ମହାବିଷୁବ ସଂକ୍ରାନ୍ତି ଦେଶର ବିଭିନ୍ନ ସ୍ଥାନରେ ଅନ୍ୟ ଭିନ୍ନ ଭିନ୍ନ ନାମରେ ମଧ୍ୟ ପାଳିତ ହୋଇଥାଏ । ଏହାକୁ ନବ ବର୍ଷଭାବେ ବୌଦ୍ଧ ଧର୍ମାବଲମ୍ବୀମାନେ ପାଳନ କରିଥାଆନ୍ତି । ମଧ୍ୟଭାରତ ଓ ଉତ୍ତର ଭାରତରେ ହିନ୍ଦୁ ଓ ଶିଖ୍ମାନେ ଏହାକୁ ‘ବୈଶାଖୀ’ ନାଆଁରେ ପାଳନ କରିଥାନ୍ତି। ଦକ୍ଷିଣ-ପୂର୍ବ ଏସିଆର କେତେକ ରାଷ୍ଟ୍ରରେ ଏହାକୁ ବି ନବ ବର୍ଷ ଭାବେ ଗ୍ରହଣ କରାଯାଇଛି। ଏହି ଦେଶମାନଙ୍କ ମଧ୍ୟରେ ମିଆଁମାର୍ , ଶ୍ରୀଲଙ୍କା ଓ କାମ୍ବୋଡିଆ ଆଦି ସାମିଲ୍ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଭାରତର ଦକ୍ଷିଣ ରାଜ୍ୟ କେରଳରେ ମହାବିଷୁବ ସଂକ୍ରାନ୍ତି ‘ବିଷୁ’ ନାଆଁରେ ଅଧିିକ ଲୋକପ୍ରିୟ। ପୂର୍ବ ଭାରତର ପଶ୍ଚିମବଙ୍ଗ ଓ ତ୍ରିପୁରା ରାଜ୍ୟରେ ଏହା ‘ପୋହେଲା ବୋଇଶାଖ୍’ ଭାବେ ପାଳିତ ହୋଇଥାଏ । ଠିକ୍ ସେହିପରି ବାଂଲାଦେଶରେ ବି ସେଇ ନାମରେ ଏହା ପରିଚିତ। ଆସାମରେ ଏହା ରୋଙ୍ଗାଲୀ ବିହୁ ଭାବେ ଅଧିକ ଲୋକପ୍ରିୟ। ଭାରତର ପଡୋଶୀ ରାଜ୍ୟ ନେପାଳରେ ମହାବିଷୁବ ସଂକ୍ରାନ୍ତି ବିକ୍ରମ ଓ ସମ୍ବତ୍ ଓ ବୈଶାଖ୍ ଏକ୍ ନାଆଁରେ ଅଧିକ ପାଳିତ ହୋଇଥାଏ । ଅପରପକ୍ଷରେ ତାମିଲନାଡୁରେ ଏହା ତାମିଲ ପୁଠଣ୍ଡୁ ନାମରେ ପାଳିତ ହୋଇଥାଏ।
ଶ୍ରୀଲଙ୍କାରେ ପଣା ସଂକ୍ରାନ୍ତି ଆଲୁଥ୍ ଆ ଭୁ ରୁ ଥୁ ନାଆଁରେ ଅଧିକ ପରିଚିତ। ଥାଇଲାଣ୍ଡ୍ରେ ଏହାକୁ ସାଙ୍ଗକ୍ରାନ୍ ବୋଲି କୁହାଯାଏ । ଠିକ୍ ସେହିପରି କାମ୍ବୋଡିଆରେ ଚୋଲ୍ ଚନମ୍ ଥ୍ମେ ଭାବେ ପାଳିତ ହୋଇଥାଏ । ବର୍ମାରେ ମହାବିଷୁବ ସଂକ୍ରାନ୍ତି ଥିଙ୍ଗୟାନ୍ ନାମରେ ଅଧିକ ଲୋକପ୍ରିୟ।