ନୂଆଦିଲ୍ଲୀ: ସୋସିଆଲ ମିଡିଆରେ ବାଇକରେ ଷ୍ଟଣ୍ଟ ଦେଖାଇବାର ଅନେକ ଭିଡିଓ ଭାଇରାଲ ହେଉଛି। ଏହାରି ଭିତରୁ ଏମିତି କିଛି ଭିଡିଓ ରହିଛି ଯାହାକୁ ଦେଖିଲେ କିଛି ସମୟ ପାଇଁ ବିସ୍ମୟ ସୃଷ୍ଟି ହୋଇଯାଇଥାଏ।
Sambad is now on WhatsApp
Join and get latest news updates delivered to you via WhatsApp
ବାଇକରେ ଷ୍ଟଣ୍ଟ ଦେଖାଇବା ବହୁତ ବିପଦପୂର୍ଣ୍ଣ ହୋଇଥାଏ। ଅନେକ ଥର ବାଇକରେ ଷ୍ଟଣ୍ଟ ଦେଖାଉଥିବା ସମୟରେ ଲୋକମାନଙ୍କ ସହିତ ଦୁର୍ଘଟଣା ବି ଘଟିଥାଏ। ଏମିତି ଏକ ଭିଡିଓ ଏବେ ସୋସିଆଲ ମିଡିଆରୁ ସାମ୍ନାକୁ ଆସିଛି, ଯାହାକୁ ଦେଖିଲେ ଆପଣଙ୍କ ଲୋମମୂଳ ଟାଙ୍କୁରି ଉଠିବ। ଇଏ କ’ଣ ହେଉଛି ବୋଲି ମୁହଁରୁ ବାହାରି ପଡ଼ିବ?
ଏହି ଭିଡିଓକୁ ଆଇପିଏସ ଅଫିସର ଦୀପାଂଶୁ କାବ୍ରା ସେୟାର କରିଛନ୍ତି। ଭିଡିଓ ସହିତ ସେ କ୍ୟାପସନରେ ଲେଖିଛନ୍ତି, କ’ଣ ଆପଣ ଆପଣଙ୍କ ପିଲା କିମ୍ବା ସାଙ୍ଗ ସହିତ ଏମିତି ଅଘଟଣ ହେବା ଦେଖି ପାରିବେ? ଯଦି ନା ? ତେବେ ଏମାନଙ୍କୁ ଏମିତି ମୁର୍ଖତା କରିବାରୁ ଅଟକା ଯାଉ। ସୁରକ୍ଷାକୁ ପ୍ରାଥମିକତା ଦେବା ସହିତ ଯାନବାହନ ନିୟମର ପାଳନ କରିବା ଶିଖାଯାଉ।
क्या आप अपने बच्चों/मित्रों के साथ ऐसा हादसा होते देख सकते हैं?
अगर नहीं? तो उन्हें ऐसी मूर्खता करने से रोकें. सुरक्षा को प्राथमिकता देना एवं यातायात नियमों का पालन करना सिखाएं.Note – Please never let your kids/friends upload & promote such stupidity on SM. pic.twitter.com/gNFpF5AOtI
— Dipanshu Kabra (@ipskabra) March 25, 2021
ଭିଡିଓରେ ଆପଣ ଦେଖି ପାରୁଥିବେ କି, ଜଣେ ବାଳକ ଏକ ବାଇକ ଚଲାଉଛି। କିଛି ସମୟ ପରେ ସେ ଚଳନ୍ତା ବାଇକ ହ୍ୟାଣ୍ଡଲରୁ ହାତ ଛାଡ଼ି ବାଇକ ସିଟ ଉପରେ ଛିଡା ହୋଇ ଯାଉଛି। ପରେ ବାଇକରୁ ଉକ୍ତ ବାଳକର ଭାରସାମ୍ୟ ବିଗିଡ଼ି ଯାଉଛି। ଆଉ ସେ ରାସ୍ତାରେ କଚାଡ଼ି ହୋଇ ତଳେ ପଡ଼ି ଯାଉଛି। ଏହି ଘଟଣାପରେ ସେ ଗୁରୁତର ଆହତ ମଧ୍ୟ ହେଉଛି।