ହନୁମାନଜୀ ହେଉଛନ୍ତି ଶ୍ରୀରାମଙ୍କ ଭକ୍ତ । ଏଣେ ଭଗବାନ ଶଙ୍କର ଓ ନାରାୟଣ ପରସ୍ପରର ଭକ୍ତ ଅଟନ୍ତି । କିନ୍ତୁ ଯେତେବେଳେ ନାରାୟଣ ନର ରୂପ ଧାରଣ କରି ଶ୍ରୀରାମଙ୍କ ଅବତାର ଗ୍ରହଣ କରିଲେ, ସେତେବେଳେ ଶିବ ଭଗବାନ ଶ୍ରୀରାମଙ୍କ ଉପାସନାକରିବାକୁ ଚିିନ୍ତା କଲେ ସେତେବେଳେ ରୁଦ୍ର ରୂପକୁ ତ୍ୟାଗ କରି ବାନର ରୂପରେ ଅବତାର ନେଇଥିଲେ । ଏହିରୁପରେ ସେ ସମୁଦ୍ର ଲଂଘି ସୀତାଙ୍କ ଠାବ କରିବା, ଲଙ୍କାପୁରୀ ଦହନ କରିବା, ସଂଜୀବନୀ ବୁଟି ଆଣି ଲକ୍ଷ୍ମଣଙ୍କୁ ପ୍ରାଣଦାନ ଦେବା, ଅଜେୟ ଦୁଷ୍ଟ ରାକ୍ଷସମାନଙ୍କୁ ବଧ ଭଳି ଅନେକ ଅସମ୍ଭବ କାର୍ଯ୍ୟ ସଂପାଦନ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ବ୍ରହ୍ମାଦିପୁରାଣ ଅନୁଯାୟୀ ଶ୍ରୀହନୁମାନ ବୃଷାକପି ଅର୍ଥାତ୍ ଶିବ-ବିଷ୍ଣୁଙ୍କ ତେଜୋମୟ ଦିବ୍ୟ ବିଗ୍ରହଧାରୀ ଦେବତା ରୂପରେ ନିରୁପିତ ହୋଇଛନ୍ତି । ସମସ୍ତ ପୁରାଣ ତଥା ବିବିଧ ରାମାୟଣ ଅନୁସାରେ ବୈବସ୍ୱତ ମନ୍ଵନ୍ତରରେ ଚବିସତମ ତ୍ରେତୟା ଯୁଗରେ ସେ ଅଂଜନା ନାମ୍ନୀ ଅପ୍ସରାଙ୍କଠାରୁ କେସରୀଙ୍କ ପୁତ୍ର ରୂପେ ଅବତୀର୍ଣ୍ଣ ହୋଇଥିଲେ । ଏଥିଲାଗି ହନୁମାନଙ୍କୁ କୁହାଯାଏ କଲ୍ୟାଣକାରୀ ଶିବଙ୍କ ଅବତାର ।