ନୂଆଦିଲ୍ଲୀ: ଷ୍ଡାଡିୟମରୁ ସ୍ବାମୀ-ସ୍ତ୍ରୀଙ୍କ ଏକ ଭିଡିଓ ଇଣ୍ଟରନେଟରେ ଭାଇରାଲ ହୋଇଛି। ଏହି ଭିଡିଓକୁ ‌ଲୋକେ ଖୁବ ପସନ୍ଦ ବି କରୁଛନ୍ତି। ଭିଡିରେ ଦେଖିବାକୁ ମିଳୁଥିବା ବ୍ୟକ୍ତିଙ୍କୁ ‘ହଜବ୍ୟାଣ୍ଡ ଅଫ ଦ ଇୟର’ ବୋଲି କୁହାଯାଉଛି। ଟୁଇଟରରେ ସେୟାର ହୋଇଥିବା ଏହି ଭିଡିଓକୁ ୨୨ହଜାରରୁ ଅଧିକ ଥର ଦେଖା ଯାଇ ସାରିଲାଣି। ଆପଣମାନେ ଭାବୁ ଥାଇ ପାରନ୍ତି କି ଏହି ଭିଡିଓରେ ଏମିତି କ’ଣ ଅଛି?

Advertisment

ଏଥିରେ ଜଣେ ବ୍ୟକ୍ତିଙ୍କୁ ଷ୍ଟାଡିୟମରେ ନିଜର ସ୍ତ୍ରୀ ସହିତ ଖେଳ ଦେଖୁଥିବା ‌ଦେଖିବାକୁ ମିଳୁଛି। ଖେଳ ଚାଲିଥିବା ବେଳେ ସ୍ତ୍ରୀ ମେକ-ଅପ ନେଉଛନ୍ତି, ଆଉ ମେକ-ଅପ ଖରାପ ହୋଇ ନଯାଉ, ସେଥିପାଇଁ ସ୍ବାମୀ ତାଙ୍କ ଫୋନର ସାମ୍ନା କ୍ୟାମେରା ସ୍ତ୍ରୀକୁ ଦେଖାଉଛନ୍ତି। ଏଥିରେ ସ୍ତ୍ରୀ ନିଜ ଚେହେରା ଦେଖି ମେକ-ଅପ ନେଉଛନ୍ତି। ସ୍ବାମୀ-ସ୍ତ୍ରୀଙ୍କ ଏହି ଯୋଡ଼ି ଉପରେ କ୍ୟାମେରାମ୍ୟାନଙ୍କ ନଜର ସେତେବେଳେ ପଡ଼ିଥିଲା ଯେତେବେଳେ ଖେଳକୁ ରେକର୍ଡ କରାଯାଉଥିଲା।

ସୋସିଆଲ ମିଡିଆରେ ଏହି ଭିଡିଓ ପୋଷ୍ଟ ହେବା ପରେ ସୋସିଆଲ ମିଡିଆ ବ୍ୟବହାରକାରୀ ଏହାକୁ ନେଇ ବିଭିନ୍ନ ପ୍ରକାର ପ୍ରତିକ୍ରିୟା ଦେଉଛନ୍ତି।