ଏଣିକି ଟ୍ରେନ୍‌ ଟିକେଟ କ୍ୟାନସଲ କଲେ ମାତ୍ର କିଛି ସେକେଣ୍ଡ ମଧ୍ୟରେ ଜାଣିପାରିବେ କେବେ ଫେରି ପାଇବେ ଆପଣଙ୍କ ଟଙ୍କା!

ଭାରତୀୟ ରେଳବାଇ ଯାତ୍ରୀମାନଙ୍କ ସୁବିଧା ପାଇଁ ବିଭିନ୍ନ ଯୋଜନାମାନ କାର୍ଯ୍ୟକାରୀ କରିବାରେ ଲାଗିଛନ୍ତି। ଟ୍ରେନ୍‌ ଯାତ୍ରୀଙ୍କ ସଂଖ୍ୟା ଦିନକୁ ଦିନ ବଢ଼ୁଥିବାରୁ ଟ୍ରେନ୍‌ ଟିକେଟ୍‌ ବୁକିଂ ଠାରୁ ଆରମ୍ଭ କରି ନିରାପଦରେ ଯାତ୍ରା ପାଇଁ ରେଳବାଇ ପକ୍ଷରୁ ଏବେ ବେଶ୍‌ ଗୁରୁତ୍ୱ ଦିଆଯାଉଛି। ଭାରତୀୟ ରେଳବାଇରେ ପ୍ରତିଦିନ ପାଖାପାଖି ୨.୩ କୋଟି ଲୋକ ଯାତାୟତ କରିଥାନ୍ତି। ସେଥିମଧ୍ୟରୁ ପାଖାପାଖି ୧୫ ଲକ୍ଷ ଯାତ୍ରୀ ଆଇଆରସିଟିସି ଜିଆରେ ଟିକେଟ ବୁକିଂ କରିଥାନ୍ତି । କିନ୍ତୁ ଏଥି ମଧ୍ୟରୁ ଏମିତି ଅନେକ ଲୋକ ଥାନ୍ତି ଯେଉଁମାନେ କୌଣସି କାରଣରୁ ନିଜ ଟିକେଟକୁ କ୍ୟାନସଲ କରିବାକୁ ପଡିଥାଏ।

ଟିକେଟ କ୍ୟାନସଲ କଲା ପରେ ସମସ୍ତଙ୍କ ଚିନ୍ତା ରହିଥାଏ ଯେ, ସେମାନେ କେବେ ସେମାନଙ୍କ ଟଙ୍କା ଫେରି ପାଇବେ। କିନ୍ତୁ ଏବେ ଆପଣଙ୍କୁ ଆଉ ଏଭଳି ଟେନସନ ନେବାକୁ ପଡିବ ନାହିଁ । ଭାରତୀୟ ରେଳବାଇ ଏଥିପାଇଁ ଅନଲାଇନ ବ୍ୟବସ୍ଥା ଆରମ୍ଭ କରିଦେଇଛି। ଏହି ବ୍ୟବସ୍ଥା ଜରିଆରେ ଆପଣ ମାତ୍ର କିଛି ସେକେଣ୍ଡ ମଧ୍ୟରେ ଆପଣଙ୍କ ଟଙ୍କା ଫେରସ୍ତ ବାବଦରେ ଜାଣିପାରିବେ। ଭାରତୀୟ ରେଳବାଇ ଏଥି ପାଇଁ ଏକ ନୂଆ ୱେବସାଇଟ ଆରମ୍ଭ କରିଛି।

ତେବେ ଯଦି ନିଜର ଟିକେଟର ରିଫଣ୍ଡ ବାବଦରେ ଜାଣିବାକୁ ଚାହୁଁଛନ୍ତି ତେବେ refunds.indianrail.gov.inରେ ଲଗ ଇନ କରନ୍ତୁ । ଲଗ ଇନ କଲା ପରେ ଆପଣଙ୍କୁ ନିଜର PNR ନମ୍ବର ଏଠାରେ ଦେବାକୁ ପଡିବ ଏହା ପରେ ନିଜର ସମ୍ପୂର୍ଣ୍ଣ ବିବରଣୀ ଜାଣିପାରିବେ। ଅନଲାଇନରେ ନିଜର ଟିକେଟ ବୁକିଂ କରିଥାନ୍ତୁ କିମ୍ବା କାଉଣ୍ଟରରେ ଏହି ପୋର୍ଟାଲ ମାଧ୍ୟମରେ ନିଜର ଟିକେଟର ରିଫଣ୍ଡ ବାବଦରେ ସମସ୍ତ ସୂଚନା ପାଇପାରିବେ।

ଏହା ପୂର୍ବରୁ ଯେଉଁମାନେ କାଉଣ୍ଟରରେ ଟିକେଟ ବୁକ କରୁଥିଲେ ସେମାନେ ନିଜ ଟିକେଟର ରିଫଣ୍ଡ ଫେରିପାଇବା ପାଇଁ ଟିଡିଆର ଫର୍ମ ଭରୁଥିଲେ ଏବଂ ଅନଲାଇନ ଟିକେଟକାରୀଙ୍କ ମେସେଜ କିମ୍ବା ଇମେଲ ମାଧ୍ୟମରେ ନିଜ ରିଫଣ୍ଡ ବାବଦରେ ସୂଚନା ପାଉଥିଲେ। ଅନଲାଇନ ଟିକେଟ ଯଦି ଆପଣ ରଦ୍ଦ କରିଛନ୍ତି ତେବେ ଆପଣଙ୍କୁ ଏହାର ରିଫଣ୍ଡ ୫ଦିନ ପ୍ରୋସେସରେ ହୋଇଥାଏ ଏବଂ ଯଦି ଆପଣ ରେଲୱେ କାଉଣ୍ଟରରେ ଟିକେଟ ବୁକ କରିଛନ୍ତି ତେବେ ଏହାର ରିଫଣ୍ଡ ଆପଣଙ୍କୁ ୭ଦିନର ପ୍ରୋସେସରେ ହୋଇଥାଏ।