ଦୁର୍ଘଟଣାରେ ପ୍ରେମିକ ଗୋଡ଼ ହରାଇଥିବା ଜାଣି ବି ହାତ ଛାଡ଼ିନଥିଲେ ସାଗରିକା, ଶ୍ରେଣୀଗୃହର ଚାହାଣି ଲେଖିଥିଲା ହୃଦୟରେ କାହାଣୀ
ନିଆଳି: ‘ତୋର ସୁନ୍ଦର ଜୀବନଟିଏ ଅଛି, ସିଏ ପରା ଗୋଡ଼ ଖଣ୍ଡେ ହରାଇଛି, କାହିଁକି ବାହା ହେବୁ’ ବାପା ଘର ଲୋକଙ୍କ ବାରମ୍ବାର ଏହି କଥା ସାଗରିକାଙ୍କ ନିଷ୍ପତ୍ତିକୁ ବଦଳାଇପାରିନଥିଲା | ପ୍ରେମିକ ଦିବ୍ୟାଙ୍ଗ ହୋଇଯାଇଛନ୍ତି ସତ କିନ୍ତୁ ଭଲ ପାଇବା ତ ଏବେ ବି ବଞ୍ଚିଛି, କେମିତି ଛାଡ଼ିବେ କିଛି ଏହି କଥା ଭାବି ବାପ ଘରର ଅନିଚ୍ଛା ସତ୍ୱେ ସରୋଜଙ୍କ ହାତ ଧରିଥିଲେ ସାଗରିକା |
କଟକ ଜିଲ୍ଲା ନିଆଳି ଥାନା ତାମ୍ପଦା ଗାଁର ଗୋଟିଏ ସ୍କୁଲରେ ପାଠ ପଢୁଥିଲେ ସରୋଜ-ସାଗରିକା | ପାଠ ବହିର ଜ୍ଞାନ ସହ ବଢିଥିଲା ଦୁହିଁଙ୍କର ସମ୍ପର୍କ | ମିଳାମିଶାରୁ ବନ୍ଧୁତା ଓ ତାହା ପରେ ପ୍ରେମ | ଆଖିର ଚାହାଣୀ ଲେଖିଥିଲା ଦୁହିଁଙ୍କ ହୃଦୟରେ ଏକ ସୁନ୍ଦର ପ୍ରେମ କାହାଣୀ | ପରବର୍ତ୍ତୀ ସମୟରେ ସରୋଜ ନିଜ ଗୋଡରେ ନିଜେ ଠିଆ ହେବା ପାଇଁ ରାଜ୍ୟ ବାହାରକୁ ଯାଇ ଏକ ଘରୋଇ କମ୍ପାନୀରେ କାମ କରୁଥିଲେ ।
Sambad is now on WhatsApp
Join and get latest news updates delivered to you via WhatsApp
ବେଶ ଦୁଇପଇସା ରୋଜଗାର କରି ନିଜ ବାପା ମା ସହିତ ପରିବାରର ଭରଣପୋଷଣ କରିବା ସହ ନିଜ ପ୍ରେମିକାର ମନ ଜିଣିପାରିଥିଲେ । କିନ୍ତୁ ଦିନେ ଏକ ଦୁର୍ଘଟଣାରେ ସରୋଜ ତାଙ୍କର ଡାହାଣ ଗୋଡଟି ହରେଇଥିଲେ । ଗୋଡ ହରେଇବା ପରେ ସାଗରିକାଙ୍କ ଘରଲୋକ ବିବାହ ପାଇଁ ପ୍ରତିବନ୍ଧକ ସାଜିଥିଲେ । ସରୋଜଙ୍କୁ ବିବାହ ନ କରି ଅନ୍ୟ କେଉଁଠି ବିବାହ କରିବାକୁ ବାରମ୍ବାର କହିଥିଲେ | କିନ୍ତୁ ବୁଝିନଥିଲା ସାଗରିକାଙ୍କ ମନ | ପରିବାର ଲୋକଙ୍କର ପ୍ରତିବନ୍ଧକ ପରେ ବି ସାଗରିକା ଦୁଇପାଦ ଆଗକୁ ଯାଇ ସରୋଜଙ୍କ ହାତ ଧରିଥିଲେ । ଏବେ ସାଗରିକାଙ୍କୁ ନେଇ ସରୋଜଙ୍କ ପରିବାର ବେଶ ଖୁସି ଅଛନ୍ତି । ସେପଟେ ସରୋଜ ମଧ୍ୟ ନିଜ ପିଲାଦିନର ସାଥୀଙ୍କୁ ଜୀବନ ସାଥି ଭାବରେ ପାଇ ବେଶ ଖୁସି ଅଛନ୍ତି ।