ମିଳିଲା ୧୯୦ ଲକ୍ଷ ବର୍ଷ ପୁରୁଣା ଶୁଆର ଜୀବାଶ୍ମ, ଉଚ୍ଚତା ୧ମିଟର ଓ ଓଜନ ରହିଛି ୭କିଲୋ
ନୂଆଦିଲ୍ଲୀ: ନ୍ୟୁଜିଲ୍ୟାଣ୍ଡରେ ଏକ ବିଶାଳ ଶୁଆ ପାଖାପାଖି ୧୯ ମିଲିୟନ୍ ବର୍ଷ ପୂର୍ବରୁ ବୁଲୁଥିଲା ବୋଲି ନିକଟରେ ଏକ ଅଧ୍ୟୟନରୁ ଜଣାପଡ଼ିଛି। ଯାହାର ଉଚ୍ଚତା ୧ମିଟର (୩ଫୁଟ ୩ଇଞ୍ଚ) ଓ ଓଜନ ୭କିଲୋ ରହିଥିଲା ବୋଲି କୁହାଯାଉଛି। ଏହି ନୂଆ ଅଧ୍ୟୟନରୁ ଜଣାପଡ଼ିଛି କି ଏହି ଶୁଆର ଅବଶେଷ ନ୍ୟୁଜିଲ୍ୟାଣ୍ଡର ଦକ୍ଷିଣ ଓଟାଗୋ ଅଞ୍ଚଳର ସେଣ୍ଟ ବାଥନସ ନିକଟରୁ ମିଳିଛି। ଏହି ଅଧ୍ୟୟନ ରିପୋର୍ଟ ଲୋକମାନଙ୍କୁ ହଇରାଣ କରି ଦେଇଛି।
Sambad is now on WhatsApp
Join and get latest news updates delivered to you via WhatsApp
କାରଣ ଏହି ଶୁଆର ଓଜନ ଓ ଉଚ୍ଚତା ଦେଖି ଜଣାପଡ଼ୁଛି କି ଶୁଆ ପକ୍ଷୀଙ୍କ ଭଳି ଉଡି ପାରୁ ନଥିଲା ସେ ମାଂସାହାରୀ ଥିଲା। ଜୀବବିଜ୍ଞାନ ପତ୍ରିକାରେ ମଙ୍ଗଳବାର ଏହି ପକ୍ଷୀର ଏକ ଅଧ୍ୟୟନ ରିପୋର୍ଟ ପ୍ରକାଶ ପାଇଥିଲା। ଏଥିରେ ଉଲ୍ଲେଖ ଥିଲା କି ଏହି ଶୁଆର ଓଜନ ୭କିଲୋ ରହିଛି।
ପେଲିୟୋଣ୍ଟୋଲଜିଷ୍ଟ ପକ୍ଷୀ ବିଷୟରେ ଅଧିକ କିଛି କହି ପାରୁ ନାହାନ୍ତି। କାରଣ ତାଙ୍କୁ କେବଳ ଶୁଆର ଗୋଡ ଓ ହାଡ ମିଳିଛି। ଶୁଆର ହାଡ ଓ ଗୋଡକୁ ଖୋଜି ବାହାର କରିଥିବା ଅଧ୍ୟୟନକାରୀ ଏହାର ନାମ ‘ହେରାକଲ୍ସ ଇନଏକ୍ସପେକ୍ଟାଟସ’୍ ନାମ ଦେଇଛନ୍ତି। ଏହି ବିଶାଳ ଶୁଆର ଜୀବାଶ୍ମ ୧୯୦ଲକ୍ଷ ବର୍ଷ ପୁରୁଣା ବୋଲି ଅନୁମାନ କରାଯାଇଛି।