ନୂଆଦିଲ୍ଲୀ: ବିଜୟା ଦଶମୀ । ମା’ ଦୁର୍ଗାଙ୍କ ଆଶୀର୍ବାଦ ନେଇ ଭଗବାନ ରାମଚନ୍ଦ୍ର ଲଙ୍କାଧିପତି ରାବଣର ବଧ କରିଥିଲେ । ଅଧର୍ମ ଉପରେ ଧର୍ମର ବିଜୟ ସ୍ମାରକୀ ସ୍ୱରୂପ ଏହି ସ୍ମୃତିକୁ ମନେ ପକାଇବାକୁ ପ୍ରତିବର୍ଷ ପାଳନ କରାଯାଏ ଦଶହରା ଉତ୍ସବ। ଭାରତର ବିଭିନ୍ନ ସ୍ଥାନରେ ରାବଣ ପୋଡି ଉତ୍ସବର ମଧ୍ୟ ଆୟୋଜନ ହୋଇଥାଏ । ତେବେ ପାଠକେ ଜାଣିଲେ ଆଶ୍ଚର୍ଯ୍ୟ ହେବେ ଲଙ୍କାଧିପତି ରାବଣଙ୍କ ମୃତ୍ୟୁ ପ୍ରସଙ୍ଗରେ ଶ୍ରୀଲଙ୍କା ଅଧିବାସୀଙ୍କ ରହିଛି ଭିନ୍ନମତ । ରାବଣଙ୍କ ମୃତ୍ୟୁ ପରେ ତାଙ୍କ ଶବ ସଂସ୍କାର କରା ନ ଯାଇ ଏକ ଗୁମ୍ଫାରେ ଲୁଚାଇ ରଖାଯାଇଛି । ଯାହା ଆଜି ବି ଦର୍ଶନୀୟ । ଶ୍ରୀଲଙ୍କା ସରକାର ଏହାକୁ ସ୍ମାରକୀ ବୋଲି ଘୋଷଣା ମଧ୍ୟ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଶ୍ରୀଲଙ୍କାର ରେଙ୍ଗଲା ଜଙ୍ଗଲରେ ଥିବା ଏକ ବିରାଟ ପର୍ବତ ଉପରେ ରହିଥିବା ଗୁମ୍ପାକୁ ରାବଣ ଗୁମ୍ଫା ଭାବେ ନାମକରଣ କରାଯାଇଛି । ପାହାଡର ୮ହଜାର ଫୁଟ ଉପରେ ଏହି ଗୁମ୍ଫା ରହିଛି । ଶ୍ରୀଲଙ୍କାର ରାମାୟଣ ରିସର୍ଚ୍ଚ ସେଣ୍ଟର ଓ ପର୍ଯ୍ୟଟନ ବିଭାଗର ମିଳିତ ଆନୁକୂଲ୍ୟରେ ଏକ ଗବେଷଣା କରାଯାଇଥିଲା । ଯାହାର ନିର୍ଯ।ସ ସ୍ୱରୂପ ରାବଣଙ୍କ ଶବ ଏହିଠାରେ ରହିଥିବା ଦାବି କରାଯାଉଛି ।
ଗବେଷକଙ୍କ ମତରେ ରାମ-ରାବଣ ଯୁଦ୍ଧ ସମାପନ ହେବା ପରେ ମହାଜ୍ଞାନୀ ରାବଣଙ୍କ ଶବ ସଂସ୍କାର ପାଇଁ ତାଙ୍କ ଭ୍ରାତା ବିଭୀଷଣଙ୍କୁ ପ୍ରଦାନ କରାଯାଇଥିଲା । ଯେଉଁ ଗୁମ୍ପାରେ ରାବଣ ତପସ୍ୟା କରି ବହୁ ବର ଲାଭ କରିଥିଲେ, ଶେଷରେ ସେହିଠାରେ ହିଁ ତାଙ୍କ ଶବକୁ ରାଖାଯାଇଥିଲା ବୋଲି କୁହନ୍ତି ଏହି ମିଳିତ ଗବେଷଣାର ଅଧିକାରୀମାନେ ।