ଅରୁଣାଚଳର ପ୍ରେମ-ଫୁଲ
ଚାଇନିଜ୍ମାନେ ‘ପ୍ରେମ ଫୁଲ’ ପାଇଁ ଅରୁଣାଚଳ ପ୍ରଦେଶରେ ଅନୁପ୍ରବେଶ କରୁଥିବା କେହି କେହି ବିଶ୍ବାସ କରନ୍ତି। ଏହା କ’ଣ ଏବଂ କେଉଁ କାମରେ ଲାଗେ? ଏହା ପ୍ରକୃତରେ ଫୁଲ ନୁହେଁ; ଏକ ପ୍ରକାରର ଶିଉଳି ବା କବକ ଜାତୀୟ ଉଦ୍ଭିଦ। ଉଦ୍ଭିଦ ବିଜ୍ଞାନ ପରିଭାଷାରେ ଏହାର ନାମ- ‘କର୍ଡିସେପ୍ସ ସାଇନେନ୍ସିସ୍’। ଏହି ଉଦ୍ଭିଦ ସମୁଦ୍ରପତ୍ତନଠାରୁ ଅନ୍ୟୂନ ଦଶ ହଜାର ଫୁଟ୍ ଉଚ୍ଚତାରେ ବଢ଼ୁଥିବା ବଣୁଆ ଶମ୍ବାଳୁଆ ଦେହରେ ସୃଷ୍ଟି ହୁଏ। ଏଣୁ ଏହା ଅଧା କୀଟ ଏବ˚ ଅଧା ଉଦ୍ଭିଦ। ଏହାକୁ ସ୍ଥାନୀୟ ଲୋକେ କହନ୍ତି ‘ୟାର୍ଟ୍ ସି ଗମ୍ପୋ’ ବା ‘କୀଡ଼ା ଜଡ଼ି’।
Sambad is now on WhatsApp
Join and get latest news updates delivered to you via WhatsApp
ଅନ୍ତର୍ଜାତୀୟ ବଜାରରେ ଏହାର ମୂଲ୍ୟ କିଲୋ ପ୍ରତି ଦୁଇ ଲକ୍ଷ ଟଙ୍କା। ଏହା ପୁରୁଷଙ୍କଠାରେ ଯୌନ-ଶକ୍ତି ବୃଦ୍ଧି ସହ କ୍ଳାନ୍ତି ଦୂର କରୁଥିବା ବିଶ୍ବାସ କରାଯାଏ। ଏହା ପୁଷ୍ଟିଦାୟକ। ଏକଦା ଏହାର ଦର କିଲୋ ପ୍ରତି ଦୁଇ ହଜାର ମାତ୍ର ଥିଲା। ଚାଇନିଜ୍ମାନେ ଏହାକୁ ବିଭିନ୍ନ ତୁଟୁକା ଚିକିତ୍ସାରେ ବ୍ୟାପକ ଭାବେ ବ୍ୟବହାର କରିବା ସହ ବିଶ୍ବ-ବଜାରରେ ପରିଚିତ କରାଇବାରୁ ଦର ବଢ଼ୁଛି।