ମୁମ୍ବାଇ: ଭାରତର ଜଣାଶୁଣା ବ୍ୟବସାୟୀ ମୁକେଶ ଅମ୍ବାନୀଙ୍କ ପୁଅ ଆକାଶ ଅମ୍ବାନୀ ଓ ଶ୍ଲୋକା ଅମ୍ବାନୀଙ୍କ ବାହାଘର ତାରିଖ ଏବେ ସାମ୍ନାକୁ ଆସିଛି। ତାଜା ଖବର ଅନୁଯାୟୀ ମୁକେଶ ଅମ୍ବାନୀ ଓ ଶ୍ଲୋକା ମେହେଟ୍ଟା ଆଗାମୀ ମାର୍ଚ୍ଚ ୯ ତାରିଖରେ ବିବାହ ବନ୍ଧନରେ ଆବଦ୍ଧ ହେବେ। ଏହି ବିବାହ ଉତ୍ସବ ମୁମ୍ବାଇର ଜିଓ ଓ୍ଵାର୍ଲଡ ସେଣ୍ଟରରେ ତିନି ଦିନ ଯାଏଁ ଚାଲିବ। ଆକାଶ ଅମ୍ବାନୀ ବରଯାତ୍ରୀଙ୍କ ଗହଣରେ ଅପରାହ୍ନ ସାଢେ ତିନିଟା ସମୟରେ ଜିୟୋ ସେଣ୍ଟରରେ ପ୍ରବେଶ କରିବେ। ଆକାଶ ଓ ଶ୍ଲୋକାଙ୍କ ବାହାଘରର ଗ୍ରାଣ୍ଡ ୱେଡିଂ ସେଲିବ୍ରେସନ୍ ମଧ୍ୟ ମାର୍ଚ ୧୦ ତାରିଖରେ ହେବ। ଏହି ଫଙ୍କସନ୍ ଜିୟୋ ଓ୍ଵାର୍ଲଡ ସେଣ୍ଟରରେ ଆୟୋଜିତ ହେବ।
Sambad is now on WhatsApp
Join and get latest news updates delivered to you via WhatsApp
ଏହାପରେ ମାର୍ଚ୍ଚ ୧୧ ତାରିଖରେ ରିସେପ୍ସନ୍ ପାର୍ଟି ହେବ। ଏଥିରେ ପରିବାର ଲୋକ ଓ କେବଳ ଅନ୍ତରଙ୍ଗ ବନ୍ଧୁମାନେ ସାମିଲ ହେବେ। ଏହା ବି ଜିୟୋ ସେଣ୍ଟରରେ ଆୟୋଜିତ ହେବ। ବିବାହ ପୂର୍ବରୁ ଆକାଶ ନିଜର ସାଙ୍ଗମାନଙ୍କ ପାଇଁ ସୁଇଜରଲାଣ୍ଡରେ ବ୍ୟାଚେଲର ପାର୍ଟି ଦେବେ। ଏଥିରେ ବଲିଉଡର ସେଲିବ୍ରିଟି ରଣବୀର କପୁର ଓ କରଣ ଜୋହର ମଧ୍ୟ ସାମିଲ ହେବେ। ଏଠାରେ ସୂଚନାଯୋଗ୍ୟ ଯେ ୨୦୧୮ ଜୁନ୍ ମାସରେ ଆକାଶ ଓ ଶ୍ଳୋକାଙ୍କର ନିର୍ବନ୍ଧ ହୋଇଥିଲା।