ବିରକ୍ତିବୋଧ ହେଉଥିଲେ ବି ମାନସିକ ରୋଗୀର ଉପଚାର ପାଇଁ ଏହି ଟେଷ୍ଟର ପ୍ରୟୋଗ କରାଯାଇଥାଏ
ବେଳେ ବେଳେ ଏଭଳି ପରୀକ୍ଷାର ସମ୍ମୁଖୀନ ହେବାକୁ ପଡ଼ିଥାଏ ଯାହା ଶୁଣିଲେ ବିରକ୍ତିବୋଧ ହୁଏ। ଏଭଳି ଏକ ପରୀକ୍ଷା ହେଲା ନାର୍କୋ ଟେଷ୍ଟ୍ । ମାନସିକ ରୋଗୀମାନଙ୍କର ଉପଚାର ପାଇଁ ଏହି ଟେଷ୍ଟର ପ୍ରୟୋଗ କରାଯାଇଥାଏ।ଏହା ଏଭଳି ଏକ ପ୍ରକ୍ରିୟା ଯାହାର ପ୍ରୟୋଗରେ ବ୍ୟକ୍ତି କୃତ୍ରିମ ଅନିଦ୍ରା ଅବସ୍ଥାରେ ପହଞ୍ଚି ଯାଇଥାଏ।ଏହି ସମୟରେ ଲୋକ ମିଛ କହିବା ଭୁଲିଯାଇଥାଏ।
ନାର୍କୋ ଟେଷ୍ଟ୍ର ପରୀକ୍ଷଣ ସର୍ବପ୍ରଥମେ ୧୯୨୨ରେ ରବର୍ଟ ହାଉସ୍ ନାମକ ଜଣେ ଟେକ୍ସାସର ଡାକ୍ତର କରିଥିଲେ। ସେ ଦୁଇଜଣ ଅଭିଯୁକ୍ତଙ୍କ ଉପରେ ଏହାର ପ୍ରୟୋଗ କରିଥିଲେ। ଏହି ଟେଷ୍ଟ୍ କରାଯିବା ପୂର୍ବରୁ ପ୍ରଥମେ ବ୍ୟକ୍ତିର ସ୍ୱାସ୍ଥ୍ୟ ଓ ବୟସକୁ ଧ୍ୟାନ ଦିଆଯାଇଥାଏ। ତା’ପରେ ବ୍ୟକ୍ତିକୁ ଇଂଜେକସନ୍ ଦିଆଯାଇଥାଏ।
ନାର୍କୋ ଟେଷ୍ଟ୍ ଟ୍ରୁଥ୍ ଡଗ୍ ନାମରେ ମଧ୍ୟ ପରିଚିତ। ଟ୍ରୁଥ୍ ଡ୍ରଗ୍ ଏକ ସାଇକୋ ଆକ୍ଟିଭ୍ ଔଷଧ,ଯାହା ସେଭଳି ଲୋକଙ୍କୁ ଦିଆଯାଇଥାଏ,ଯେଉଁମାନେ ସତ କହିବାକୁ କୁଣ୍ଠାବୋଧ କରନ୍ତି। ଏହି ଔଷଧୀୟ ପ୍ରୟୋଗ ଫଳରେ ବ୍ୟକ୍ତିର ମସ୍ତିଷ୍କର ତ୍ୱରିତ ପ୍ରତିକ୍ରିୟା ଦେଉଥିବା ଅଙ୍ଗ ଅଚଳ ହୋଇଥାଏ। ଏହା ଫଳରେ ବ୍ୟକ୍ତି ଆଉ ମିଛ କହିପାରିନଥାଏ। ଯାହା ସତ,ତାହା ହିଁ ଲୋକଟି କହିଥାଏ।
Sambad is now on WhatsApp
Join and get latest news updates delivered to you via WhatsApp
ଅନ୍ତରାଷ୍ଟ୍ରୀୟ ଆଇନ୍ ଅନୁଯାୟୀ ନାର୍କୋ ଟେଷ୍ଟର ଅନୈତିକ ପ୍ରୟୋଗକୁ ଯାତନ ରୂପେ ଶ୍ରେଣୀଭୁକ୍ତ କରାଯାଇଛି। ତେବେ ନ୍ୟାୟାଳୟର ଅନୁମତି ନେଇ ନାର୍କୋ ଟେଷ୍ଟ୍ କରାଯାଇପାରେ।