ମା’ କ୍ଷୀରରୁ ସାବୁନ

ସ୍ତନ୍ୟପାନରେ ପୋଷକତତ୍ତ୍ୱ ଭରପୂର ରହିଛି। ସେଥିପାଇଁ ଡାକ୍ତରମାନେ ନବଜାତ ଶିଶୁମାନଙ୍କୁ କେବଳ ମା’ କ୍ଷୀର ପିଇବାକୁ ୬ ମାସ ପାଇଁ କୁହନ୍ତି। କିନ୍ତୁ ଜଣେ ମହିଳା ନିଜ ସ୍ତନକ୍ଷୀରରୁ ସାବୁନ ତିଆରି କରିଥିଲେ। ସେ ଜୋର୍‌ ଦେଇ କହିଛନ୍ତି ଯେ, ଚେହେରାରେ ଏହି ସାବୁନ ଲଗାଇବା ମାତ୍ରେ କୁଞ୍ଚନ ଦୂର ହୋଇଯାଏ। ଶୁଖିଲା ଚର୍ମ ପାଇଁ ଏହା ବହୁତ ଲାଭଦାୟକ ଅଟେ। ଏହା ଏକ ଆଣ୍ଟିଅକ୍ସିଡାଣ୍ଟ୍‌ ଭାବରେ କାର୍ଯ୍ୟ କରିଥାଏ। ଏହି ଆଧାରରେ ମହିଳା ଏକ ବ୍ୟବସାୟ ପ୍ରତିଷ୍ଠା କରିଥିଲେ ଏବଂ ବର୍ତ୍ତମାନ ଅନ୍ୟ ମହିଳାମାନଙ୍କୁ ସୋସିଆଲ୍‌ ମିଡିଆରେ ତାଲିମ ଦେଉଛନ୍ତି।
ଏକ ରିପୋର୍ଟ ଅନୁଯାୟୀ, ଆମେରିକାର ବାସିନ୍ଦା ୨୪ ବର୍ଷୀୟା ବ୍ରିଟ୍‌ନୀ ଏଡିଙ୍କର ଏକ ସନ୍ତାନ ଥିଲା। ପ୍ରାରମ୍ଭିକ ଦିନରେ ପିଲାଟି ପୂରା କ୍ଷୀର ପିଉଥିଲା, କିନ୍ତୁ ପରେ କ୍ଷୀର ସଞ୍ଚୟ ହେବାକୁ ଲାଗିଲା। ବ୍ରିଟ୍‌ନୀ ଏହାକୁ ଫ୍ରିଜ୍‌ରେ ରଖିଥିଲେ। ଦିନେ ତାଙ୍କ ସ୍ବାମୀ ଫ୍ରିଜ୍‌ ଅନ୍‌ କରିବାକୁ ଭୁଲିଯାଇଥିଲେ ଏବଂ ସବୁ କ୍ଷୀର ନଷ୍ଟ ହୋଇଗଲା। ତା’ପରେ ବ୍ରିଟ୍‌ନୀ ଜାଣି ନ ଥିଲେ ଏହା ସହିତ କ’ଣ କରିବେ। ଇଣ୍ଟର୍‌ନେଟ୍‌ରେ ଏହି କ୍ଷୀରରେ ଲେମ୍ବୁ ପକାଇ ଏହାକୁ କ’ଣ କରିହେବ ଉପାୟ ଖୋଜିଲେ। ସେ କହିଛନ୍ତି, ଏହାପରେ ମୁଁ ଅନ୍ୟ ଜଣେ ମହିଳାଙ୍କ ପୋଷ୍ଟ୍‌ ପାଇଲି, ଯିଏ ତାଙ୍କ ସ୍ତନକ୍ଷୀରରୁ ସାବୁନ ତିଆରି କରିଥିଲେ। ବ୍ରିଟ୍‌ନୀ ଏପରି କରିବା ପାଇଁ ଭାବିଲେ।

‘ମୁଁ ଭାବିଲି ଏହା ଏକ ଭଲ ବ୍ୟବହାର। ମୁଁ ସାବୁନ ତିଆରି ପାଇଁ ଶିଶୁକୁ ଖାଇବାକୁ ଦେବା ପରେ ଛିଡ଼ିଥିବା କ୍ଷୀର ବ୍ୟବହାର କଲି। ରିପୋର୍ଟ ଅନୁଯାୟୀ, ସ୍ତନକ୍ଷୀରରେ ଅନେକ ପୃଷ୍ଟିକର ଉପାଦାନ ଥାଏ। ଏଥିରେ ଲରିକ୍‌ ଏସିଡ୍‌ ମଧ୍ୟ ଥାଏ, ଯାହାର ଆଣ୍ଟିବ୍ୟାକ୍ଟେରିଆଲ୍‌ ଗୁଣ ଅଛି ଏବଂ ଚର୍ମକୁ ଥଣ୍ଡା କରିବାରେ ଏହା ସାହାଯ୍ୟ କରିଥାଏ’। ବ୍ରିଟ୍‌ନୀ କହିଛନ୍ତି, ସେ ତାଙ୍କ ମୁହଁରେ କ୍ଷୀରରୁ ପ୍ରସ୍ତୁତ ସାବୁନ ପ୍ରୟୋଗ କରିବା ମାତ୍ରେ କୁଣ୍ଡେଇ ହେବା ବନ୍ଦ ହୋଇଯାଏ। ଚର୍ମରେ ଷ୍ଟ୍ରେଚ୍‌ ମାର୍କ ଅଦୃଶ୍ୟ ହୁଏ ଏବଂ ଶୁଖିଲା ଚର୍ମ ମଧ୍ୟ ସତେଜ ହୋଇ ଉଠେ। ସେ ପରୀକ୍ଷା କରି କହିଛନ୍ତି, ଏହି ସାବୁନ ଚର୍ମକୁ ସୁନ୍ଦର କରିଥାଏ ଏବଂ ଏହା ମଧ୍ୟ ଦୀର୍ଘ ସମୟ ପର୍ଯ୍ୟନ୍ତ ସୁରକ୍ଷିତ ରହିଥାଏ।

ବ୍ରିଟ୍‌ନୀ ଅନ୍‌ଲାଇନ୍‌ ପ୍ଲାଟଫର୍ମରେ ଅନେକ କ୍ଷୀର ବିକୁଛନ୍ତି। ଗୋଟିଏ ବାର୍‌ ସାବୁନ ମୂଲ୍ୟ ୩୦ ଡଲାର। ଅର୍ଥାତ୍‌ ଭାରତୀୟ ମୁଦ୍ରାରେ ଏହାର ଦାମ୍‌ ୨,୪୯୩ ଟଙ୍କା। ଏହି ସାବୁନ ବିଭିନ୍ନ ସୁନ୍ଦର ଆକୃତିରେ ଉପଲବ୍ଧ। ବୈଜ୍ଞାନିକମାନେ ଏ ବିଷୟରେ ଚେତାବନୀ ମଧ୍ୟ ଦେଇଛନ୍ତି। ସେ ବିଶ୍ୱାସ କରନ୍ତି ମାଆକ୍ଷୀରରେ ବିଭିନ୍ନ ପ୍ରକାରର ପୋଷକତତ୍ତ୍ୱ ଥାଏ। କିନ୍ତୁ ସାବୁନ ତିଆରି ପ୍ରକ୍ରିୟାରେ ପୋଷକତତ୍ତ୍ୱ ନଷ୍ଟ ହୋଇଯିବ। ଦୁଇ ବର୍ଷ ପୂର୍ବେ ଜଣେ ଚାଇନିଜ୍‌ ମହିଳାଙ୍କ ଭିଡିଓ ଭାଇରାଲ୍‌ ହୋଇଥିଲା। ସେ ମଧ୍ୟ ତାଙ୍କ କ୍ଷୀରରୁ ସାବୁନ ତିଆରି କରି ବିକ୍ରି କରୁଥିଲେ। ତେବେ ପରେ ସରକାର ଏହାକୁ ନିଷେଧ କରିଥିଲେ।