ଆଉ କିଛି ଦିନ ‘ୱାର୍କ ଫ୍ରମ ହୋମ’ ଚାଲିଲେ ଆମର ଛାଡ଼ପତ୍ର ହୋଇଯିବ; ସ୍ୱାମୀଙ୍କ ବସଙ୍କୁ ଏଭଳି ଲେଖିଲେ ପତ୍ନୀ
ନୂଆଦିଲ୍ଲୀ: କରୋନା ମହାମାରୀ ପାଇଁ ଦୁଇ ବର୍ଷ ହେଲାଣି ଲୋକେ ଘରେ ବନ୍ଦୀ ହୋଇ ରହିଛନ୍ତି | ସଂକ୍ରମଣକୁ ରୋକିବା ପାଇଁ ଏବେ ବି ଅନେକ ଘରୋଇ କମ୍ପାନି ନିଜ କର୍ମଚାରୀମାନଙ୍କୁ ଘରେ ରହି କାମ କରିବାକୁ କହିଛନ୍ତି | ହେଲେ ଗତ ଦୁଇ ବର୍ଷ ହେଲାଣି ଘରେ ରହି କାମ କରୁଥିବା ଜଣେ କର୍ମଚାରୀଙ୍କ ପତ୍ନୀ ଯେଉଁ ଦାବି କରିଛନ୍ତି ତାକୁ ନେଇ ଚର୍ଚ୍ଚା ଜୋର ଧରିଛି |
Sambad is now on WhatsApp
Join and get latest news updates delivered to you via WhatsApp
ବ୍ୟବସାୟ ଟାଇକୁନ୍ (ବିରାଟ ବ୍ୟବସାୟୀ) ହର୍ଷ ଗୋଏଙ୍କା ସେୟାର କରିଥିବା ଏକ ଟ୍ୱିଟରେ ତାଙ୍କର ଜଣେ କର୍ମଚାରୀଙ୍କ ପତ୍ନୀ ଲେଖିଛନ୍ତି ଯେ, ମୋ ସ୍ୱାମୀ କରୋନା ଟିକାର ଦୁଇଟି ଡୋଜ ନେଇ ସାରିଛନ୍ତି ଏବଂ ସମସ୍ତ କରୋନା କଟକଣା ମାନିବେ | ତାଙ୍କୁ ଏବେ ଅଫିସରୁ କାମ କରିବାକୁ କୁହନ୍ତୁ | ଘରୁ କାମ କରିବା ସମୟରେ ମୋ ସ୍ୱାମୀ ଦିନକୁ ୧୦ଥର କଫି ମାଗୁଛନ୍ତି | ସବୁ ଘରେ ବସି କାମ କରିବା ସହ ଘର ଅପରିଷ୍କାର କରୁଛନ୍ତି | ଅନେକ ଥର ଖାଇବାକୁ ମାଗୁଛନ୍ତି | ଏମିତିକି କନଫରେନ୍ସ କଲରେ ଶୋଇପଡୁଛନ୍ତି | ଯଦି ସେ ଘରୁ କାମ କରିବା ଜାରି ରଖନ୍ତି, ତେବେ ଆମର ଛାଡ଼ପତ୍ର ହୋଇଯିବ |
Don’t know how to respond to her….😀 pic.twitter.com/SuLFKzbCXy
— Harsh Goenka (@hvgoenka) September 9, 2021
ବ୍ୟବସାୟ ଟାଇକୁନ୍ ହର୍ଷ ଗୋଏଙ୍କା ଲେଖାକୁ ଟ୍ୱିଟ କରିବା ସହ କ୍ୟାପସନରେ ଲେଖିଛନ୍ତି ଯେ, ମୁଁ ତାଙ୍କୁ କ’ଣ ଉତ୍ତର ଦେବି ଜାଣିପାରୁନାହିଁ |