ନୂଆଦିଲ୍ଲୀ: ଦେଶର ବଡ ଉଦ୍ୟୋଗପତି ମୁକେଶ ଆମ୍ବାନୀ ଓ ତାଙ୍କ ସ୍ତ୍ରୀ ନିତା ଆମ୍ବାନୀ ଖୁବଶୀଘ୍ର ତାଙ୍କ ସାନ ପୁଅ ଅନନ୍ତ ଆମ୍ବାନୀଙ୍କ ବିବାହ କରାଇ ଘରକୁ ସାନ ବୋହୂ ଆଣି‌ବେ ବୋଲି ଖବର ମିଳିଛି। ଏନେଇ ଆମ୍ବାନୀ ପରିବାରରେ ଜୋରସୋର ପ୍ରସ୍ତୁତି ଚାଲିଛି। ଏହି କ୍ରମରେ ଆମ୍ବାନୀ ପରିବାରର ସାନ ବୋହୂ କିଏ ହେବ ବୋଲି ଲୋକେ ପ୍ରଶ୍ନ କରିଛନ୍ତି।

Advertisment

ଆପଣଙ୍କୁ ଜଣାଇ ଦେବାକୁ ଚାହୁଁଛି କି ମୁକେଶଙ୍କ ସାନ ପୁଅ ଅନନ୍ତ ଆମ୍ବାନୀଙ୍କ ରାଧିକା ମର୍ଚ୍ଚାଣ୍ଟଙ୍କ ସହିତ ନିର୍ବନ୍ଧ ଶେଷ ହୋଇଛି। ଏହି ଖବର ରିଲାଏନ୍ସ ଇଣ୍ଡଷ୍ଟ୍ରିର ଡାଇରେକ୍ଟର ପରମଲ ନାଥୱାନି ଟୁଇଟ କରି ଦେଇଛନ୍ତି।

ଦେଖିବାକୁ ଗଲେ ଅନନ୍ତ ଓ ରାଧିକାଙ୍କ କିଛି ଯୁଗଳ ଫଟୋ ସୋସିଆଲ ମିଡିଆରେ ଘୁରି ବୁଲୁଛି। ରାଧିକା ଅନନ୍ତଙ୍କ ପିଲାଦିନର ସାଥୀ। ଦୁହେଁ ଦୁହିଁଙ୍କୁ ପିଲାଟି ଦିନରୁ ଜାଣିଛନ୍ତି। ଆମ୍ବାନୀ ପରିବାରର ସମସ୍ତ କାର୍ଯ୍ୟକ୍ରମରେ ରାଧିକାଙ୍କୁ ଅନେକ ସମୟରେ ସାମିଲ ହୋଇଥିବା ଦେଖିବାକୁ ମିଳିଛି। ତେବେ ଚଳିତ ମାସ ଶେଷସୁଦ୍ଧା ଅନନ୍ତ ଓ ରାଧିକାଙ୍କ ବିବାହ ତାରିଖ ଘୋ‌ଷଣା ହୋଇପାରେ ବୋଲି କୁହାଯାଉଛି।

ରାଧିକା ଏନକୋର ହେଲଥ କେୟାରରେ ସିଇଓ ଥିବ‌ା ବିରେନ ମର୍ଚ୍ଚାଣ୍ଟ ଓ ଶୈଳା ମର୍ଚ୍ଚ‌ାଣ୍ଟଙ୍କ ଝିଅ। ବିରେନଙ୍କ ନାମ ପ୍ରମୁଖ ବ୍ୟବସାୟୀ ତାଲିକାରେ ରହିଛି। ରାଧିକାଙ୍କ ପାଠପଢ଼ା ବିଷୟରେ କହିବାକୁ ଗଲେ ସେ ରାଜନୀତି ଓ ଅର୍ଥଶାନ୍ତ୍ରରେ ଡିଗ୍ରି ହାସଲ କରିଛନ୍ତି।