ମୁମ୍ବାଇ: ଆଜିର ଝିଅ କାହାଠୁ କମ ନୁହଁ, ଏକଥାକୁ ପ୍ରମାଣିତ କରି ଦେଖାଇଛନ୍ତି ପ୍ରତୀକ୍ଷା ଦାସ | ଜଣେ ମେକାନିକାଲ ଇଂଜିନିୟର ଭାବେ ପାଠପଢା ସମାପ୍ତ କରିବା ପରେ ଏବେ ଜଣେ ଡ୍ରାଇଭର ହେବାକୁ ମନ ବଳାଇଛନ୍ତି ୨୪ ବର୍ଷୀୟ ପ୍ରତୀକ୍ଷା | ତେବେ ସେ କୌଣସି କାର ଚଳାଇବେ ନାହିଁ ବରଂ ତାଙ୍କୁ ସିଟିବସ ଚଳାଇବାର ଅନୁମତି ଦେଇଛି ମୁମ୍ବାଇ ସିଟିବସ ସେବା |
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇର ସହରର ପ୍ରତିଟି ଗଳି କନ୍ଦିରେ ଗଡ଼ିଥାଏ ସିଟିବସ ‘ବେଷ୍ଟ’ ଆଉ ପ୍ରତୀକ୍ଷା ପ୍ରଥମ ମହିଳା ଡ୍ରାଇଭର ଭାବେ ଏବେ ସାମିଲ ହୋଇଛନ୍ତି | ପ୍ରତୀକ୍ଷା ମୁମ୍ବାଇରେ ରହୁଥିବାବେଳେ ଠାକୁର କଲେଜରୁ ମେକାନିକାଲ ଇଞ୍ଜିନୟରିଂ ପାସ କରିଥିବାବେଳେ ଆରଟିଓ ହେବାକୁ ଚାଁହୁଥିଲେ | କିନ୍ତୁ ଏଥିପାଇଁ ତାଙ୍କ ପାଖରେ ହେଭି ଭେଇକିଲ ଡ୍ରାଇଭିଙ୍ଗ ଲାଇସେନ୍ସର ଆବଶ୍ୟକତା ଥିଲା |
ଏଥିପାଇଁ ସେ ବସ ଚଳାଇବାକୁ ମନ ବଳାଇଥିଲେ | ନିଜର ଟ୍ରେନିଂ ସମାପ୍ତ ହେବା ପରେ ଏବେ ମୁମ୍ବାଇ ‘ବେଷ୍ଟ’ ସେବାରେ ନିଜକୁ ସାମିଲ କରିଛନ୍ତି | ଯେଉଁ ବୟସରେ ଝିଅମାନେ ସପିଙ୍ଗ କରିବାରେ ବ୍ୟସ୍ତ ଥାନ୍ତି ସେହି ବୟସରେ ପ୍ରତୀକ୍ଷା ବସ ଚଳାଇବାକୁ ଟ୍ରେନିଂ ସେଣ୍ଟରରେ ପହଁଚିଯାଇଥିଲେ |ପ୍ରତୀକ୍ଷାଙ୍କୁ ଦେଖି ଖୋଦ ପ୍ରଶିକ୍ଷକ ବି ଆଶ୍ଚର୍ଯ୍ୟ ହୋଇଯାଇଥିଲେ |