ବସ୍ତର: ଛତିଶଗଡ଼ ବସ୍ତରର କେଓଟି | ମାଓବାଦୀଙ୍କ ଗଡ ସାଜିଥିବା ଏହି ଅଞ୍ଚଳରେ ଏବେ ଗଡିଛି ରେଳ | ବଦଳିଛି ଜୀବନ, କମିଛି ଭୟ | ଯାତାୟାତର ସୁବିଧା କରିବାକୁ ରେଳ ମନ୍ତ୍ରାଳୟ ପକ୍ଷରୁ ଟ୍ରେନ ଚଳାଚଳ କରାଯିବା ସହ ଷ୍ଟେସନକୁ ଆଧୁନିକତାର ରୂପ ଦିଆଯାଇଛି | କେବଳ ସୁନ୍ଦର ପ୍ଲାଟଫର୍ମ କରାଯାଇନାହିଁ ବରଂ ୱାଇଫାଇର ମଧ୍ୟ ବ୍ୟବସ୍ଥା କରାଯାଇଛି | ଟ୍ରେନ ଯାତ୍ରୀ ମାଗଣାରେ ୱାଇଫାଇ ବ୍ୟବହାର କରିବା ସହ ନୂଆ ଜ୍ଞାନକୌଶଳ ଓ ଅଜଣା ଦୁନିଆକୁ ଜାଣିପାରିବେ |
Sambad is now on WhatsApp
Join and get latest news updates delivered to you via WhatsApp
ବନ୍ଧୁକର ଗୁଳି ଫୁଟିବା ଶବ୍ଦ, ମାଓବାଦୀଙ୍କ ଧମକ ଦେଖିଥିବା ଏଠାକାର ଲୋକ ଏବେ ଛତିଶଗଡ଼ର ରାଜଧାନୀକୁ ସିଧାସଳଖ ଟ୍ରେନ ଯୋଗେ ଯାଇପାରିବେ | ବଡ଼କଥା ହେଉଛି ଯେ ସ୍ଥାନୀୟ ଅଞ୍ଚଳର ପିଲାମାନେ ଟ୍ରେନ କଣ କେବେ ବି ଦେଖିନଥିଲେ, ପ୍ରଥମ ଥର ଆଖିରେ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି |
ରାବଘାଟ ରେଳ ପରିଯୋଜନା ଆଧାରରେ ଏହି ନୂଆ ରେଳ ଷ୍ଟେସନର ସ୍ଥାପନ କରାଯାଇଥିବାବେଳେ ରାୟପୁର-ଦୁର୍ଗ ମଧ୍ୟରେ ଯାତାୟାତ କରୁଥିବା ଟ୍ରେନ କେଓଟି ଷ୍ଟେସନରେ ମଧ୍ୟ ଯାତ୍ରୀଙ୍କୁ ସେବା ପ୍ରଦାନ କରୁଛି | ଆଶା ରହିଛି ନକ୍ସଲଙ୍କ ପ୍ରଭାବରେ ଅଟକିଥିବା ବିକାଶର ଗାଡିକୁ ଏହି ନୂଆ ରେଳ ଲାଇନ ଏବେ ସହଯୋଗ କରିବ |