ନୂଆଦିଲ୍ଳୀ:  ଦିଲ୍ଲୀ ମେଟ୍ରୋର ଅଧିକାଂଶ ଭିଡିଓ ପ୍ରାୟତଃ ସୋସିଆଲ ମିଡିଆରେ ଭାଇରାଲ ହୁଏ।‌ ସେହି ଦୃଷ୍ଟିରୁ ଦେଖିବାକୁ ଗଲେ ଦିଲ୍ଲୀ ମୋଟ୍ରୋରେ ଭିଡିଓ ଭାଇରାଲ୍‌ ହେବା ଅତି ସାଧାରଣ କଥା ପାଲଟିଗଲାଣି।

Advertisment

ଏବେ ଦିଲ୍ଲୀ ମେଟ୍ରୋର ଏକ ନୂଆ ଭିଡିଓ ଭାଇରାଲ ହେବାରେ ଲାଗିଛି ଯେଉଁଥିରେ ଦୁଇ ଯାତ୍ରୀଙ୍କ ମଧ୍ୟରେ ଭୟଙ୍କର ଝଗଡ଼ା ହେଉଥିବାର ଦେଖିବାକୁ ମିଳିଛି।

କେବଳ ଝଗଡ଼ା ନୁହେଁ, ଦୁହେଁ ଦୁହିଁଙ୍କୁ ଏପରି ଭାବେ ମୁଥ ମାରୁଛନ୍ତି ଯେପରି ଦୁଇ ଜଣ ଯାକ ହେଉଛନ୍ତି ବୃତ୍ତିଗତ ଭାବେ ବକ୍ସର। ସେହି ଦୃଶ୍ୟକୁ ପାଖରେ ଥିବା ଅନ୍ୟ ଯାତ୍ରୀମାନେ ବି ବେଶ୍‌ ଉପ‌ଭୋଗ କରୁଛନ୍ତି।

କେହି ବି ସେମାନଙ୍କ ଅଟକାଇବାକୁ ଚେଷ୍ଟା କରୁନାହାନ୍ତି। ବରଂ ଚୁପ୍‌ଚାପ୍‌ ଛିଡ଼ା ହୋଇ ମାଡ଼ଗୋଳ ଦେଖିବାରେ ଲାଗିଛନ୍ତି। ଏହି ଭିଡିଓ ଦେଖିବା ପରେ ଅନେକ ଲୋକ ମେଟ୍ରୋର ସୁରକ୍ଷା ଉପରେ ପ୍ରଶ୍ନ ଉଠାଉଛନ୍ତି।

ଲୋକମାନେ ଏହା ଉପରେ ବିଭିନ୍ନ ପ୍ରକାରର ମନ୍ତବ୍ୟ ଦେଉଛନ୍ତି। ଜଣେ ବ୍ୟକ୍ତି ଲେଖିଛନ୍ତି, ‘‘ଦୁଇ ବକ୍ସରଙ୍କ ମଧ୍ୟରେ କୁସ୍ତି ଲାଗିଥିବା ପରି ମନେହେଉଛି।’’ ଅନ୍ୟ ଜଣେ ଲେଖିଛନ୍ତି, ‘‘ଅଲିମ୍ପିକ୍ସକୁ ଯାଅ, ଅନ୍ତତଃପ‌କ୍ଷେ ଦେଶ ସ୍ୱର୍ଣ୍ଣ ପଦକ ପାଇବ।’’ ଏହାପରେ ବ୍ୟକ୍ତି ଜଣ ଶେଷରେ ଲଜ୍ଜାଜନକ ବୋଲି ଲେଖିଛନ୍ତି।

ଅନେକ ଲୋକ ମଧ୍ୟ ଜାଣିବାକୁ ଚାହାଁନ୍ତି ଯେ ଏହି ଦୁଇଜଣଙ୍କ ମଧ୍ୟରେ କିଏ ଜିତିଛି। ଅନେକ ଲୋକ କହୁଛନ୍ତି ଯେ ସେମାନେ ଦୀର୍ଘ ଦିନ ଧରି ମେଟ୍ରୋରେ ଯାତ୍ରା କରିଥିଲେ କିନ୍ତୁ ଝଗଡ଼ା କେବେ ଦେଖି ନାହାଁନ୍ତି।