ନୂଆଦିଲ୍ଲୀ: ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି। ଏହି ଭିଡିଓରେ ବିପଦ ମୁହଁରୁ ନିଜ ସନ୍ତାନକୁ ଟାଣି ଆଣିଥିବା ମା’ର କାମକୁ ଦେଖି ସୋସିଆଲ ମିଡିଆ ବ୍ୟବହାରକାରୀ ଭୁରିଭୁରି ପ୍ରଶଂସା କରିଛନ୍ତି।

Advertisment

ଭାଇରାଲ୍ ଭିଡିଓରେ ଦେଖିବାକୁ ମିଳୁଛି, ଜଣେ ମହିଳା ତାଙ୍କ ଶିଶୁକୁ ଧରି ଲିଫ୍ଟରୁ ବାହାରୁଛନ୍ତି। ଏତିକି ବେଳେ ଶିଶୁ ଜଣକ ମା’ର ହାତ ଛାଡ଼ି ଶିଡ଼ି ପାଖକୁ ଚାଲି ଆସୁଛି। ମା’ ବି ଶିଶୁର ପଛେପଛେ ଆସୁଛନ୍ତି।

ଏତିକି ବେଳେ ଭାରସାମ୍ୟ ରକ୍ଷା କରି ନପାରିବାରୁ ଶିଶୁ ତଳକୁ ଖସି ପଡ଼ୁଛି। ଘଟଣାସ୍ଥଳରେ ଥିବା ମା’ ଆଖି ପିଛୁଳାକେ ଶିଶୁକୁ ଆୟତ୍ତ କରି ନେଉଛନ୍ତି। ମା’ଙ୍କ ଉପସ୍ଥିତ ବୁଦ୍ଧି ହେତୁ ଶିଶୁ ଏକ ବଡ଼ ବିପଦରୁ ବଞ୍ଚି ଯାଉଛି।

ଏହି ଘଟଣାର ଦୃଶ୍ୟ ସେଠାରେ ଲାଗିଥିବା ସିସିଟିଭି ଫୁଟେଜରେ କୈଦ ହୋଇଯାଇଥିଲା। ପରେ ଏହି ଭିଡିଓକୁ ‘ଅଡଲି ଟେରିଫାଇଂ’ ନାମକ ଟୁଇଟର ଆକାଉଣ୍ଟରୁ ସେୟାର କରାଯାଇଥିଲା। ଦେଖୁଦେଖୁ ଭିଡିଓଟି ସୋସିଆଲ ମିଡିଆରେ ଭାଇରାଲ ହୋଇଯାଇଥିଲା। ଲୋକେ ଭିଡିଓକୁ ଦେଖି ଉକ୍ତ ମା’ଙ୍କୁ ପ୍ରଶଂସା କରିବା ସହିତ ଲେଖିଛନ୍ତି, ‘ମା’ ତତେ କୋଟି ପ୍ରଣାମ’।