।