ଓଡ଼ିଶାରୁ ଶିଖି ମାତ୍ର ୩୪ ହଜାର ଟଙ୍କା ନିବେଶରେ ୯ ଲକ୍ଷ ଟଙ୍କା ରୋଜଗାର କରୁଛନ୍ତି ରାଜସ୍ଥାନ ଯୁବକ
ଜୟପୁର: ଓଡ଼ିଶାରୁ ଶିଖିଲେ, ଆଉ ରାଜସ୍ଥାନରେ ନିଜର କୃତିତ୍ୱ ଦେଖାଇଲେ | ରାଜସ୍ଥାନର ରାଜଧାନୀ ଜୟପୁରଠାରୁ ମାତ୍ର ୩୧ କିଲୋମିଟର ଦୂରରେ ଥିବା ରେନୱାଲ ସହରରେ ରୁହନ୍ତି ନରେନ୍ଦ୍ର କୁମାର ଗରବା | ଚାରି ବର୍ଷ ପୂର୍ବେ ନରେନ୍ଦ୍ର ମୁକ୍ତା ଚାଷ ଆରମ୍ଭ କରିଥିବାବେଳେ ଏବେ ବର୍ଷକୁ ଲକ୍ଷାଧିକ ଟଙ୍କା ରୋଜଗାର କରୁଛନ୍ତି | ନରେନ୍ଦ୍ର କହିଛନ୍ତି ଯେ ୨୦୧୬ ରେ ଓଡ଼ିଶାର ସିଫା ପ୍ରତିଷ୍ଠାନରୁ ମୁକ୍ତା ଚାଷ ସମ୍ବଳିତ ୬ ଦିନିଆ ତାଲିମ ନେବା ପରେ ରେନୱାଲରେ ଏକ ମୋତି ତିଆରି ୟୁନିଟ୍ ଆରମ୍ଭ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଛୋଟ ଜଳ ପୁଷ୍କରିଣୀ ତିଆରି କରିବା ଏବଂ କଞ୍ଚାମାଲ କ୍ରୟ କରି କାମ ଆରମ୍ଭ କରିବା ପାଇଁ ପ୍ରାୟ ୩୫ ହଜାର ଟଙ୍କା ଖର୍ଚ୍ଚ ହୋଇଥିଲା | ଏହା ପରେ କେରଳ ଓ ମୁମ୍ବାଇର ମତ୍ସ୍ୟଜୀବୀଙ୍କଠାରୁ ଶାମୁକା କିଣିଥାନ୍ତି | ୧୮ ମାସ ରଖିବା ପରେ ମୋତି ପ୍ରସ୍ତୁତ ହୋଇଯାଏ | ବଡ କଥା ହେଉଛି ଯେ ଏହି ଚାଷ ପାଇଁ ଶାମୁକାଙ୍କ ପାଇଁ ସାମୁଦ୍ରିକ ବାତାବରଣ ପ୍ରସ୍ତୁତ କରିବାକୁ ପଡେ | ନରେନ୍ଦ୍ରଙ୍କ କହିବା ଅନୁଯାୟୀ, ଏକ ହଜାର ଶାମୁକା ମଧ୍ୟରୁ ବର୍ଷକୁ ପାଞ୍ଚ ଶହ ଶାମୁକା ନଷ୍ଟ ହୋଇଯାଏ |
ଅବଶିଷ୍ଟ ପାଞ୍ଚ ଶହ ଶାମୁକାରୁ ଭଲ ଗୁଣବତ୍ତା ମୋତି ମିଳିଥାଏ, ଯାହାର ବଜାରରେ ବହୁତ ଚାହିଦା ରହିଥାଏ | ଅଳଙ୍କାର ବ୍ୟବସାୟୀଙ୍କୁ ମୋତି ବିକ୍ରୟ କରିବା ବ୍ୟତୀତ ଔଷଧ କମ୍ପାନୀକୁ ମଧ୍ୟ ବିକ୍ରୟ କରିଥାନ୍ତି | ବର୍ତ୍ତମାନ ସେ ବର୍ଷକୁ ପ୍ରାୟ ନଅ ଲକ୍ଷ ଟଙ୍କା ରୋଜଗାର କରୁଥିବାର କହିଛନ୍ତି |