ମୁମ୍ବାଇ: ଜଣେ ମାଆ ଓ ତା’ର ସନ୍ତାନ ମଧ୍ୟରେ ଥିବା ସଂପର୍କର ମିଠାପଣ ଦୁନିଆର ଅନ୍ୟ ସବୁ ସଂପର୍କଠୁ ଅଧିକା। ସନ୍ତାନ ପାଇଁ ଯେ ମାଆ ହସି ହସି ସବୁ ଦୁଃଖ ସହିପାରେ ଏଥିରେ ତିଳେ ବି ସନ୍ଦେହ ନାହିଁ। ନିଜ ପିଲା ପାଇଁ ସବୁ କିଛି ତ୍ୟାଗ କରି ଦେଇଥିବା ଅନେକ ମାଆଙ୍କ ଉଦାହରଣ ଆପଣଙ୍କ ସାମ୍ନାରେ ଥିବ। ସନ୍ତାନ ପାଇଁ ନିଜ ଜୀବନକୁ ବାଜି ଲଗାଇବାକୁ ବି ମାଆ ପଛାନ୍ତି ନାହିଁ।

Advertisment

ସୋସିଆଲ ମିଡିଆରେ ନିକଟରେ ଏକ ଭିଡିଓ ଭାଇରାଲ ହେବାରେ ଲାଗିଛି, ଯାହା ଲୋକଙ୍କୁ ଭାବପ୍ରବଣ କରିଦେଇଛି ଏବଂ ଲୋକଙ୍କ ହୃଦୟ ମଧ୍ୟ ଜିତିଛି। ଏହି ଭିଡିଓଟିକୁ ଦେଖିବା ପରେ କାହାର ବି ପାଟିରୁ ବାହାରି ଯାଇପାରେ- ମାଆ ପରି କିଏ ହେବ!

ଭାଇରାଲ ହେଉଥିବା ଏହି ଭିଡିଓରେ, ଆପଣ ଦେଖିପାରୁଥିବେ ଯେ ରାତି ସମୟ। ପ୍ରବଳ ବର୍ଷା ହେଉଛି। ଲୋକମାନେ ଟ୍ରାଫିକରେ ଅଟକି ରହିଛନ୍ତି। ଯେଉଁଠାରେ ଜଣେ ମା ଏବଂ ପୁଅ ମଧ୍ୟ ବାଇକରେ ବସିଥିବାର ନଜର ଆସିଛନ୍ତି। ଆପଣ ଦେଖିପାରୁଥିବେ ଯେ ବର୍ଷାରେ ମାଆ ନିଜେ ଓଦା ହେଉଛନ୍ତି, କିନ୍ତୁ ପୁଅକୁ ଓଦା ହେବାରୁ ରକ୍ଷା କରିବା ପାଇଁ ପୁଅର ମୁଣ୍ଡକୁ ଏକ ବ୍ୟାଗରେ ଘୋଡାଇ ଦେଇଛନ୍ତି, ଯେପରି ପୁଅ ବର୍ଷାରେ ଓଦା ନହୁଏ।

ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଏହି ଭିଡିଓଟି ଟ୍ୱିଟରରେ @ ସୁହାନାରାଜା୪ ନାମକ ଜଣେ ଉପଭୋକ୍ତା ସେୟାର କରିଛନ୍ତି। ଏହି ଭିଡିଓକୁ ଏପର୍ଯ୍ୟନ୍ତ ୩ ଲକ୍ଷରୁ ଅଧିକ ଥର ଦେଖାଯାଇଛି। ଏହି ୧୧ ସେକେଣ୍ଡର କ୍ଲିପର କ୍ୟାପ୍ସନରେ ଲେଖାଯାଇଛି, ‘ମାଆ ସମସ୍ତଙ୍କ ସ୍ଥାନ ନେଇପାରେ, ମାଆର ସ୍ଥାନ କେହି ନେଇପାରେନା’। ଲୋକମାନେ ଭିଡିଓରେ ବହୁତ କମେଣ୍ଟ ଦେବାରେ ଲାଗିଛନ୍ତି। ଜଣେ ଉପଭୋକ୍ତା ଲେଖିଛନ୍ତି, ‘ମାଆ ଛଡ଼ା ଆଉ କେହି ନୁହେଁ’।