ପ୍ରସବର ମାତ୍ର ୧୪ଦିନ ପରେ ଶିଶୁକୁ କୋଳରେ ଧରି କାର୍ଯ୍ୟାଳୟରେ ପହଞ୍ଚିଲେ ଏସଡିଏମ
ଗାଜିଆବାଦ: ଉତ୍ତର ପ୍ରଦେଶ ଗାଜିଆବାଦ ଜିଲ୍ଲା ମୋଦିନଗରର ଏସଡିଏମ କରୋନା ସଙ୍କଟ ସମୟରେ ଏକ ନୂତନ ଉଦାହରଣ ସୃଷ୍ଟି କରିଛନ୍ତି। ଏସଡିଏମ ପଦବୀରେ ନିୟୋଜିତ ଥିବା ଆଇଏଏସ୍ ସୌମ୍ୟା ପାଣ୍ଡେ ନିକଟରେ ଏକ କନ୍ୟା ସନ୍ତାନକୁ ଜନ୍ମ ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ତେବେ କରୋନା ମହାମାରୀ ସମୟରେ ନିଜର ଦାୟିତ୍ବ ତୁଳାଇବା ପାଇଁ ପ୍ରସବର ମାତ୍ର ୧୪ ଦିନ ପରେ କାର୍ଯ୍ୟାଳୟରେ ପହଞ୍ଚି ସେ ତାଙ୍କ କାର୍ଯ୍ୟାଭାର ସମ୍ଭାଳି ଥିଲେ। ପ୍ରସବ ପରେ ମାତୃତ୍ୱ ଛୁଟିରେ ତାଙ୍କର ସମ୍ପୂର୍ଣ୍ଣ ଅଧିକାର ଅଛି କିନ୍ତୁ ସେ ମାତ୍ର ଏକ ମାସର ମାତୃତ୍ୱ ଛୁଟି ନେବା ପରେ କାମକୁ ଫେରିଛନ୍ତି |
Ghaziabad: Saumya Pandey, Modinagar sub-divisional magistrate who gave birth to a baby girl recently, rejoined office 14 days after her delivery. She says, “District Magistrate & administration’s supported me throughout my pregnancy period as well as after my delivery.” (12.10) pic.twitter.com/x93SIQXvyW
— ANI UP (@ANINewsUP) October 12, 2020
ପ୍ରୟଗରାଜର ସୌମ୍ୟା ପାଣ୍ଡେଙ୍କର ଗାଜିଆବାଦରେ ପ୍ରଥମ ନିଯୁକ୍ତି ହୋଇଛି।। ଶିଶୁ କନ୍ୟାକୁ ଜନ୍ମ ଦେବାର ମାତ୍ର ୨୨ ଦିନର ଅବକାଶ ପରେ ଜିଲ୍ଲା ଅଧିକାରୀଙ୍କ ନିର୍ଦେଶାନୁସାରେ ସେ ପୁଣି ନିଜ କାର୍ଯ୍ୟଭାର ସମ୍ଭାଳିଛନ୍ତି। ନିଜ ଶିଶୁକୁ କୋଳରେ ଧରି ଅଫିସରେ କାମ କରୁଥିବାର ତାଙ୍କର ଏକ ଫଟୋ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି।
Must be inspired by @GummallaSrijana ! @IASassociation Soumya Pandey (SDM Modinagar) didnt availed 06 months maternity leave, joined back office with her infant daughter. #CoronaWarriors pic.twitter.com/8Q6Cju2X49
— Dr.Prashanth (@prashantchiguru) October 12, 2020
ଭାଇରାଲ ଭିଡିଓରେ ସେ ନିଜ ନବଜାତ ଶିଶୁକୁ ସାଙ୍ଗରେ ନେଇ ଅଫିସ ଯାଇଥିବା ସହ ଅଫିସରେ କାମ କରୁଥିବା ଦେଖିବାକୁ ମିଳିଛି। କୋଭିଡ-୧୯ ସମୟରେ ସୌମ୍ୟା ପାଣ୍ଡେ ଡିଏମଙ୍କ ଆଦେଶ ଅନୁସାରେ ଅଫିସ ଆସିବା ଆରମ୍ଭ କରିଛନ୍ତି। ସୌମ୍ୟାଙ୍କ ଏହି କାମକୁ ନେଇ ସୋସିଆଲ ମିଡ଼ିଆରେ ତାଙ୍କର ଖୁବ ପ୍ରଶଂସା ହେଉଛି।