ନିଜ ଝିଅର ଅପହରଣ ବେଳେ ଦୁର୍ଗା ପାଲଟିଗଲେ ମହିଳା, ପିଲାକୁ ଅପହରଣକାରୀର ହାତରୁ ଛଡ଼ାଇ ଆଣିବା ବେଳର ଭିଡିଓ ଭାଇରାଲ୍
ନୂଆଦିଲ୍ଲୀ: କଥାରେ ଅଛି ନିଜ ପିଲା ଉପରେ କୌଣସି ପ୍ରକାର ବିପଦ ଆସିଲେ ମାଆମାନେ ଦୁର୍ଗା ସାଜିବାକୁ ବି ପଛାନ୍ତି ନାହିଁ। ତାହାର ଏକ ଉଦାହରଣ ଦିଲ୍ଳୀରେ ଦେଖିବାକୁ ମିଳିଛି। ଦିଲ୍ଲୀର ସକରପୁରରେ ଏକ କୁନି ଝିଅକୁ ଦୁଇ ଜଣ ଅପହରଣକାରୀ ଅପହରଣ କରି ନେବା ସମୟରେ କୁନି ପିଲାଟିର ମାଆ ଅପହରଣକାରୀ କବଳରୁ ପିଲାଟିକୁ ଛଡ଼ାଇ ଆଣିବାର ଦୃଶ୍ୟ ସିସିଟିଭିରେ କଏଦ ହୋଇଛି।
Sambad is now on WhatsApp
Join and get latest news updates delivered to you via WhatsApp
A mother was able to save her four-year-old daughter from being kidnapped on Tuesday from the clutches of armed kidnappers in Shakarpur area of East. @DelhiPolice 👏👏 pic.twitter.com/1XdJJb3dIU
— Saurabh Trivedi (@saurabh3vedi) July 22, 2020
ଜୁଲାଇ ୨୧ ତାରିଖରେ ଅପହରଣକାରୀ ୪ ବର୍ଷର କୁନି ପିଲାଟିକୁ ତାଙ୍କ ଘର ସାମ୍ନାରୁ ଟେକି ନେବାକୁ ଚେଷ୍ଟା କରିବା ସମୟରେ ଘର ଭିତରୁ ବାହାରି ଆସିଥିଲେ କୁନି ପିଲାର ମାଆ। ଅପହରଣକାରୀର ବାଇକ୍କୁ ଅଟକାଇ ସେ ପିଲାଟିକୁ ଛଡ଼ାଇ ଆଣିଥିଲେ ଓ ବାଇକ୍ ଚାଳକ ସହ ଦୀର୍ଘ ସମୟ ଧରି କୁସ୍ତି କରିି ବାଇକ୍କୁ ଅଟକାବାକୁ ଚେଷ୍ଟା କରିଥିଲେ। ଶେଷରେ କିନ୍ତୁ ବାଇକ୍ ଚାଳକଟି ଖସି ପଳାଇ ଯାଇଥିଲା।
This was seconds after a kidnapping attempt in Delhi was thwarted and suspects on bike were trying to escape. Amazing reaction time of a neighbour who blocks the narrow lane with a scooter and confronts the kidnappers. Watch out for each other! pic.twitter.com/gWwlZQNPJQ
— Piyush Rai (@Benarasiyaa) July 22, 2020
ପୁଲିସ୍ର ପ୍ରଥମିକ ତଦନ୍ତରୁ ଜାଣିବାକୁ ମିଳିଛି ଯେ କୁନି ପିଲାର ନିଜ କାକା ଏହି ଅପହରଣ ଷଡ଼ଯନ୍ତ୍ର ରଚିଥିଲେ। ତାଙ୍କୁ ଟଙ୍କାର ଅଭାବ ଥିବା ହେତୁ ସେ ନିଜ ଭାଇର ପିଲାକୁ ଅପହରର କରି ଟଙ୍କା ମାଗିବାକୁ ଚିନ୍ତା କରି ଏପରି କରିଥିଲେ। ଭିଡିଓଟି ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି। ସୋସିଆଲ୍ ମିଡିଆରେ ସାହସିନୀ ମହିଳାଙ୍କୁ ଲୋକେ ଭୂରି ଭୂରି ପ୍ରଶଂସା କରିବାରେ ଲାଗିଛନ୍ତି।