ବିଶ୍ୱବିଦ୍ୟାଳୟ ପରିସରରେ ରହୁଛନ୍ତି ଜୀବନ୍ତ ସି˚ହ
ଯୁକ୍ତରାଷ୍ଟ୍ର ଆମେରିକା ଅନ୍ତର୍ଗତ ଫ୍ଲୋରେନ୍ସରେ ଅଛି ‘ୟୁନିଭର୍ସିଟି ଅଫ୍ ନର୍ଥ୍ ଆଲାବାମା’। ଏହା ସ˚ଭବତଃ ବିଶ୍ୱର ଏକ ମାତ୍ର ଶିକ୍ଷାନୁଷ୍ଠାନ, ଯାହା ଭିତରେ ଏକ ବନ୍ଦ ସ୍ଥାନରେ ଅଛନ୍ତି, ଗୋଟିଏ ଜୀବନ୍ତ ସି˚ହ ଏବ˚ ଗୋଟିଏ ଜୀବନ୍ତ ସି˚ହୀ। ଶିକ୍ଷାନୁଷ୍ଠାନ ଭିତରେ ସି˚ହ-ସି˚ହୀଙ୍କ ଉପସ୍ଥିତି ଅନେକଙ୍କୁ ବିସ୍ମିତ କରିପାରେ। ଏବେ ଏହାର କାରଣଟି ଜାଣିବା ହେଉ।
Sambad is now on WhatsApp
Join and get latest news updates delivered to you via WhatsApp
ଏହି ବିଶ୍ୱବିଦ୍ୟାଳୟର ମାସ୍କଟ୍ ଜୀବନ୍ତ ସି˚ହ। ଜୀବନ୍ତ ସି˚ହକୁ ମାସ୍କଟ୍ କରିବା ନିଷ୍ପତ୍ତି ୧୯୭୪ରେ ନିଆଯାଇଥିଲା। ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କ ଏ ଭଳି ନିଷ୍ପତ୍ତିକୁ ସମସ୍ତେ ସ୍ୱାଗତ କରିଥିଲେ। ୨୦୦୭ରେ ସି˚ହଙ୍କ ରହଣିକୁ ଆରାମଦାୟକ କରିବା ପାଇଁ ଏକ ପ୍ରଶସ୍ତ ବନ୍ଦ ଘରର ବ୍ୟବସ୍ଥା କରାଯାଇଥିଲା। ତାହାର ନିର୍ମାଣରେ ଖର୍ଚ୍ଚ ହୋଇଥିଲା ତେର ଲକ୍ଷ ଡଲାର୍। ଏବେ ସେଠି ରହୁଛନ୍ତି ଏକ ସି˚ହ ଦ˚ପତି। ସେମାନଙ୍କ ନାମ ‘ତୃତୀୟ ଲିଓ’ ଏବ˚ ‘ଉନା’। ସେମାନଙ୍କୁ ଦେଖିବାକୁ ଦୈନିକ ବହୁ ପର୍ଯ୍ୟଟକ ଆସୁଥିବା ଜଣାଯାଏ। ଦେଖିବାର ସମୟ ସକାଳ ଆଠରୁ ସନ୍ଧ୍ୟା ଛଅ ଘଣ୍ଟା। ଦେଖିବା ପାଇଁ କୌଣସି ଅର୍ଥ ଦେବାକୁ ପଡ଼େନାହିଁ।