ସପ୍ତାହକୁ ଏତିକି ଘଣ୍ଟାରୁ ଅଧିକ କାମ କରୁ ନାହାନ୍ତି ତ? ହୋଇପାରନ୍ତି ଚନ୍ଦାପଣର ଶିକାର
ନୂଆଦିଲ୍ଲୀ : ଆଜିକାଲି ଚନ୍ଦାପଣ ଏକ ବଡ଼ ସମସ୍ୟା ପାଲଟିଛି । କାର୍ଯ୍ୟବ୍ୟସ୍ତତା ହେତୁ ଲୋକେ ନିଜ କେଶର ଯତ୍ନ ନେବା ପାଇଁ ସମୟ ପାଉ ନଥିବା ବେଳେ କେଶ ଦୁର୍ବଳ ହୋଇ ଝଡ଼ିବା ଭଳି ସମସ୍ୟା ଦେଖା ଦେଉଛି । ଏ ନେଇ ଅନେକ ପରୀକ୍ଷା ନିରୀକ୍ଷା ଚାଲିଥିବା ବେଳେ ସପ୍ତାହକୁ ୫୨ଘଣ୍ଟାରୁ ଅଧିକ କାମ କଲେ ଚନ୍ଦାପଣ ଦେଖାଦେବ ବୋଲି ଏକ ଗବେଷଣାରୁ ସ୍ପଷ୍ଟ ହୋଇଛି । ଦକ୍ଷିଣ କୋରିଆର ରାଜଧାନୀ ସିୟୋଲରେ ଥିବା ସୁଙ୍ଗ୍କ୍ୟୁଓ୍ଵାନ୍ ୟୁନିଭର୍ସିଟି ସ୍କୁଲ ଅଫ୍ ମେଡିସିନ୍ର ଗବେଷକମାନେ ଏହି କାରଣ ଖୋଜି ବାହାର କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଏହି ଗବେଷଣାରେ ପୁରୁଷମାନେ କେତେ ଘଣ୍ଟା କାମ କରୁଛନ୍ତି ଏବଂ ସେହି ଅନୁସାରେ ତାଙ୍କର କେଶ କେତେ ଝଡ଼ୁଛି, ତାହା ଦେଖାଯାଇଥିଲା । ଗବେଷଣା ପରେ ଯେଉଁ ପୁରୁଷମାନେ ୫୨ଘଣ୍ଟାରୁ ଅଧିକ ସମୟ କାମ କରୁଛନ୍ତି, ସେମାନଙ୍କ କେଶ ୪୦ଘଣ୍ଟା ବା ତା’ଠାରୁ କମ ସମୟ କାମ କରୁଥିବା ପୁରୁଷଙ୍କଠାରୁ ଅଧିକ ଝଡ଼ୁଛି । ପ୍ରାୟ ୧୩,୦୦୦ପୁରୁଷଙ୍କୁ ଏହି ଗବେଷଣାରେ ସାମିଲ କରାଯାଇଥିଲା । ଅଧିକ ସମୟ କାମ ସହ ଅବସାଦଗ୍ରସ୍ତ ହେଉଥିବାରୁ ପୁରୁଷମାନଙ୍କ କେଶ ଝଡ଼ିବାକୁ ଲାଗିଥାଏ । ଯାହାଦ୍ୱାରା ସେମାନେ ଚନ୍ଦାପଣର ଶିକାର ହୋଇଥାନ୍ତି ।