ମଣିଷ ହୋଇ ମଧ୍ୟ କୁକୁର ଭଳି ବଞ୍ଚିବାକୁ ପସନ୍ଦ କରୁଛନ୍ତି ଏହି ଯୁବକ, ୨.୭୩ ଲକ୍ଷ ଟଙ୍କା ଖର୍ଚ୍ଚ କରି ତିଆରି କରିଛନ୍ତି କୁକୁର ପିନ୍ଧା ପୋଷାକ
ନୂଆଦିଲ୍ଲୀ : ପୂର୍ବରୁ ଦେଶରେ ଏବଂ ଦେଶ ବାହାରେ ଘଟୁଥିବା ଅନେକ ଅଜବ ଘଟଣା ବିଷୟରେ ଆମେ ଆପଣଙ୍କୁ ଜଣାଇଛୁ । ଯାହା ବେଳେ ବେଳେ ଆଶ୍ଚର୍ଯ୍ୟ ଲାଗିବା ସହ ମିଛ ବୋଲି ଲାଗୁଥିଲେ ମଧ୍ୟ ସତ ହୋଇଥାଏ । ଏବେ ପୁଣି ଏକ ଆଶ୍ଚର୍ଯ୍ୟ କଲା ଭଳି ଘଟଣା ସାମ୍ନାକୁ ଆସିଛି । ଜଣେ ୩୭ବର୍ଷୀୟ ଯୁବକ କୁକୁର ଭଳି ବଞ୍ଚୁଥିବା ଖବର ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିବା ସହ ଯୁବକଙ୍କ ଫଟୋ ଏବେ ସୋସିିଆଲ ମିଡିଆରେ ଭାଇରାଲ ହୋଇଛି । ଯୁବକଜଣଙ୍କ ଇଂଲଣ୍ଡର ଗ୍ରେଟର ମଞ୍ଚେଷ୍ଟରରେ ରହୁଥିବା ଜଣାପଡ଼ିଛି । ଏକ ଷ୍ଟୋରର ମାଲିକ ହୋଇ ମଧ୍ୟ ଏଭଳି ବଞ୍ଚିବା ପଛର କାରଣକୁ ନେଇ ଚର୍ଚ୍ଚା ଆରମ୍ଭ ହୋଇଛି ।
Sambad is now on WhatsApp
Join and get latest news updates delivered to you via WhatsApp
୩୭ବର୍ଷୀୟ କାଜ୍ ଜେମ୍ସଙ୍କ କହିବା ଅନୁଯାୟୀ, ସେ ମଣିଷ ଜନ୍ମ ପାଇ ମଧ୍ୟ ମଣିଷ ଭଳି ଅନୁଭବ କରି ପାରୁ ନାହାନ୍ତି । ଅନ୍ୟମାନଙ୍କଠାରୁ ନିଜକୁ ଅଲଗା ମାନିବା ସହ ସମାଜରେ ତାଙ୍କର ରହିବା କଷ୍ଟ ବୋଲି ସେ କହିଛନ୍ତି । ନିଜର ବ୍ୟକ୍ତିତ୍ୱକୁ କୁକୁର ଭଳି ବନାଇବା ପାଇଁ ସେ ସବୁ ବେଳେ ନିଜ ସାଙ୍ଗ ଏବଂ ବନ୍ଧୁମାନଙ୍କ ଉପରେ ଭୁକିଥାନ୍ତି । ଏହା ସହ କୁକୁରମାନେ ଖାଉଥିବା ବିସ୍କୁଟ ଖାଇବା ସହ କୁକୁର ଖାଉଥିବା ପାତ୍ରରେ ମଧ୍ୟ ଖାଉଥିବା କହିଛନ୍ତି । ଏହା ସହ କୁକୁର ଭଳି ଦିଶିବା ପାଇଁ ସେ ୨ଲକ୍ଷ ୭୩ହଜାର ଟଙ୍କା ଖର୍ଚ୍ଚ କରି ନିଜ ପାଇଁ ଦୁଇଟି ପପି ସୁଟ୍ ତିଆରି କରିଛନ୍ତି । ସେ କୁକୁର ଭଳି ରହିବାକୁ ଭଲ ପାଉଥିବା କହିଛନ୍ତି । ତେବେ ତାଙ୍କର ଏଭଳି ଭାବିବା ପଛରେ କୌଣସି ମାନସିକ ରୋଗ କାରଣ କି ନାହିଁ ବୋଲି ସ୍ପଷ୍ଟ ହୋଇ ନାହିଁ ।