କରୋନା ଭାଇରସ୍: ଚୀନରେ ଆରମ୍ଭ ହେଲା ‘ହ୍ୟାଣ୍ଡ୍ ସେକ୍’ ବଦଳରେ ‘ଲେଗ୍ ସେକ୍’ ଟ୍ରେଣ୍ଡ୍
ବେଜିଂ: ଯେତେବେଳେ କେହିି ବନ୍ଧୁ କିମ୍ବା ପ୍ରିୟ ଲୋକ ଦେଖା ହୋଇଥାନ୍ତି ଆମେ ସାଧାରଣତଃ ‘ହ୍ୟାଣ୍ଡ୍ ସେକ୍’ କରିଥାନ୍ତି। ମାତ୍ର ନିକଟରେ ସୋସିଆଲ୍ ମିଡିଆରେ ଭାଇରାଲ୍ ହୋଇଥିବା ଭିଡିଓରେ ଏକ ବିରଳ ଦୃଶ୍ୟ ଦେଖିବାକୁ ମିଳିଛି। କରୋନା ଭାଇରସ୍ ଭୟରେ ଚୀନର ଲୋକେ ‘ହ୍ୟାଣ୍ଡ୍ ସେକ୍’ ବଦଳରେ ‘ଲେଗ୍ ସେକ୍’ କରୁଥିବାର ନଜର ଆସିଛି। କରୋନା ଭାଇରସ୍କୁ ଦୂରେଇ ଦେବା ପାଇଁ ଲୋକେ ଏହି ପରି ଭାବେ ସଚେତନତା ଆପଣେଇଥିବା ଜାଣିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
What to do if you can’t shake hands? #coronavirus #creativity #china pic.twitter.com/MZ5aginwdD
— Marina Rudyak 卢玛丽 (@RudyakMarina) February 28, 2020
ଟ୍ବିଟର୍ ବ୍ୟବହାରକାରୀ ରୁଦ୍ୟକ ମେରିନାଙ୍କ ଟ୍ବିଟର୍ ପେଜ୍ରେ ଏହି ଭିଡିଓ ପୋଷ୍ଟ୍ ହେବା ପରେ ଏହା ଭାଇରାଲ୍ ହେବାରେ ଲାଗିଛି। ଭିଡିଓରେ ଦେଖିବାକୁ ମିଳିଛି ଯେ ଲୋକମାନେ ସମସ୍ତେ ମୁହଁରେ ମାସ୍କ ପିନ୍ଧି ବୁଲୁଛନ୍ତି। ପରସ୍ପରଙ୍କୁ ଅଭିବାଦନ ଜଣାଇବା ପାଇଁ ସେମାନେ ଗୋଡ଼ ମିଳାମିିିଳି ହେଉଛନ୍ତି।
ସେହି ସମୟର ଦୃଶ୍ୟକୁ ଭିଡିଓ କରି ରୁଦ୍ୟକ ମେରିନା ନାମକ ବ୍ୟକ୍ତି ତାହାକୁ ନିଜ ଟ୍ବିଟର୍ ପେଜ୍ରେ ସେୟାର୍ କରିଛନ୍ତି। ପ୍ରଥମେ ଜଣେ ଯୁବକ ଏକ କଳା ରଂଗର ଗାଡ଼ିରୁ ବାହାରୁଛନ୍ତି। ଯୁବକଙ୍କୁ ତାଙ୍କ ବନ୍ଧୁ ହାତ ମିଳାଇବାକୁ ହାତ ବଢ଼ାଉଥିବା ବେଳେ ଯୁବକ ଜଣକ ପଛକୁ ଘୁଞ୍ଚିଯାଇ ଗୋଡ଼ ବଢ଼ାଉଛନ୍ତି। ରୁଦ୍ୟକ ମେରିନା ଭିଡିଓର କ୍ୟାପ୍ସନ ଦେଇ ଲେଖିଛନ୍ତି, ‘ଯଦି ତୁମେ କରୋନା ଭାଇରସ୍ ହେତୁ ହାତ ମିଳାଇ ପାରିବନି ତ କ’ଣ କରିପାରରିବ?’