କ’ଣ ପାଇଁ କିଛି ଲୋକଙ୍କ ଗାଲରେ ପଡ଼ିଥାଏ ଭଉଁରି? ଏହାର ଅସଲ କାରଣ କ’ଣ?
ଗାଲରେ ଭଉଁରି ପଡ଼ିଲେ ତାହା ମୁହଁର ସୌନ୍ଦର୍ଯ୍ୟକୁ ବଢ଼ାଇ ଦେଇଥାଏ । ବଲିଉଡ୍ କଳାକାର ପ୍ରୀତି ଜିଣ୍ଟା, ଦୀପିକା ପାଦୁକୋନ୍, ଶାହାରୁଖ୍ ଖାନ୍ ଏବଂ ଜନ୍ ଆବ୍ରାହମ୍ଙ୍କ ଗାଲରେ ଭଉଁରି ପଡ଼ୁଥିବା ଦେଖି ଅନେକ ଲୋକ ନିଜ ଗାଲରେ ମଧ୍ୟ ଭଉଁରି ପଡ଼ିବା ନେଇ ସ୍ୱପ୍ନ ଦେଖିଥାନ୍ତି । କିନ୍ତୁ ଆପଣମାନେ ଭଉଁରି ପଡ଼ିବାର କାରଣ ଜାଣି ନିଶ୍ଚୟ ଆଶ୍ଚର୍ଯ୍ୟ ହେବେ । ଏହା ଆପେ ଆପେ ନୁହେଁ ଏକ ପ୍ରକାରର ଶାରୀରିକ ସମସ୍ୟା ପାଇଁ ହୋଇଥାଏ । ଗାଲର ମାଂସପେଶୀ ଯେତେବେଳେ କୌଣସି କାରଣରୁ ଛୋଟ ପଡ଼ିଯାଏ, ସେତେବେଳେ ହସିବା ସମୟରେ ମାଂସପେଶୀ ଟାଣି ହୋଇ ଯାଇଥାଏ । ଯାହାଦ୍ୱାରା ଗାଲରେ ଭଉଁରି ପଡ଼ିଥାଏ । ପିଲାଟି ମା’ ପେଟରେ ଥିବା ବେଳେ ଏହା ଶରୀରକୁ ଆସି ଯାଇଥାଏ ।
Sambad is now on WhatsApp
Join and get latest news updates delivered to you via WhatsApp
ଗବେଷଣା ଅନୁଯାୟୀ ଗାଲରେ ଭଉଁରି ପଡ଼ିବା ବଂଶଗତ ବୋଲି ଜଣା ପଡ଼ିଥିବା ବେଳେ ଏକ ଗବେଷଣାରୁ ଗାଲରେ ଥିବା ଟିସୁଗୁଡ଼ିକ ମଧ୍ୟରୁ ଗୋଟିଏ ଛୋଟ ହୋଇ ଯାଇଥିଲେ ଗାଲରେ ଭଉଁରି ପଡ଼େ ବୋଲି ଜଣାପଡ଼ିଛି ।
କିଛି ଲୋକଙ୍କର ଛୋଟ ବେଳେ ଗାଲରେ ଭଉଁରି ପଡ଼ୁଥିବା ବେଳେ ବଡ଼ ହେଲେ ତାହା ଉଭେଇ ଯାଇଥାଏ । ଏହାର କାରଣ ହେଉଛି, ଛୋଟ ବେଳେ ପିଲାମାନଙ୍କ ଗାଲରେ ବେବି ଫ୍ୟାଟ୍ ରହିଥାଏ । ଯାହାଦ୍ୱାରା ଗାଲରେ ଭଉଁରୀ ଆସିଥାଏ । ବଡ଼ ହେବା ସହ ବେବି ଫ୍ୟାଟ୍ କମ ହୋଇଯିବାରୁ ଭଉଁରୀ ମଧ୍ୟ ଦେଖା ଯାଇ ନ ଥାଏ ।