ମାତ୍ର ୭ଟି ଶବ୍ଦରେ ଇସ୍ତଫା ଦେଇ କର୍ମଚାରୀ ଚାକିରି ଛାଡ଼ି ଚାଲିଗଲେ

ନୂଆଦିଲ୍ଲୀ: ସୋସିଆଲ ମିଡିଆରେ ଅନେକ ଆକର୍ଷଣୀୟ ଓ ମଜାଳିଆ ବିଷୟବସ୍ତୁ ଥିବା ପୋଷ୍ଟ ସେୟାର ହୋଇଥାଏ। ଯ‌ାହାକୁ ଲୋକେ ଦେଖିବା ସହିତ ସେୟାର କରିବାକୁ ପସନ୍ଦ କରିଥାଆନ୍ତି।  ନିକଟରେ ଜଣେ କର୍ମଚାରୀଙ୍କ ଇସ୍ତଫା ପତ୍ର ଭାଇରାଲ ହୋଇଛି।

କର୍ମଚାରୀ ଜଣକ ଯେଉଁଭଳି ଭାବରେ ଇସ୍ତଫା ପତ୍ର ଲେଖି ଚାକିରି ଛାଡିଛନ୍ତି ତାହା ଚର୍ଚ୍ଚାରେ ରହିଛି ।

https://www.reddit.com/r/recruitinghell/comments/1jptls7/our_newest_employee_was_mia_then_we_found_this_on/?utm_source=embedv2&utm_medium=post_embed&utm_content=post_body&embed_host_url=https://www.hindustantimes.com/trending/employees-blunt-seven-letter-resignation-leaves-internet-in-stitches-i-quit-101743857765652.html

ଭାଇରାଲ ହେଉଥିବା ଇସ୍ତଫାପତ୍ରରେ କିଛି ଭିନ୍ନ ଲେଖାଥିବା ଦେଖିବାକୁ ମିଳୁଛି। ସାଧାରଣତଃ ଯେତେବେଳେ କେହି ଇସ୍ତଫା ଦିଅନ୍ତି, ସେମାନେ ଏଥିରେ କିଛି ବିଷୟ ଲେଖନ୍ତି ଏବଂ ଅତି କମରେ ୭-୮ ଧାଡି ନିଶ୍ଚୟ ଲେଖାଯାଇଥଏ। ଭାଇରାଲ ଇସ୍ତଫା ପତ୍ରରେ ସେପରି କିଛି ନାହିଁ। ମାତ୍ର ସାତଟି ଶବ୍ଦରେ ପ୍ରସଙ୍ଗ ଶେଷ ‌ହୋଇଯାଇଛି।

ଇସ୍ତଫାପତ୍ରରେ ଲେଖାଯାଇଛି- 'ଦାତବ୍ୟ ହିସାବରେ ଆକଉଣ୍ଟିଂ ମୋ ଦ୍ବାରା ହୋଇ ପାରିବନାହିଁ, ମୁଁ ଛାଡି ଦେଉଛି।'

ଏଭଳି ଇସ୍ତଫା ପତ୍ର ଦେଇଥିବା କର୍ମଚାରୀଙ୍କ ସହକର୍ମଚାରୀ ଏକ ପୋଷ୍ଟ ସେୟାର କରି ଲେଖିଛନ୍ତି, ‘ଆମର ନୂଆ କର୍ମଚାରୀ କେଉଁ ଆଡେ ଚାଲି ଯାଇଛନ୍ତି। ସେ କାମ କରୁଥିବା ଟେବୁଲ ଉପରୁ ୭ଟି ଶବ୍ଦ ଲେଖାଥିବା ଇସ୍ତଫା ପତ୍ର ମିଳିଛି।