ଅପରେସନ ପରେ ଗଲ୍ବ୍ଲାଡ଼ରରୁ ବାହାରିଲା୧୦ହଜାରରୁ ଅଧିକ ଷ୍ଟୋନ୍, ଗଣିବା ପାଇଁ ଡ଼ାକ୍ତରଙ୍କୁ ଲାଗିଲା ୮ଦିନ
କୋଟା : କୋଟାରେ ଥିବା ଏମ୍ବିଏସ୍ ହସ୍ପିଟାଲର ସର୍ଜରୀ ବିଭାଗରେ ଏକ ବିରଳ ଘଟଣା ଦେଖିବାକୁ ମିଳିଛି । ଜଣେ ରୋଗୀଙ୍କ ଗଲ୍ବ୍ଲାଡ଼ରରୁ ୧୦ହଜାରରୁ ଅଧିକ ଷ୍ଟୋନ୍ ବାହାର କରାଯାଇଛି । ଏ ପର୍ଯ୍ୟନ୍ତ ପୃଥିବୀରେ ଷ୍ଟୋନ ବାହାର କରିବା ନେଇ କରାଯାଇଥିବା ଅପରେସନ୍ ମଧ୍ୟରୁ ଏହା ତୃତୀୟ ଅଦ୍ଭୁତ ଅସ୍ତ୍ରେପାଚାର ବୋଲି ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ହସ୍ପିଟାଲର ସର୍ଜରୀ ବିଭାଗର ପ୍ରଫେସର ଡ଼ାକ୍ତର ନୀରଜଙ୍କ କହିବା ଅନୁଯାୟୀ, ସୁନ୍ଦରଲାଲ ନାମକ ବ୍ୟକ୍ତଙ୍କର ପେଟ ବିନ୍ଧା ଏବଂ ବଦ୍ହଜମୀ ସମସ୍ୟା ଆଗରୁ ରହିଥିଲା । କିଛି ଦିନ ତଳେ ତାଙ୍କର ପେଟ ବିନ୍ଧା ଅଧିକ ବଢ଼ିଯିବାରୁ ଡ଼ାକ୍ତର ତାଙ୍କୁ ସୋନୋଗ୍ରାଫି କରିବା ପାଇଁ କହିଥିଲେ । ସୋନୋଗ୍ରାଫି ପରେ ତାଙ୍କ ପେଟରେ ଷ୍ଟୋନ୍ ହୋଇଥିବାରୁ ଡ଼ାକ୍ତର ତାଙ୍କୁ ସର୍ଜରି ପାଇଁ ପରାମର୍ଶ ଦେଇଥିଲେ । ମେ ୨୨ରେ ତାଙ୍କର ଲେପ୍ରୋସ୍କୋପିକ୍ ସର୍ଜରୀ କରାଯାଇ ଗଲ୍ବ୍ଲାଡ଼ରରୁ ବାହାର କରାଯାଇଥିଲା । ପରେ ଗଲ୍ବ୍ଲାଡ଼ରକୁ ସଫା କରାଯିବା ସମୟରେ ଛୋଟ ଛୋଟ ୧୦ ହଜାରଟି ଷ୍ଟୋନ ଥିବା ଡ଼ାକ୍ତର ଦେଖିବାକୁ ପାଇଥିଲେ । ଡ଼ାକ୍ତର ନୀରଜଙ୍କ କହିବା ଅନୁଯାୟୀ ସୁନ୍ଦରଲାଲ୍ ଗଲ୍ବ୍ଲାଡ଼ରରେ ଆହୁରି ମଧ୍ୟ କିଛି ଛୋଟ ଛୋଟ ଷ୍ଟୋନ ରହିଛି ଯାହାକୁ ଗଣା ଯାଇ ପାରି ନାହିଁ । ଦୁନିଆରେ ଏଭଳି ଘଟଣା ତୃତୀୟ । ଏହା ପୂର୍ବରୁ ପ୍ରଥମେ ପଶ୍ଚିମବଙ୍ଗର ଜଣେ ରୋଗୀଙ୍କ ପେଟରୁ ୧୧୯୫୦ଟି ଷ୍ଟୋନ ବାହାର କରାଯାଇଥିଲା । ପରେ ଜୟପୁରରୁ ଜଣେ ରୋଗୀଙ୍କ ପେଟରୁ ୧୧୮୦୦ଟି ଷ୍ଟୋନ ବାହାର କରାଯାଇଥିଲା ।