ନୂଆଦିଲ୍ଲୀ: ଇଣ୍ଟରନେଟ ଏକ ଅଦ୍ଭୁତ ଦୁନିଆ। ଏଠାରେ କେତେବେଳେ ଯେ କ’ଣ ଦେଖିବାକୁ ମିଳିଥାଏ ତାହା କହି ହୁଏନାହିଁ। ସମ୍ପ୍ରତି ଏହିପରି ଗୋଟିଏ ଭିଡିଓ ଖୁବ ଭାଇରାଲ୍ ହେଉଛି। ଭିଡିଓରେ ବ୍ୟକ୍ତିଙ୍କ ଶକ୍ତିର ପ୍ରଶଂସା କରିବା ସହିତ ତାଙ୍କୁ ସ୍ଥାନୀୟ ଅଞ୍ଚଳର ବାହୁବଳୀ ବୋଲି କୁହାଯାଉଛି।

Advertisment

ଭାଇରାଲ ହୋଇଥିବା ଏହି ଆଶ୍ଚର୍ଯ୍ୟଜନକ ଭିଡିଓରେ ଏହା ଦେଖିବାକୁ ମିଳୁଛି ଯେ ଜଣେ ବ୍ୟକ୍ତି ଦଉଡି ସାହାଯ୍ୟରେ ନିଜ କାନ୍ଧରେ ଏକ ଲାଲ୍ ସ୍କୁଟି ବାନ୍ଧି ସାରିଛନ୍ତି। ଆଉ ସାମ୍ନାରେ ଥିବା ଅନ୍ୟ ଏକ ବାଇକକୁ ଉଠାଇବାକୁ ଚେଷ୍ଟା କରୁଛନ୍ତି। ଏହି ସମୟରେ ଜଣେ ଛୋଟ ପିଲା ଆସି ବାଇକ୍ ଉପରେ ଠିଆ ହୋଇଯାଉଛି। ଆଉ ବ୍ୟକ୍ତି ଜଣକ ଛୋଟପିଲା ସମେତ ବାଇକୁ ଉଠାଇବାକୁ ଚେଷ୍ଟା କରୁଥିବା  ଭିଡ଼ିଓରେ ଦେଖିବାକୁ ମିଳୁଛି। ଭିଡିଓରେ ଥିବା ବ୍ୟକ୍ତିଙ୍କ ଏହି ଷ୍ଟଣ୍ଟ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଉଛନ୍ତି |

ଏହି ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ୱାଇଲ୍ଡ_ଆନିମଲ_ପିକ୍ସ ନାମକ ଏକ ଆକାଉଣ୍ଟରେ ସେୟାର କରାଯାଇଛି । ଏହି ଭିଡିଓକୁ ଏପର୍ଯ୍ୟନ୍ତ ତିନି ହଜାରରୁ ଅଧିକ ଲୋକ ପସନ୍ଦ କରିଛନ୍ତି। ଭିଡିଓ ଦେଖିବା ସହିତ ସୋସିଆଲ ମିଡିଆ ବ୍ୟବହାରକାରୀ ଉକ୍ତ ବ୍ୟକ୍ତିଙ୍କ ଧୌର୍ଯ୍ୟ ଓ ଶକ୍ତିକୁ ଭୁରିଭୁରି ପ୍ରଶଂସା କରିଛନ୍ତି।