୨ ଲକ୍ଷ ଟଙ୍କାର କଏନରେ ନିର୍ମାଣ ହେଲା ରାମ ମନ୍ଦିର, ବ୍ୟବହାର ହୋଇଛି ଟଙ୍କିକିଆ ଓ ପାଞ୍ଚ ଟଙ୍କିଆ କଏନ
ବାଙ୍ଗାଲୋର: ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଏବେ ସାରା ଦେଶରେ ଅର୍ଥ ସଂଗ୍ରହ ଅଭିଯାନ ଜାରି ରହିଛି | ତେବେ ରାମ ମନ୍ଦିର ନିର୍ମାଣ ପୂର୍ବରୁ ଏହାକୁ ନେଇ ଅନେକ ଚିତ୍ର ଶିଳ୍ପୀ, ବାଲୁକା ଶିଳ୍ପୀ କଳାକୃତି ନିର୍ମାଣ କରୁଛନ୍ତି | ଆଉ ଏହାରି ଭିତରେ ବାଙ୍ଗାଲୋରରେ ରାମ ମନ୍ଦିରର ନକ୍ସାକୁ ନେଇ ଏକ ସୁନ୍ଦର କଳାକୃତି ଦେଖିବାକୁ ମିଳିଛି | ବାଙ୍ଗାଲୋରରେ ଟଙ୍କିକିଆ ଓ ପାଞ୍ଚ ଟଙ୍କିଆ କଏନକୁ ନେଇ ରାମ ମନ୍ଦିରର ଅବିକଳ କଳାକୃତି ନିର୍ମାଣ କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ଏହି କଳାକୃତିକୁ ବାଙ୍ଗାଲୋରର ରାଷ୍ଟ୍ର ଧର୍ମ ଟ୍ରଷ୍ଟ ପକ୍ଷରୁ ନିର୍ମାଣ କରାଯାଇଥିବାବେଳେ ବାଙ୍ଗାଲୋର ସହରର ଲାଲବାଗ ୱେଷ୍ଟ ଗେଟ ପାଖରେ ଏହା ଦେଖିବାକୁ ମିଳିଛି | ଏହି କଳାକୃତିକୁ ନିର୍ମାଣ କରିବା ପାଇଁ ୬୦ ହଜାରଟି କଏନର ବ୍ୟବହାର କରାଯାଇଛି | ତେବେ କଳାକୃତିରେ ୨ ଲକ୍ଷ ଟଙ୍କାର କଏନ ବ୍ୟବହାର ହୋଇଛି | ସୂଚନା ଥାଉ କି ଅଗଷ୍ଟ ୨୦୨୦ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଶିଳାନ୍ୟାସ କରିଥିଲେ |
ଆଉ ଏହା ପରେ ରାମ ମନ୍ଦିର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା | ରାମ ଜନ୍ମଭୂମି ତୀର୍ଥ କ୍ଷେତ୍ର ନ୍ୟାସର ବରିଷ୍ଠ ପଦାଧିକାରୀମାନେ କହିଛନ୍ତି ଯେ ଅଯୋଧ୍ୟାରେ ଭବ୍ୟ ରାମ ମନ୍ଦିର ନିର୍ମାଣ କାମ ପ୍ରାୟ ୩ ବର୍ଷରେ ପୂରଣ ହେବ। ଏଥିରେ ୧୧ ଶହ କୋଟିରୁ ଅଧିକ ଟଙ୍କା ଖର୍ଚ୍ଚ ହେବ ବୋଲି ଆକଳନ କରାଯାଇଛି।